دهاليز الحب

البارت الثالث عشر

النساء في بلادي حزينات وحلوات...

أيلاف;

كاعده حاطة ايدي علخدي اهز ابرجلي تفرج و
اباوع لاسيل كاعده كدامي ببدلته حزينة حايرة
تباوع منا ومنا تريد اجابه مقنعه واما عن اهلي
يهوسون وي اليهوس بابا يروح منا ويجي اهنااا
متوتر وأعصابه تلفانة بعد ماا راح داغر ماله أثر
يصيح;صدك جذب شجاه الولد هاذه مااااجان
هيج

دخل علينة أمان لبهدوء باوعتله بشك اكيد هو
يعرف وينه مايخفه عليه شي أمان ايد داغر م̷ـِْن
زمان يثق بيه ونص أموره هو يكملهة باوع عليه
بابا بعصبيه ميحب امان هواي

;انته احجي وين داغر

رد عليه امان ببرود يعرفه مايحبه ويستفز بيه;
وعليكم السلام

اشر بابا بايده عليه;بارع ترا اعصابي تعبانه ومو
مال مداهرة احجي وين راح

باوع أمان الابو اسيل الكاعد يشوف الوضعيه و
ساكت خطية رجال فقير على كد حاله ميحجي
شي ميدور مشاكل ابد ويحب بابا رجع باوع هو
على بابا وكله; رجع الروسيا

فتح عيونه مصدوم كلنة انصدمنه ليش هيجي
يسوي خلي يتقبل همة اختارو طريقهم شجاي
يسوي داغر بشنو يفكر جاوبه بابا راح ينجلط و
يموت بمكانه ;ليشش وكتهةةة عايف الابنيه. و
مالتفت وراه

اتنهد بابا وباوع العمو كرم;اني اعتذر منك و

ابتسم هو;ماله داعي جوز اكو شي اتاكدو اخاف
صاير شي وياه

باوعتله بقهر اشكد على نياته ياربي تنلام جمرة
ماتنلام ضحت علمودهم فرك باباا كصته ورجع
ڱڵـه. عمو م̷ـــِْن شاف وضعيته متساعد ;اكعدد
: خلي نفتهم خابرو

جاوبه أمان; متحصلو بعده بلطيارة

باوعله بابا جايته لحظة ادراك واتقدم عليه بكل
عصبية ياشر ; انته ڱڵـه. م̷ـــِْن وراك بسببك

باوعله امان بعيون مفتوحه وكله;شكو اني لازم
تدخلني بلوسطة شعلية أني

باوعت لاسيل امدنجه بحزن رفعت عينهة عليه
وابتسمت بلطف اتنهدت وبتسمت اله شسوي
فوك قهرهة ازيد عليهة والله يدكاتك ياداغر مو
سالفه فضت وختاريتو طريقكم ليش هيج تعب
نفسك لٱ أكثر وتالي ترجع النفس ،،النقطه هية
اسيل قدرك ونصيبك شتسوي

باوعلهة بابا بحزن; كومي بابا كومي حبيبتي يلاا
روحي ارتاحي بغرفتكم لهلرعن هاذه بس خلي
المحه

ابتسمتله واكفة بس مبينه مقهورة;مايحتاج لاا
تحجي عليه اخاف صار عنده موضوع

اتقدم عليهة وباسهة م̷ـن راسه;وين يلكه مثلج
لوغيرج جان اسوت

باوع البابا هو قريب م̷ــِْن اسيل;اني فشلان من
عندك

باوعتلهم وين جمرة داغر فشله البابا وهيه كل
هاذه سوته حتى لاتخرب الصداقه ولاايتفشلون
داغر انتهت كل القوانين عنده وصار يمشي هو
بقوانينة مداشوف بعيونه اي احترام البابا م̷ـــِْن
يوم الخطب اسيل شي ابداخله اتغير مااعاد هو
داغر اخوية وأعرفه بسلا يرجع لسوالفه يربي لا
جانت جمرة موكفته م̷ن يوم الي عرفته يراسل
بيهة ابتسمت عليه اخويه عاشك