دهاليز الحب

البارت الخامس

‏@ُ:شمـَالها عيـَونك نسَتنَي..؟
ويـا مِراية ألغـِرتك هَيج وعَفتـِني..؟

باوعتلي بصفنة وكالت تهز جتفهة بلا مبالاة;ما
اعرف معندي مشاعر أتجاهة بس شفتي هو ما
يشيل عيونه م̷ـــِْن عندي

بلعت ريكي وكلتله; ي يعني شلون

ابتسمت تلعب بشعرهة; جمرة صحيح. انتيي
تراسلتي وياه بس شفتي هو اشلون ،،مولوع بيه
لج نظراته اليه كلهة اعجاب ومافديوم حجه هو
وياي اذا ماتغزل

ابتسمت بخفه حقيقه ماكدر أنكرهة; ايي صح

باوعتلي ابتركيز:انتو اشنجنتو تحجون جان اكو
علاقة بيناتكم شنو

هزيت راسي بخفه صافنة عليهة;لا وين شغلات
عادية شفتي أنتي من يسئلج

هزت راسهة فرحانة لٱ بل طايرة أصلا وكفت و
اني بداخلي مكسور خايب صاحت وراي من دا
اطلع ; ها وين

جاوبتهة بدون مالتفت; أدرس ماضل شي اقابل
الجامعة

وكفت بسرعه شاهكة وحضنتني م̷ـــِْن ورة;ياااا
والله فرحتلج ليش ماكلتيلي حقيرة

ابتسمت بخفه بدون واهس;مادري جنت حيل
متوترة

شدت على حضنهة;أنتي كدهة شوكت تروحين
حتعوفيني والله أشتاقلج

التفتت عليهة بعدماا وخرت من حضني وكلتله
;يمكن بعد اسبوع بلاقل

لزمت جتفي تمسح عليه;يلا انشالله كل الخير
الج حبيبتي

لزمت ايدهة ابخفه امسح عليهة اهمس;والج
هم يلا اخذي راحتج

طلعت م̷ـــِْن عدهة واني مصممة ابداخلي بعد
لٱ اجيب طاريه ولاافكر بيه وكعت دمعتي بسس
شلون واني حبيته م̷ن وكته بجيت منزله راسي
مبوزه شفتي حاابسه الدموع البجية بلكوة هاي
اختيي لوحاب غير وحده اهون بس هاي. اختي
ياربي اختي حطيت ايدي على عيوني اشهك هو
رادهة يعني اني ماابيدي شي بعد هو حابهة. مو
انتي ياجمرة موانتي

الي عشناه كل هلسنوات موألج ......

مسحت عيني اخذ نفس ،واكفه بالممر منهاارة
جفلت بخفه م̷ـــِْن طلعتلي ايلاف، مرتجية على
الحايط مجتفه ايدهة تباوعلي بهدوء حرام هية
واخوهة نفس النظرة والصفنة سئلتني

;شبيج

باوعتلهة اتهرب م̷ــِْن منهة ومن نظراتهة;م ماا
بيه شي

عكدت حاجبهة ;شنو ماقبلوج بالجامعة

باوعتلهة بسرعه مستغربه; وانتي شمدريج

كلبت عيونهة; موبس تفترين واتكولين اروح
اشوف قبلوني لولا فسئلتج

باوعتلهة بهدوء مفتهمة ;أي قبلوني

رفعت حاجبه; لعد شكو كالبهة مناحة

هزيت جتفي ;هيج تعبانة أعصابي