فنفس القصر ضوء الشمس يضرب في طفلة اقل مايقال عليها جميلة وبريئة الملامح ناضت ميلى دوشت ولبست حبطت تصبح على عايلتها لي كانت ملمومة على طاولة يستقهواو
ميلى: صبح الخير
جاوبوها غير محمد وبراهم و سيرين وسامية (مرت عمها براهم) ردتلهم بأبتسامة تشرح القلب وراحت قعدت معا سيرين كلاو وناضو كل واحد راح كاين اي يخدم وكاين لي يقرا من بينهم ميلى راحت للجامعة تعها تلاقات معا صحاباتها لي يحبوها مكاش لي ميحبش هاذ الطفلة طاقتها ايجابية وبتسامتها تخليك تقع في حبها من غير عايلتها لي ميحبوهاش بسبب تافه وهي تشبه يماها لي عندها سنين من لي ماتت وزالو شادين في حقدهم عليها رغم مدارتلهم والو بصح كاين ناس كي يشوفو انسان نقي يكرهوه بدون سبب ولا لأنو ميشبهمش كملت نهارها فلجامعة وولات للقصر دخلت لقات بنات عمومها قاعدين كامل كيف كيف ويڨسرو حتى نطقت ليديا
ليديا: ميلى هيا تڨسري معانا شوية توحشناك (هههه شكون لي راح يامنك)
تبسمت ميلى رغم لي علابلها بلي راهي تكذب بصح حبت تريح معاهم فلاخير يقعدو هوما عايلتها قعدت وبداو يهدرو وهيا غير ساكتة ومن موضوع الموضوع وهدرة البنات وصلو تحكي كل وحدة على حب حياتها حتى وصلو لسيرين هيا فلحقيقة تحب واحد طبيب كيما هيا وقالت غير لميلى علاخاطر هيا لي تحبها وترتاحلها بصح معا لبنات كان جاوبها بأنو متحب حتى واحد ودوكا دور ميلى
ليديا: ايه درك نتي قولينا ومتخبيش علينا عندك واحد فحياتك؟
ميلى: معندي حتى واحد وجامي حبيت تعرفوني خاطيني لحب وهيا كانت صادقة جامي لاحب
روميسة: بركاي من لكذب باينة عندك واحد تحبيه ولاراكي معاه
ميلى: علاه نكذب راني نقول صح
ليديا: خلاص خليها درك نحكيلكم انا راني معا واحد كون تشوفوه يالبنات كور وديكور وزيد عندو دراهم
لبنات كامل: مبروك
كملو لڨسرة وكل وحدة راحت ترقد
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
