خرج ادهم وخلاها هيا قعدت تخمم فلهدرة تاعو صح تحبو و علابالها بلي يحبها بصح كرهت من غيرتو الزايدة وكلش يشك فيه هيا كانت حابة دير حجاب منها لربي الانو فرض ومنها ادهم يفرح كي ديرو
من جيهة ادهم لي قعد يتكيف ويخمم فلمستقبل تاعو معاها ومعا وليدو ولابنتو
جاز هاذاك نهار وكل واحد في بيتو حتى طلع نهار جديد جات رايحة ميلى لافاك بصح دوزانها تاع الحجاب خلاتهم كي جا ليها جواد وهيا طاحت تسما لازم تعاود تشري ليوم
ميلى: مدلي دراهم نسحقهم
ادهم: متروحيش لافاك؟
ميلى: نن
مدلها ادهم دراهم بلا ميسقسيها واش تشري بيهم
هيا خرجت وهوا ريح ليوم ميروحش للخدمة يخدم من دار برك
وهيا عاودت شرات حوايج حجاب وولات لدار حطتهم فلخزانة ودخلت دوشت وخرجت لابسة سربيتة قصيرة تغطي غير واش لازم وقعدت دير فلاكرام لرجليها حتى دخل ادهم شافها هكاك عجباتو وزيد توحشها من لبارح كل واحد رقد في بيت
راح قدامها انبعد حس سخانة بدات تطلعلو ناض دخل دوش وخرج لقاها راقدة ولابسة روبة قصيرة حمرة راح ليها وعنقها حس بنفس تاعها بلي مراهيش راقدة قربها ليه وبدا يهدر
ادهم: علابالي ماكيش راقدة وحبيت نقلك بلي سمحيلي علا قاع واش صرالك بسبتي راح نسي نقص من غيرتي ونتي تفهميني
دارت ليه وعنقاتو
ميلى: نحبك 💋
حبط باسها وقالها: نعشق فيك
كملو هاذيك ليلة صلح بينتاهم وطلع نهار
فطنت ميلى لقاتو راقد ومعنقها نحات يديه وناضت غسلت وراحت للكوزينة دارت قهوة ليوم متروح لافاك تريح فدار عيات هاذ ليمات
قعدت شوية وناض ادهم باسلها راسها وقعد يشرب قهوة
ادهم: متروحيش تقراي
ميلى: لالا نريح فدار عيت
ادهم: اوكي تحبي لعشية نخرجو نتعاشو برا
ميلى: مادابيا كرهت من روتين نبدلو شوية
ادهم: مالا ريحي انا نروح نخدم عشية نجوز ليك
ميلى: ايه تهلا في روحك حبي
راح لبس وباسها وخرج للخدمة هيا راحت خملت شوية دار سيقت دارت لفطور وراحت دوشت وقعدت تشوف فيلم فصالون هكذا جازت العشية تاعها حتى وصل ليل عيطلها ادهم قالها وجدي روحك نجوز ليك راحت جبدت حجابات لي شراتهم باش تلبس واحد فيهم وتفاجئ ادهم لي للدرك معلابالوش راح دير حجاب
خيرت حجاب باج وخيمار فلباج بصح درجة مختلفة وساك ومكترثش مكياج غير غيسيل وشيك ڨلوس
وحبطت بعدما لحق هوا غير شافها تفأجئ وفرح فنفس لوقت
ادهم: عمري درتي حجاب
ميلى: وي راش رايك عجبك
ادهم: راكي بزاف شابة تهبلي
ميلى: merci 😘
راحو تعشاو وجوزوها مليحة غير ڨسرة وضحك ودارو شوية وولاو لدار كملو رقدو
و هكدا جازو شهرين وهوما فنفس روتين هيا تقرى هوا يخدم ومرات يخرجو كيف كيف
ليوم راح تروح تشوف جنس الجنين وكرشها بدات تبان شوية بلي راهي حامل
راح معاها ادهم ودخلو عند طبيبة
طبيبة:مرحبا بيكم مدام راكي مليحة معا لحمل
ميلى: ايه مليحة ليوم جيت ندير كونترول وكشف جنس الجنين
راحت طبيبة دارت كونترول قالتها بلي صحتها مليحة وحتى صحفة لبيبي وعرفت جنس الجنين بصح ميلى قالتها متقوليناش درك خليها مفاجأة
واش تتوقعو يكون جنس الجنين. ذكر🩵. او انثى🩷
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
