ميلى: اعرف روحك واش تهدر عليا ولا لبستي متعجبكش ونا منعجبكش طلقني وروح تزوج معا لي عنقاتك هاذيك مستورة بزاااف
كمل ادهم يسوڨ علابالو كون يكمل يهدر معاها متفراش ويخسر معاها سكت حتى وصلو لدار دخلو وكل واحد راح لبيتو
ميلى دخلت دوشت ولبست بيجامة خفيفة وشورت سلكت شعرها وبدات دير لاكرام في فخاضها حتى دخل ادهم
ميلى: متعرفش طبطب قبل متدخل
ادهم: ايه عندك لحق نطبطب باش ندخل لبيت مرتي لي Normalement راهي ترقد معايا ماشي انا في بيت وهيا في بيت
ميلى: ادهم راني عيانة خلينا من لهدرة هاذي
ادهم: منخليكش رانا عايشين كثر من 3شهور كي خاوة انا خلاص مقدرتش نعيش هكا معاك مزوج بصح مانيش ندي حقي الشرعي حرام
ميلى: واش راك حاب ادهم هاذا قاع بدا منك انا نهار لول كنت راح ندملك حقك نتا لي محبيتش ورحت وخليتني فليلة العرس ودوك جي تقولي على حقك ماشي انا لي حرمتك وماشي حرام عليا ملول كون عشنا نورمال وكل واحد دا حقو درك مرانيش مستعدة نسلملك روحي
ادهم: علاه ليمن راكي حابة تسلمي روحك
ميلى: لحتى واحد مدام بيناتنا مشاكل وللدرك مزال مصرا بيناتنا والو مانيش حابة يصرا باش كي نطلق نكون مزالني عذ...
هيا غير جات راح تكمل طبعها على لفراش طاحت وطاح فوقها
ادهم شدلها وجها وزيرها: كيفاه كي تطلقي شكون هاذي لي مزلتي مخلية روحك ليه
ميلى: نحي يدك وجعتني هبلت مدام راني معاك معندي حتى واحد بصح كي نطلقو نشوف حياتي
ومكملتش الهدرة حتى لقاتو يبوس فيها من شواربها لي قطعهملها وهوا يزير عليهم ويعض حتى سال منهم الدم وهيا تخبط فيه هوا ماشي كامل سامع بيها مزالو ومكمل يعض ويزير حتى عيات مطبع فيه وتخبط فيه رخات روحها ودموعها هبطو كي شافها هكاك رخف عليها وولا يبوس فيها بلعقل ويمص شواربها وهيا تبكي دنا عليها
ادهم: سمحيلي عمري نتي هدرتك لي توصلك
ميلى وهيا تبكي: علاه ديرلي هكا محبيت تشوف حياتك معايا مخليتني نشوف حياتي معا وحداخر
زاد تقلق كي قاتلو وحداخر حب يعاود يعضها من شواربها بصح مسكينة مبقاش واش يعض قطعها كامل ودم مزالو يسيل
ادهم بحنانة صوت هابط بصح خشين : واش قتلك دوك هدرتك هيا لي توصلك اعرفي بلي راني نغير وبزاااف مالا متهدريش بلي يقدر يكون فحياتك كاش واحد من غيري
ميلى مخدرة من هدرتو ونفسو لي كان قريب ليها: قطعتلي شواربي
ادهم: تستاهلي على هدرتك وكون نقدر نزيد نقعطهم نزيد
وهبط لحسهم ولحس دم لي كان يسيل باش يحبس
قعدو هكاك يشوفو فعينين بعضاهم وكل واحد يعشق في لوخر يصح علاه حتى لدرك واش معترف ومحبوش يريحو رواحهم ويعيشو حياة زوجية كيما ناس دايمن لازم يداربو على نفس السبة لوقتاش يقعدو هكا
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
