جازو يمات كامل عادين ويتشابهو كل يوم يروحو يخدمو ولا كاين لي يقراو من غير روميسة لي تسي كل يوم تلسق في ادهم ولا ميلى لي كانت جابدة روحها وميشوفوهاش بزاف من الجامعة لبيتها من بيتها الجامعة حتى لحق هاذ نهار
كانو مجتمعين فطابلة تاع العشى حتى نطق محمد
محمد: ونتا ادهم مراكش معول تتزوج راك كبرت واسست روحك هاذاك هوا تجيبلنا ولاد يخرجو كيما نتا ونزيدو نكبرو العايلة
ادهم: نشاله جدي بصح مزال مخممتش فزواج علابلك سنين لي جازو كنت غير قراية وخدمة
محمد: ونتا راك حاب نخريها نتا ولا انا
ادهم : ولله معلابالي جدي
محمد: انا كون تحبني نخيرلك كاين ميلى بنت عمك تربيتي وزيد باباها كان يحبك ويعزك وتمنى بنتو تكون مرتك
ميلى حشمت حتى حصلتلها الماكلة وبدات تخبط فيها سيرين
محمد: متحشميش بنتي حتى نتي عندك لحق تخيري ولا مكيش حابةارفضي بصح متلاقايش احسن من ادهم
ادهم: لي فيها خير هاذيك هيا جدي
محمد: ايه نشاله نتوما خممو وتفاهمو ورجعولي لخبر لي يكون نتقلو فلأخير هاذي حياتكم ومندخلش فيها كيما ادم مزلت الان حزين على وليدي لي مات وحنى متفارقين
ياسين (وليدو المتوسط) : خلاص بابا كان عندك لحق ادم هوا لي غالط
فتيحة(مرت ياسين مسمومة): صح كان عندك لحق راح خير وحدة متسواش وتزوجها وجاب طفلة معاها
ميلى: كيفاش متسواش متهدريش هكا على يما
فتيحة: ايه صح واش قلت هاذي هيا حقيقة يماك اتقبليها
ميلى: سڨمي هدرتك نتي لي متسوايش
محمد خبط طابلة وعيط وشنو هاذا وليتو متحشموش هادي هدرة تهدروها قدامي مكاش قدر هنا ونتي فتيحة قتلك شحال من خطرة مدخليش روحك فلي ميعنيكش ميلى اطلعي لبيتك واخر مرة تهدري هكا معا مرت خالك راهي كبيرة
طلعت ميلا وهيا تخبط في روحها تقلقت كي هدرت على يماها هكا، ناض كل واحد وطلع لبيتو بلى ميزيدو حتى كلمة محمد تقلق كون يهدرو يقلب عليهم القصر
2:30تاع ليل حبطت ميلى من بيتها باش تشرب الماء مجاهاش نعاس وهيا تخمم في يماها وباباها توحشتهم جازو 9 على وفاتهم ومزالها كل يوم تبكي عليهم وتتوحشهم فليل ، كانت لابسة بيجاما شورت وتريكو وتمشي بلعقل باش مديرش صوت راحت جبدت لما وبدات تشرب حتى تسمع صوت مورها حطت لقرعة ودارت جات راح تعيط غلقلها فهمها بيدو وهيا تتخبط باش تهرب
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
