جوزو يمات فليبان يخرجو ويتعرفو على شوارعها حتى وصل نهار تاع الحفل كان فخم وكبير وكي لعادة حضرو رجال الاعمال من نواحي العالم
من جهة لبنات كامل جهزو ولبسو ومن بينهم ميلى لي لبسة هاذيك روبة لي قاتلها سيرين بلي ادهم ميحبش كون تلبسيها هيا كانت متوترة شوية من انو يشوفها ادهم بيها بصح قواة روحها ودخلت للحفل تمشي بكل ثقة لنفسها ولجمالها معا دخلت شافها ادهم حس روحو تقلق من لبستها وراح ديراكت ليها
ادهم: واش راكي لابسة
ميلى: روبة مراكش تشوف
ادهم: لالا مراهيش تبان مليح تتمسخري بيا هاذي لبسا تلبسيها قدام ناس
ميلى: وشبيها لبسة شابة ومخصها والو
دراهم: خصها وخصها بزاف روحي بدلي واش راكي لابسة البسي حاجة مستورة
ميلى: هاذي تاني مستورة وديجا علاه راك مقلق مكان مدخلك فيا
ادهم: كيفاه مدخلنيش راكي بنت عمي
ميلى: ايه بنت عمك ماشي ختك ولا مرتك
ادهم: ميلى متزيديش تقلقيني ديري واش قتلك
ميلى: منديرش خليني راني شابة هكا
جات رايحة تمشي وهوا راح يترتق من زعاف
ادهم معا روحو: معليش نجوزهالك ماشي وقتها بصح فدار نتفاهمو
كملو لحفل ونجحو في فتح الفرع الجديد فليبان وقدم ايوب خطاب الانو الفرع تاعو وكل واحد رجع لدارو وادهم حاب يقتل ميلى على لبسة تعها وكيفاش هدرت معاه غير كملو راح يجري عندها شدها من يدها ومشاها بسيف معاه قدام قاع العايلة
ميلى: اطلقني هبلت
محمد: وشبيك ادهم واش صرا
ادهم: متقلقش جدي نديها نهدر معاها برك ونربيها
محمد: وشنو هاذ الهدرة تسما انا مربيتهاش
ادهم: حاشى جدي برك لازم نهدر معاها نسحقها
محمد: ايه اهدر معاها بصح بلاك ترفع عليها صوتك ولا يدك ونتي بنتي متقلقيش روحي معاه واهدرو راني وصيتو
ركبو فطونوبيل وطول طريق واحد مهدر حتى وصلو قدام لبحر مفيه حتى واحد
ميلى: واش نديرو هنا
ادهم: احبطي
ميلى: منحبطش قولي واش نديرو
ادهم: قتلك احبطي
محبطتش وقعدت في بلاصتها
ادهم : شوفي مرانيش حاب نعيط جدي وصاني تسما احبطي خير مننسا واش قاع جدي
حبطت ميلى وهيا تخبط الباب
ادهم : وشبيك ليوم
ميلى: مبيا والو
ادهم: علاه راكي ديري هكا
ميلى: واش درت قلي
ادهم: قتلك نحي هاذ روبة ومحبيتيش وزدتي معايا فلهدرة ودرك مسمعتيش ومحبيتيش تحبطي واش نزيدلك تاني
ميلى: على روبة انا نلبس واش نحب حتى جدي ويخليني ومحبيتش نحبط قتلك واش نديرو نتى مجاوبتش
ادهم: قطة بصح لسانك طويل واش نديرلك دوكا
ميلى : متزيدش تهدر معايا خليني نعيش حياتي كيما مكنتش نتى ومبقالكش بزاف وتولي لمريكان
ادهم: راكي حابتني نروح ؟
ميلى معرفتش واش جاوب قلبها يقلها لالا قوليلو مرانيش حابة تروح وعقلها يقلها قوليلو ايه باش متزيديش تحبيه وتتعلقي بيه
ميلى:...........
في رايكم شكون لي ربح عقلها ولا قلبها؟
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
