بعد مامرو يمات وهوما ملاح مداربوش كامل كانت ميلى خارجة من لفاك ليوم قررت دير حجاب كانت تمشي معا صحبتها باش يروحو لحقو واحد لحاونت كبير غير تاع محجبات دخلت وشرات كامل واش تسحق انبعد صبحتها راحت لدار وهيا ثاني علاخاطر ميروحوش فنفس طريق وفي طريقها للدار كانت تمشي وطنوبيل تبع فيها
جواد: ميلىى
دارت ميلى كي سمعت اسمها
ميلى:وين تعرف اسمي
جواد: نعرفك بصح نتي متعرفينيش
كملت تمشي وهيا متجاهلاتو محبتش تكثر لهدرة معاه وهوا حبس طونوبيل حبط ليها شدها من يدها نحاتهالو وبدات تعيط
ميلى : وشبيك هبلت تشدلي يدي بعد عليا
جواد: اطلعي معايا
ميلى: روح خطيني راني مزوجة
جواد: ايه هاذا قاع علاجال راجلك دوك نوريلو واش ندير
عاود شدلها يدها وهيا غير جات تنحيلو يدو تلقاه طايح فلرد وادهم سوطا فوقو وطاح عليه بضرب قريب قتلو حتى راحت هيا تسلكو
ميلى: الطلقو راح تقتلو
ادهم: بعدي
محبتش تبعد واقاعدة دني فيه حتى طبعها طاحت وبدات تعيط وتبكي دار ليها مخلوع رفدها وداها الطونوبيل تاعو كانت قريبة من ثم
راحو سبيطار وخلت لطبيبة قعدت شوية حتى عيطت لادهم
طبيبة: قريب لافقدت الطفل مزية جبتها فلوقت
ادهم تصدم كيفاش وشمن طفل: كيفاش
طبيبة: معلابلكش مرتك راهي بلحمل مبروك لازم متقلقهاش وسايسها وكل مدة جي لعندي نديرلها كونترول لصحتها
ادهم: اوكي تقدر تخرج
طبيبة: ايه دوك نقلها تخرج
راحت طبيبة خرجت ميلى وراح ليها ايوب مهدرتش معاه هوا خرج وراح طونوبيل هيا تباعتو ولاو لدار وهوما ساكتين حتى دخلو
ادهم: واش كنتي ديري معا هاذاك
ميلى: خليني مرانيش مليحة
ادهم: قتلك واش كنتي ديري معاه حتى يشدلك يدك
ميلى بلعياط خلاص فقدت اعصابها كانت عيانة مل حمل وزيد واش صرالها وهوا قاعد يحاسب فيها ي
ميلى: خلينيييييي متفهمش راني عيانة نتا هاذا واش يهمك غير واش كنتي ديري معاه
ادهم: كي نسقسيك جاوبي بلا متعيطي مريحة معا راجل وشادلك يدك وتزيدي تعيطي عليا
ميلى وهيا تبكي: طلقني خلاص مانيش قادرة نكمل معاك
ادهم: هاذي هيا هدرتك دوك علاجال هاذاك رخيس تقوليلي نطلقك
ميلى: ايه علاجالو ولا علاجال وحدوخر مدام مديرش فيا ثقة طلقني ونتهناو بين زوج
ادهم تقلق من هدرتها
خرج وخلاها علابالو كون يكمل يهدر معاها يدير حاجة يندم عليها
وهيا طاحت فلرض تبكي حتى راحت تجري تتقيا حتى عيات ووجها ولا صفر وشواربها بيوضا راحت رقدة من لوجع
زاد شوية وولا لدار بعد ماتهدن
دخل للبيت لقاها راقدة ووجها صفر تبان مريضة
راح ليها وباسلها راصها وقعد يتأمل فيها مام مريضة شابة
ادهم: نحبك ياعمري ولغيرة تاعي هيا لي تعميني كي نتقلق سمحيلي علابالي بلي متستاهليش واش درتلك سمحيلي راهو جاي طفل منك راني فرحان بزاف وعرفي بلي دايمن نحبك وندير فيك ثقة برك كي نتقلق منوليش نعرف واش نهدر وجامي نطلقك
ميلى كانت مغمضة عينيها بصح سمعت هدرتو حتى بدات تبكي وهوا تخلع عليها حسبتو كشما صرالها
ادهم: ميلى عمري وشبيك واش راهو يوجع فيك
ميلى: مبيا والو
ادهم: نروحو سبيطار تشوفك طبيية
ميلى: لالا
ادهم: واش تحبي نجيبلك عمري
ميلى: والو
ادهم: سمحيلي على مقبيل علابالك نحبك
ميلى: سماح
ادهم: علاه تهدري معايا بلبارد
ميلى: خلاص ادهم خليني راني عيانة
ادهم: راكي حابة تاكلي؟
ميلى: حابة نطلق
ادهم: وشنووو هبلتي انساي طلاق
ميلى: لالا هاذا واش لازم حنا منتوالموش نتا مقدرت تولفني وانا ثاني خلينا نطلقو
ادهم: ووليدنا
ميلى: نولي لدار ونربي وليدي
ادهم: اواه نتي مراكيش مليحة هاذا وليدنا جبناه كيف كيف نربوه كيف كيف ومنسمح ني فيك ني فوليدي ريحي روحك انبعد نهدرو
VOUS LISEZ
كرونيك اليتيمة 💞
Romanceويظن أني قد أميل لغيره واني وقلبي بإسمه مكتوب انا ماشربت الحب إلا مرة والكل بعدك كأسه مسكوب 💖✨
