"شئ ايجابي" بقلم/اميرة السيد

part28

ابتسمت لوما بفرحه فرغم زعلها الشديد منه الا أنه بدء يزول بمجرد موافقته فخرجت هاتفها وأرسلت الي ليلي
"اخوكي وافق....

اجابته ليلي برساله
"وربنا انتي بطل عاش احلي مرات اخ اشوفها في حياتي....

اجابتها لوما بفخر
"عيب عليكي دا انا مسيطره ...

اجابتها ليلي بمدح
"مسيطره ونص كمان فاضل تمشيه مسطره ويبقا طبقتي الاغنيه..

ابتسمت لوما بفرحه ثم قالت بجديه
"حضرو بقا الشنط واكيد سليم هيخلص شاور ويرن يقولكو...

اندفعت ليلي نحو خزانتها واخرجت شنط السفر وقالت بمرح
"خلاص اقفلي بقا علشان الحق احضر الشنطه ...

وفور إغلاق ليلي الهاتف كان باب غرفتها يدق وكانت تالين فتحت ليلي الباب وقابلتها بوجهه بشوش
"سليم وافق اننا نروح ...

ابتسم تالين بفرحه وقالت بحب
"الحمدلله كنت جايه اعرفك اننا هنمشي كمان ساعه وهنقعد في الشاليه بتاع محمود هناك...

جلست ليلي بجانبها وقالت
"انا مش عارفه لسه هنقعد فين بس المهم اننا رايحين وخلاص ...

اجابتها تالين بتساؤل
"اكيد عند عمر ...

صمتت ليلي قليلا ثم قالت بغضب
"دا مكنش عاوزني اروح من أساسه وبيقولي ابقي وريني هتلبسي مايوه ازاي وتنزلي...

ابتسمت تالين وقالت بعمزه وهيا تخرج البوركيني من الحقيبه التي في يدها
"خدي المايوه دا لسه شرياهولك معايا علشان توريه علي حق ...

اخذت ليلي المايوه من يدها وهيا تنظر له بانبهار فكان المايوه مستوحى تصميمه من الوان كثيره ورقيقه
"تحفه بجد تحفهه ...

ثم اقتربت منها واحتضنتها بحب ثم اكملت بفرحه
" عمر هيرتكب جريمه بس مش مهم فدا التحفه دا ...

ابتسمت تالين بمرح ثم قالت
"اما اطلع بقا احضر الشنط ونتقابل هناك ...

قاطعتها ليلي بتساؤل
"ومحمود معندوش تعليق علي انك تنزلي المايه ...

ابتسمت تالين وقالت بهمس
"متكلمناش في الموضوع دا بس هيفرج عليا الاجانب انا واثقه اما يشوف المايوه ...

عند عمر كان يتحدث مع لوما في الهاتف بغضب
"يعني وافق بس مش عاوز انكو معانا يعني هتاخدو مكان تاني...

اجابته لوما بهدوء
"ما انت عارف دماغ سليم مبيحبش يكون حد لي فضل عليه فاهم..

اجابها عمر بغضب
"علي العموم يا لوما الي تشوفيه ...

ثم اكمل بنفاذ صبر
"المهم اصلا ان ماما أصرت تجيب صاحبتها وبنتها الي هيا اروي ...

صمتت لوما قليلا ثم قالت بغضب
"وبعدين بقا كده السفريه هتبوظ وبعدين انت لي مش مقدر مشاعر ليلي..