Xuan Er Bu Jue (MM translation)

Part 4

အခန်း(၄)အတိတ်မေ့နေတဲ့ ရည်းစားဟောင်း

"ဘာလို့လဲဆိုတော့ ကျွန်တော်မှတ်မိသလောက် 《လေဟုန်ဆန်မယ့်လူငယ်လေး》 ရိုက်တုန်းက ကျွန်တော်နဲ့ စီနီယာကုဖန့်အတူသရုပ်ဆောင်ခဲ့တာလားလို့...အဲဒါကြောင့် ကျွန်တော် ဒီရက်ပိုင်း ဒီဇာတ်လမ်းတွဲနဲ့ ပတ်သတ်တဲ့ ရိုက်ကွင်းနောက်ကွယ်videoတွေရှာကြည့်ထားတယ်"

ရှန်မင်ဖေးသည် ဤအခြေအနေအားစကားလုံး အနည်းငယ်ဖြင့် ရှင်းပြဖို့မတတ်နိုင်သည့်ဟန်ဖြင့် "ကျွန်တော်မြင်တာတော့ ကျွန်တော်နဲ့စီနီယာရဲ့ ဆက်ဆံရေးက တော်တော်လေးကောင်းတဲ့ပုံပဲနော်...ဒီလိုမျိုး တကယ်ကြီးအဆင်ပြေနေလိမ့်မယ်လို့ မထင်ထားခဲ့ဘူး"

ကုဖန့် ချီကျယ်ချန်အား တစ်ချက်လှမ်းကြည့်ကာ
"သူ့ကို မပြောပြထားဘူးလား"

"ငါပြောလည်း သူက ကျိန်းသေတခြားကိစ္စတွေထပ်မေးနေဦးမှာပဲလေ...အဲ့လိုမေးလာခဲ့ရင် ငါလည်းပြန်မဖြေတတ်ဘူး" ချီကျယ်ချန်၏ အာသွက်လျှာသွက်ပါးစပ်သည် လျင်မြန်စွာလှုပ်ရှားသွားပြီး
"နောက်ပြီး...သူမေးလာခဲ့ရင်တောင် ငါကဘယ်ကနေစပြောပြရမှာလဲ"

တကယ့်ကို ပြောရခက်လိုက်လေခြင်း။

ရှန်‌မင်ဖေးသည် ကုဖန့်၏တက္ကသိုလ်မှ ဂျူနီယာ
ကျောင်းသားဖြစ်ပြီး ကုဖန့်ထက်ပင်တစ်နှစ်ငယ်၏။သူတို့နှစ်ဦးသည် ၀မ်ဖုန် ကုဖန့်နှင့်မတွေ့သေးခင်အချိန်ကပင် အချင်းချင်းသိနေခဲ့ကြခြင်းဖြစ်ပြီး ရှန်မင်ဖေးတက္ကသိုလ်စတက်ချိန်မှ စတွက်မည်ဆိုပါက ယခုနှစ်အပါအ၀င်ဆို သူတို့သိခဲ့တာ ဆယ့်တစ်နှစ်ပင်ရှိခဲ့ပြီဖြစ်သည်။

ရှန်မင်ဖေးတက္ကသိုလ်ဒုတိယနှစ်သို့ရောက်သောအခါ ကုဖန့်နှင့် ကုမ္ပဏီတစ်ခုတည်းတွင်အတူလက်မှတ်ထိုးခဲ့ကြပြီး—— ထိုသည်မှာ ဟွာယင်း Entertainment ပင်ဖြစ်သည်။ထိုအချိန်တွင် ကုမ္ပဏီမှ အချိန်ကိုက်ပင် လူငယ်အဖွဲ့လိုက်ဇာတ်လမ်းတွဲဖြစ်သည့် 《လေဟုန်ဆန်မည့် လူငယ်လေး》ထုတ်လုပ်ရေးအတွက် ဇာတ်ကောင်နှစ်နေရာစာ ကြိုးပမ်းရရှိခဲ့၏။ထို့ကြောင့် တစ်ကျောင်းထဲသားများဖြစ်သလို၊လုပ်ဖော်ကိုင်ဖက်များဖြစ်သည့် သူတို့နှစ်ဦးအား အတူတွဲကာ ရိုက်ကူးရေးအဖွဲ့ထဲသို့ပစ်ထည့်ခဲ့ခြင်းဖြစ်၏။သူတို့နှစ်ဦး၏ဆက်ဆံရေး အဆင်ပြေသည်ဖြစ်စေ၊မပြေသည်ဖြစ်စေ အဖွဲ့ထဲရောက်လျှင်ဖြင့် ချက်ချင်းပင်ညီအစ်ကိုကောင်းများအဖြစ် သရုပ်ဆောင်ရပေသည်။ဤသို့ကိစ္စကြီးငယ်ကအစ စေ့စပ်စွာစီစဉ်ခဲ့ကြပြီး သူတို့အားစီးပွားရေးကာလအတွင်း CPအဖြစ် နှောင်ဖွဲ့ကာ လူသိများအောင်စန်းတင်ခဲ့ကြ၏။ဆိုရရင်ဖြင့်——မိမိ၏ရေကောင်းမြေကောင်းအား သူတစ်ပါးခြံထဲသို့ မစီးဆင်းစေခဲ့ခြင်းပင်။ (P.s.ကိုယ့်ဆီကအကျိုးအမြတ်‌တွေ သူများဆီမရောက်သွားစေခြင်း။)