الشيخ و الجراحه

2

تدخل اشعه الشمس الدافئه الى غرفه صغيره و هيه غرفه بطلتنا لتعكس ضوئها على الوجه الملائكي و لتنزعج من اشعه الشمس و لتوقضها .....

اتنا : كعدت سويت روتيني اليومي رحت للحمام سبحت و لبست ملابسي مال الدوام و سويت لفه جبن و اكلتها على السريع بين ما يجي التكسي خلصت الفه و جاي البس الحذاء جان اسمع تلفوني يتصل شفت رقم التكسي فه رفضته و طلعت على السريع وصلني للمستشفى انطيته اجرته و راح اني دخلت المستشفى و باوعت داير ما يدور و كلت الضاهر اليوم متعب جان مر من يمي ممرض
الممرض : صباح الخير دكتوره
اتنا : صباح النور شلونك احسان
احسان : الحمدلله دكتوره اليوم عندج 3 عمليات و لازم تفتقدين المرضه مال البارحه
اتنا : تمام بيش الساعه اول عمليه
احسان : اول عمليه ب 9 ضبط
اتنا : يعني بعد ساعه تمام لعد جهزو المريض و غرفه العمليات  و دزولي. فايله خلي اشوفه . ها صحيح وين دكتوره سمر ؟
احسان : دكتوره سمر بمكتبها
اتنا : تمام شكرا و مو تنسه دزلي الفايل
احسان : العفو لا هسه ادزه .
رحت لدكتوره سمر الي هيه اعز صديقه الي وياي من الميتم و لحد هذا يوما ما مفترقات هيه اكبر مني بسنه بس
دكيت الباب جان يجي صوتها
سمر : تفضل
فتحت الباب و مديت راسي
اتنا : سمورتي عندج شي لو ادخل
سمر ببتسامه : هلا يروحي تعالي ادخلي معندي شي ضروري . اي يا حلو شلونج اليوم
اتنا : مو زينه تعبانه تعرفين اليوم جدولي كوله صعب 3 عمليات و صعبات كول عمليه مدري شكد راح تطول يعني  اليوم اشبع من غرفه العمليات
سمر : زين اخذي اجازه شهر ارتاحي تره جاي تتعبين اهواي و حتى ما ملتفته على روحج كوله عمليه لو تعالجين و ضاله تركضين من مريض لمريض
اتنا : انتي تدرين ما اكدر اعوف المستشفى جاي احجي و قاطعنه دكه الباب
سمر : تفضل
احسان : دكتوره اتنا هاي الملف المريض و بعد ربع ساعه و تبدي العمليه
اتنا : ليش مو قبل شوي كلت بعد ساعه !
احسان : المريض وضعه ما يتحمل بعد فه بس تكمل الغرفه العمليات و تصير جاهزه نصيحج تجين
اتنا : تمام.و حاولو تجهزون غرفه العمليات بسرعه
احسان: ان شاء الله
اتنا : حبيبتي سموره اني راح اطلع اشوفج بعدين
سمر : الله وياج يروحي
طلعت من غرفه سمر و فتحت الملف قريت طلع المريض عنده سرطان الكبد فه لازم نستئصل الجزء الي بيه السرطان لئن ما منتشر بالكامل
خلصت قرائه الملف و اجه ممرضه و كالت
الممرضه : دكتوره كولشي جاهز للعمليه
اتنا : تمام يله امشي
وصلت و جاي اريد ادخل للغرفه جان يقاطعني صوت طفله : دكتوره بابا راح يعيش ما يعوفني مو
اتنا : حبيبتي بابا راح يعيش وعد
مسحت الطفله ادموعها و شبكتني
الطفله : انتبهي على بابا
اتنا : تمام يروحي يله هسه اني راح اروح بباي
الطفله بباي
دخلت غسلت ايدي و دخلت للعمليات لبستني الممرضه الجفوف و رداء العمليه و وكفت و كلت جاهزين
الممرضين و التخدير كالو جاهزين
اتنا : يله لعد توكلنا على الله
بديت العمليه و بنص العمليه و جان يصير نزيف عند المريض الممرض دكتوره المريض جاي ينزف
ممرضه دكتوره الضغط انخفض و دكات القلب ضعفت
اتنا : دخلت ايدي
الممرض احسان : دكتوره شجاي تسوين
اتنا : ادور على النزيف ... لكيته
الممرضه وكف النزيف و دكات القلب رجعت مستقره و الضغط و كذالك
بديت اخيط النزيف و بعدين كمت اخيط 
اني اخيط الجرح و احسان يكطع الخيط الزايد
اتنا : اقطع
احسان : قطعت
اتنا : اقطع
احسان : قطعت
اتنا : خلصت العمليه  بعد مرور 5 ساعات و مرت على نجاح الحمدلله شكرا لتعبكم و جهودكم
الممرضين : الحمدلله ولو هذا واجبنه دكتوره
اتنا : انقلو المريض لغرفته
خلصت و طلعت و شفت عائله المريض و الطفله نايمه جانت
اجتي زوجته للمريض
دكتوره زوجي شلون وضعه بشري
اتنا : الحمدلله الوضع مستقر نقلناه لغرفه خاصه بس يكعد من البنج تكدرون تشوفونه
زوجه المريض: شكرا دكتوره ولله ما اعرف شلون اجازيج
اتنا : ولو عزيزتي هذا واجبي . احسان شنو هسه عندي
احسان : دكتوره حاليا استراحه الغده و وراها عندج عمليه
اتنا : تمام انطيني الملف .
اخذت الملف و رحت على الكافتريا و طلبت اكل كعدت اكل و اقره بالفلف و هيج خلص يومي لحد ما جاي اريد اطلع الساعه صارت 10 بليل جان تجي وحده من الممرضات
دكتوره المدير يريدج
اتنا : المدير يريدني ! ما كالج شيريد
الممرضه : لا ولله
اتنا : تمام رايحه .
رحت للمدير و دكيت الباب
المدير : ادخل
اتنا : استاذ طلبتني