الشيخ و الجراحه

5

شوي و رجعو كعدو غيث و اتنا
اتنا : غيوثي شتريد تتريك
غيث : عمه اريد بيضه و حليب
اتنا: تمام يروحي بس تعال يمي اكعد على الميز بين ما احضر الاكل
غيث : تمام عمه
سوت اتنا بيض سلك و حمت خبز و طلعت كيمر و مربه و سوت حليب لغيث و جاي الها
اتنا : يله عماتي اكل
هز راسه غيث بمعنى اي
بلشو ياكلون و خلص غيث اكله و راح يلعب ويه الجهال و اتنا غسلت الصحون و راحت يم بيبيتها
اتنا : ها بيبي شجاي تسوين
الجده : ها هلا بيبي ولله كاعده
اتنا : عادي اكعد يمج
الجده : يا يا بيبي ولج اكعدي بدون استئذان غير اني بيبيتج و هذا بيتج وين ما تكعدين اكعدي
اتنا : بيبي  هوه شسمه  يعني
الجده : احجي بيبي احجي شرايده تعرفين
اتنا : ها لا ماريد بس
الجده : يمه احجي شبيج بس و يعني احجي و فضيها
اتنا : ههه لا بس يعني شعجب علي ما مزوج لحد هسه يعني سمعت قبل 3 سنوات من ماتت زوجته لهل الدرجه يحبها جان
الجده ببتساما : يا يمكموعه تسئلين على علي مو
اتنا برتباك : لا هيج مجرد سوال يعني ماكو شي ولله
الجده : اي يمه ماكو شي ماكو شي باعي حبيبه هوه ما يحبها يعني صحيح بنت خالته بس جانت مشوفته الويل خطيه ما اتهنه بحياته ازوجها قبل 7 سنوات و جانت تكول الشيخ ما يخلف اله بيوم و ليله شاء القدر و حبلت ضلت تصرخ  و تعيط  بغرفتها و تكول شلون حبلت اني جنت اشرب مانع حمل شلون صار هيج
سمعتها مرت اخوج عبير  و دخلت عليها و تحجي وياها و تنصحها و انو ليش هيج سوت بعلي و هوه ما يستاهل  بس من دخلت عبير للغرفه شافها علي و قرب للباب و سمع كولش و دخل و اعيونه ما يكصهن السيف  و كال لعبير تطلع عبير بالبدايه ما قبلت بس هوه كاللها عبير ولله ما اسوي شي بيها  علمود الي ببطنها فه عبير استسلمت للواقع و اطرت تطلع فه اول ما طلعت عبير قفل علي الباب و لزم انتصار (زوجه علي الاكبر) و كام يحجي بعصبيه و يكول اني بشنو قصرت وياج علمود تشربين حبوب حمل بشنو حتى من اتهمتيني و كلتي اني ما اجيب اطفال ردت اتئكد كلت اطلكج اذا طلع صدك لئن ما اريد احرمج من الأطفال و طلع حجيج جذب و طلع منج المشكله و حتى ما يعيروج و يكولن ما تخلف سكتت و انتي هسه طلعتي حارمتني من الاطفال صارلج 7 سنوات
حارمتني من كلمه بابا ليش ولج ليشششش
هاي كوله يا بيبي اصياحه كلب البيت كلنه موتها كتل بس من طلع اتفاجئنا انو ما لامس شعره ودحده منها و امها دخلت و تعيط تكوله شمسوي ببنتي كاللها خاله مو رجال الي يضرب حرمه و اني ما لمست شعره من بنتج و هاي بنتج بس تجيب اخذ الطفل و اطلكها يكفي اتملت انو هيه مو شريفه و ذبيتوها براسي
و عاف البيت و طلع سافر لدبي مدري شسمها يبيبي و رجع على اتصال من جدج كاله ابنك اجه للدنيا و مرتك ماتت بالولاده
اطر يرجع علمود ابنه و حتى بالفاتحه ما راح كال ما يشرفني اروح لفاتحتها و هاي كول الموضوع اما ليش ما ازوج يكول مالي نفس ازوج و تعال اخذ ابنك او شوف حل لبنك و اني ماريد ابنك يكول اي بنيه ما ملزمه بغيث اذا تزوجني و اكيد تعامله معامله محلوه فه قررما يزوج
اتنا بحزن : غيوثي ما يستاهل هيج ام شلون هيج تسوي و لا علي يستاهل مثلها
الجده : اي يمفكوعها صيري شاطره و اكسبي كلب الرجال لا ياخذنه بنات خالته تره بنات الديره كلها تتمنه نضره منه
اتنا بخجل و بصدمه : يا يا بيبي الله يفقه بحياته اني ما مفكره بيه بغير نضره
الجده و هيه جاره اذن اتنا و تحجي : يمفكوعه فكري مناه و جاي فكري زين
اتنا : ايي اييي بيبي اذني