الشيخ و الجراحه

3

مشت الاحداث و محد يدري من البيت انو لكينه اتنا و اليوم نطلع جدي من المستشفى دخلت اتنا تفحصه اخر شي
اتنا : صباح الخير
الكل : صباح النور بويه
اتنا : ها جدو مستعد اليوم تطلع بس هاي اخر شي خلي افحصك  . سلطان اذا تردون تسجلون الخروج لحد ما اكمل فحص
سلطان: تمام بويه رايح
فهد : جاي وياك
سلطان : يله
طلع فهد و سلطان و حجيت ويا اتنا
علي الاكبر : بويه ان شاء الله اليوم تجين ويانه علمود الكول يدري
اتنا بتردد : بس اليوم اني عندي اهواي شغل و هم ي يعني خايفه
جابر : عليش تخافين بويه ما اله داعي خوفج هوه راح تلتقين باهلج امج و اخوتج
اتنا. : ب بس
علي الاكبر : ماكو بس و هم علمود شغلج حجيت ويه المدير و قبل اخذتلج اجازه اسبوع تمام بويه
اتنا ببتسامه : تمام
اجه فهد و سلطان و جابت اتنا عربايه و طلعنه بيها جدي صعدناه بسيارتي و اتنا بصفه ليوره
و سلطان بسيارته  اخذ ابوه و ابويه
و فهد اخذ بسيارته عمي جاسم
شوي و حجت اتنا : شيخ
علي الاكبر: ها بويه
اتنا : بلا امر عليك ممكن توكف يم اي صيدليه
علي الاكبر : تمام بويه
شوي و طبكت يم صيدليه رادت تنزل لتنا حجيت اني
علي الاكبر : جاي وياج بويه
هزت اتنا راسها بمعنى اي
اتنا و علي الاكبر  : السلام عليكم
اتنا :  اريد دوه ل.....
الصيدلي : وعليكم السلام اي خويه دقيقه
انطه الصيدلي الدوه اتنا : شكد سعره
الصيدلي خليها علينا
اتنا : لا تسلم
الصيدلي : ب 8
رادت تدفع اتنا الحساب حجه علي الاكبر: بويه اني ادفع
اتنا : لا شيخ شايله ولله
علي الاكبر : اتنا
اتنا : تمام براحتك
علي الاكبر: هاك خويه
الصيدلي: بالسلامه ان شاء الله
علي الاكبر: تسلم رجعو صعدو بالسياره
اتنا حجت : شيخ ولله ماله داعي تدفع جنت شايله فلوس
علي الاكبر: بويه اتنا اسكتي احسلج
الشيخ عكاب: حبيبت جدها هوه ابن عمج عادي و اذا دفع
اتنا : لا جدو يعني اني ما متعوده هيج
علي الاكبر هوه و يباوع عليها من مرايه السياره : اي لعد اتعلمي مناه و جاي مدفعين
نزلت اتنا راسها و سكتت
شوي و وصلو  للبيت
ملاحظه ( اتنا اخذوها للبصره )
الشيخ عكاب: هلا بيج بويه ببيتج نور البيت هسه
ابتسمت اتنا : بنور بهله
قبل ما ينزلون السياره حجه علي الاكبر : بويه اتنا خلي هذا على راسج
اتنا : تمام شيخ
اخذت الحجاب و لفيته عدل الحمدلله جانو ملابسي مستورات
رفعت راسي لكيت علي الاكبر صافن عليه هوه و جدي
اتنا : اكو شي بوجهي !
علي الاكبر : الله مصلي على محمد وال محمد بويه وين نضمج من اعيون العالم
الجد : ربي يحفظج  بويه
اتنا بخجل : ش شكرا
نزلنه من السياره و اباوع الكول اعيونهم على اتنا لئن محد يعرف منو هاي
العالم : الحمدلله على السلامه شيخ
الشيخ عكاب: الله يسلمكم
واحد من الاشيوخ الاكبار حجه : شيخ ما عرفتنه على هاي المحروسه منو
الشيخ عكاب : شيخ هاي حفيدتي الي انخطفت من الطفوله لكيتها الحمدلله
الشيخ : يا يا بنت جابر هاي
جابر : اي عمي بنتي
الشيخ : الف الحمدلله على رجعتها . نورتي بويه
اتنا هيه و منزله راسها : تسلم
رحيم : بويه علي اخذ بنت عمك جوه و عرف بنت عمك على امها و البقيه
علي الاكبر: تمام . يله بويه تعالي وياي
اتنا : شيخ هاي هيج انتو كول يوم ؟!
ضحك علي الاكبر و حجه : لا بويه بس جدي مسوي عزيمه علمود رجعتج و هم احنه سويه علمود رجعت جدي بالسلامه
اتنا : هاا
اتنا : ش شيخ امي جوه مو يعني انته راح تكوللها انو انو اني بنتعا
علي الاكبر: اكيد بويه و سلطان راح لخوتج البقيه يحجي وياهم انو لكوج
اتنا : ها تمام
دخلنه جوه و تحول كول الانضار علينه
الجده ريحانه : يمه علي  هاي منو الوياك
ام علي الاكبر : يااا يمه هاي مني الحلوه
علي الاكبر هوه موجه نضره لمرت عمه صبيحه : هاي بنت عمي جابر
وكعت الصينيه الي شايلتها صبيحه
حجه بسرعه علي الاكبر : لا عمه فهمتي غلط يعني عمي ما مزوج عليج هاي هاي بنتج الي انخطفت
صبيحه : ب بنتي .
رئسا اتخربطت و وكعت
ركضت عليها اتنا و صاحت ماما اكعدي ماما  . علي فدوه جيب مي بسرعه
علي الاكبر : اي بويه هاج مي
اخذت المي و صبته شوي على ايدها وو مسحت وجه امها بيه
صحصحت شوي صبيحه و حجت بنتي
اتنا : ها ماما اني يمج
شبكتها صبيحه و ضلت تصرخ و تبجي و اتنا بجت وياها
و بهاي الاثناء دخلو  سلطان و سجاد و حمزه و ناصر و ابو الفضل ( اخوة اتنا )
و حجه سجاد : اتنا بويه. اندارت عليه اتنا و نزلو ادموعها بالزايد و كامت كعدت امها على التخم ( القنفه ) و اندارت جان رئسا شبكوها اخوتها
حمزه : افيشش بعد ماريد من الدنيا شي المهم انتي يمي
ابو الفضل: اتونتي بنيتي رجعتي اله و اخيرا
ناصر : الف الحمد و الشكر يا ربي
سلطان : يا شباب خلو اتنا ترتاح لئن تعبانه  من الطريق
حجت مريم : تعالي توته وياي اودج لغرفتي تنامين بيها
اتنا : تمام قلبي.اتنا و هيه على الدرج اكولج حبيبتي انتي شنو اسمج
مريم و هيه تضرب كصتها : شكد غبيه اسفه نسيت اعرفج عليه اني اسمي مريم بنت عمج رحيم و اخت الشيخ علي الاكبر
اتنا : ها حبيبتي اشرفت بيج اني اتنا و اكيد ترفين بنت منو
مريم بضحكه : اي اي اعرف ما حاجه تدرين دائمن جنت اتمنه اشوفج  .هاي غرفتي يله تعالي ادخلي نامي و هذا الحمام اذا رايده تسبحين و هذا ملابس الج البسي
اتنا ببتسامه : شكرا عمري تعبتج
مريم : ولو يروحي تعبج راحه
اتنا بتردد : م مريم ليش جنتي دائمن تتمنين تشوفيني
مريم ببتسامه : لئن تمنيت اشوف الشخص الي يبجي عليه جدي و عمتي  كول يوم
اتنا ببتسامه حزينه : ها تمام شكرا عمري
مريم : ولو ادللي يحلو .
نزلت مريم و اني فتت سبحت لبست دشداشة مريم الي انطتها الي طلعت شوي بيها عرض لئن اني اضعف منها. بشوي و مشطت شعري و ذبيت روحي على الجربايه و نمت بعد ما حسيت بشي
اله بليل اسمع صوت وحده من البنات تكعدني
ريام : توته اكعدي حبيبتي علمود تتعشين 
اتنا : اي كعدت .منو انتي
ريام : اني ريام بنت خالتج و زوجه اخوج سلطان
اتنا ببتسامه : يا هلا عمري
ريام : هلا بيج يروحي يله تعالي ننزل تاكلين جده ما قبلت انكعدج على الغده كالت خلي ترتاح
اتنا : اي ولله تعبانه اكولج العالهم بعدهي ؟
ريام : لا عمري راحو وره الغده
اتنا وكفت على الامرايه و فتحت شعري صار كيرلي
ريام : الله مصلي على محمد وال محمد هذا شعرج هيج من الله
اتنا ببتسامه : اي هوه هيج حته لونه
ريام : ياا و اني عبالي صابغه اجيت اسئلج على لونه
اتنا بخجل : شكرا
بهاي الاثناء دخلت علينه طفله و حجت ويه ريام ماما بابا يكول يله تعالو
ريام : اي حبيبتي بس تعالي انسلم على عمه اتنا
ريم : هلو عمه اتنا اني اسمي ريم
اتنا و هيه تنزل لمستوى ريم : هلا بيج يروحي . رفعت راسي على ريام : هاي بنتج و بنت سلطان
ريام : اي هاي بنتي الوحيده
اتنا يمه فدوه شالت اتنا ريم و نزلو الدرج
علي الاكبر: كاعدين على السفره منتضرين اتنا و ريام ينزلن و شويه و سمعنه ضحك اتنا و ريم رفعنه راسنه على مصدر الصوت شفنه اتنا تنزل الدرج و شايله ريم و يسولفن و يضحكن وراهن تنزل زوجه سلطان ريام
اتنا : اسفه على التاخير
الجد : لا بويه عادي تعالي اكعدي
دورت اتنا مكان علمود تكعد بيه ما لكت غير بين فهد و علي الاكبر مكان فارغ
فهد : تعالي بويه اكعدي بصفي
كعدت بينهم و حجت ريم : عمو اريد اكعد يم عمه اتنا .
توجه الحجي لفهد
فهد : حبيبتي خلي عمه تتعشه و بعدين تكعدين يمها
اتنا : لا عادي  تعالي حبيبتي. جريت ريم و كعدتها بحضني اوكلها و اكل هم اني
الجده : يما اتنا اشو ما تاكلين جاي
اتنا : لا بيبي الحمدلله شبعت ولله
صبيحه : حبيبتي خاف ما عجبج الاكل
اتنا : لا ولله ماما الاكل طيب بس هاي اكلي هيج
صبيحه و دموعها بعيونها : تمام يروح امج .
ابتسمت اتنا الها و ضلت توكل بريم شوي و ريم حجت عمه شبعت هاهيه
اتنا : الف عافيه يروحي . اتنا سفره دايمه