الشيخ و الجراحه

14

اتنا : شنوه حبيبي
علي الاكبر: بويه باعي هيه صارت قبل ما اخطبج وقبل حتى ما اعترف الج و ما اكدر اتراجع هسه ولله شكد حاولت بس محد قبل
اتنا بخوف : ع علي بس لا راح تتزوج عليه
علي بضحكه : لا ولج يا زواج هوه اني اشوف غيرج
اتنا بخوف : لعد شنو
علي بتنهد : بويه انتي تعرفين اني ضابط و الضباط دائما يدزوهم لمكان يحتاجون الهم الناس و اني و فهد اجت النه روحه لمحافظة ...
اتنا: شنووو لا عليك الله لا تروح و تعوفني علي ما ما اخليك تروح شوفلك حل
علي الاكبر: بنيتي ولله مو بيدي وداعه اعيونج ما قبل المدير اطلع من المهمه ولا حتى فهد قبل يطلعه كال انطيت المهمه الكم و قبلتو لو رافضين من البدايه جان ما خليتكم كلت اليه ولله اني خطاب و ما اكدر اروح لهناك ماكو فايده ما اقتنع
اتنا ببجي :علي ولله. خايفه من هاي الروحه عليك بداعتي عندك بداعه غيوثي لا تروح
علي هوه و يشبك اتنا : وداعتج ما قبل . بويه اريد اطلب منج طلب
اتنا  ببجي: اطلب
علي الاكبر:بويه لا تبجين كافي و طلبي منج تديرين بالج على غيث كولشي يصير بهاي الدنيا ما نعرف شنو الي مخبيتها النه الايام لربما اموت فه اريد غيوثي انتي تصيرين المسئوله عليه اني انطيت الموافقه على انو انتي تصيرين الوصيه على غيوثي و وقعت حتى بقه بس توقيعج اني ابني ما ائمن غير عندج
اتنا ببجي بقوه : علي عليك الله لا تحجي هيج و غيوثي اخليه بعيوني ولله بس الله عليك انتبه لنفسك اذكر عندك ابنك منتضرك تبقه وياه لحد تخرجه و زواجه و كولشي و اذكر عن عندك زوجه منتضرتك على احر من جمر مو تعوفهم و تروح
علي الاكبر: ان شاء الله ما اعوفكم اذا طول بعمري رب العالمين
اتنا : منو يدري الفجر تطلع راح
علي الاكبر: بويه كولهم يدرون بس اني كلت الهم ما يكولون الج اله اني اكولج
نامت هاي الليله اتنا بحضن علي الاكبر بجهه اليسار و غيوثي نام من الجهه اليمنى
صار الفجر الي هوه وقت الروحه كام علي الاكبر يسبح و حضر نفسه  باس اتنا من راسها و حجه بموت عليج بنيتي و باس غيث من راسه هم و حجه بابا حبيبي خاف اروح و ما ارجع دير بالك على ماما يروحي انته و لا تصير وكح و تتعبها و خله و اندار يريد يطلع و حس اكو احد لزمه من ملابسه اندار و لكه اتنا تباوع عليه و دموعها تنزل
اتنا : تريد ططلع بدون ما تكولي
علي الاكبر هوه و رجع يبوس براسها:  بويه شفتج نايمه و ما كدرت اكعدج و انتي بالكوه نمتي
اتنا هيه و ذبت نفسها بحضنه : علي دير بالك على نفسك علمودي
طلع علي الاكبر هوه و فهد و هم بجت اتنا بجت على حبيب كلبها و بجت على عمها لئن راح يروحون لمكان خطر و مستقبلهم يصير مجهول ما يدرون يرجعون لو لا
سلطان هوه يحجي بالتلفون :مر ثلاث اسابيع  على روحتكم و اتنا صارت كولش حساسه من اي سالفه تزعل و رئسا تبجي كئنما تريد حجه علمود تبجي و كامت ما تفارك غيث لدقيقه تخايل بس من تروح للمستشفى ططر تعوفه هيه تعوفه يم مريم بس شنو تكره مريم بعشتها تخايل كل خمس دقايق متصله عليها  و ما تقبل حتى احد يحجي وياه من الجهال تخايل هذاك اليوم تعركو الجهال هيه كلبت الدنيه علينه ليش جهالكم تعرك ببني
علي الاكبر: زين غيث شنو وضعه
سلطان : ولله غيوثي فرحان على اهتمام اتنا بيه
فهد : بس حال توته مو خوش
سلطان : اي ولله علي حاول تحجي وياها تره من جاي تخابر انته و تسمع بيك خابرت و تنزل تريد تلحك عليك تلكاك مقفل الخط ترجع رئسا تشبك غيث و تبجي و هوه يبجي وياها
علي الاكبر: ان شاء الله احجي وياها
فهد : شنو متعاركين و ما مخابر عليها
علي الاكبر: ولك شتمسلت انته اني اعارك الدنيا كلها بس ما اعارك بنيتي بس ما اريد اني اتصل عليها علمود ما تتئذه كلت بس بس
سلطان : بس طلعت متئذايه تدري ما تقبل تنام اله بغرفتك تاخذ غيث و تومه يمها بغرفتك
فهد : هاي انتو هيج كل يوم؟
سلطان : اي ولله هاي حالنه من ثلاث اسابيع عدل
علي الاكبر بسرعه : فهد هاك احجي ويه سلطان اني راح اخابر بنيتي بعد ما اتحمل ما اسمع صوتها
اتنا : من راح علي احس فقدت كولشي صحيح اهلي يمي و الكول تذا بس طلبت عسما مي يجيبونه الي بس احس روحي تايهه بدون علي حيث صرت ابجي من اي شي و تعلقت بهاي الفتره كولش بغيث و خصه هوه بيه شبه كولش من علي كمت انام بغرفه علي اني و غيوثي و هوه ينام واني اكع اباوع عليه و ابجي و لازمه التلفون بلكي يتصل بيه بس اسمع صوته و انو هوه بخير ولله يكفي ماريد شي بعد و حتى من يخابر هلى جدو او عمو او حتى سلطان فه من اريد الحك احجي وياه الكاه مكطوع الخط و من ارجع اتصل يطلع خارج نطاق  . جنت كاعده بغرفه علي و بيدي التلفون و ما احس غير موبايلي يدك و المتصل هوه علي رئسا جاوبت و حجيت :ع علي
و بجيت ما تحملت
علي الاكبر: بنيتي حبيبتي شلونج بويه لا تبجين ولله دموعج تيزاب على كلبي
لتنا بسرعه تمسح دموعها : اي اي ما ابجي ولله بعد ع علي مشتاقتلك علي يمته تجي
علي الاكبر: بنيتي انتي ولله اني هم مشتاق الج و اسف ما جنت اخابر عليج كلت ما اريد تائذه بس طلعتي متئذتيه اكثر بسبب تصرفي اسف اني يروحي
اتنا بدموع و تحرك راسها يمنه و يسره : مو مهم المهم هسه جاي احجي وياك و سمعت صوتك  .ما كلت يمته تجي
علي الاكبر: بويه اجي بعد اسبوع بس فهد يجي بعد 3 ايام
اتنا : بس اسبوع هواي
علي الاكبر: بنياي ولله مو بيدي
اتنا .خلصت حجي ويه علي و مرت الايام و كل يومه يخابرني بليل و اجه فهد و يوم كامل اني لازمته اخليه يحجيلي على علي و حاله شلونها و من يكولي تعبان و ضعفان و صاير مو حلوو اني ابجي بسرعه و اضربه و اكوله لا تحجي عليه هيج هوه حلو و من اخابر على علي و اكول اله شنو كال قهد و يكل ولله جذب و يفتح كامره وياي و انب ابجي لئن صاير اسمر شويه بس لايك اله السمار بزياده
المهم ليله من اليالي الي هيه اخر يوم لفهد بعيد عني و باجر يرجع للبيت اني جاي احجي وياه اتصال جانت الساعه 9 بليل فه ما احس غير صار طلق نار و اني اصيح علي علي ما يجاوب و رئسا نكطع الخط نزلت اعيط و اصيح لكيت الكول مجتمع يسولفون.
اتنا و هيه تبجي و تتنفس بسرعه : عل علي علييييي مااات