الشيخ و الجراحه

6

راحت اتنا تجيب علبه الإسعاف الاوليه  و كالت لشيخ عكاب و هيه تلبس السماعه علمود تسمع دكات قلبه
اتنا: جدو اخذ نفس عميق
الجد : اي بويه
اتنا : هسه اتنفس براحتك و اني راح ادوس بصبعي على الجرح من يوجعك كولي او تسوي اي شي تمام جدو
الجد : اي بعد جدج
اتنا : ها ماكو اي الم
الجد : ماكو
اتنا : زين و هسه
الجد : هم ماكو بويه
اتنا ببتسامه : الحمدلله ماكو شي هذا بس ارهاق فه لا تسوي اي شي ولا تتعب نفسك لحد ما تطيب العمليه ميه بالميه . شباب انتو اطلعو اريد بس مريم يمي .مريوم اني راح اغير الضماد و انتي تساعديني. سمعت من ريام انتي دكتوره بس تحت التدريب
مريم بحماس : تماام
علي الاكبر: طلعنه من جدي و بقت بس اختي مريم
و ما نحس غير دخلت عليه عمتي هيه وعيالها
احلام: السلام عليكم
الكل : و عليكم السلام
احلام : ها يمه شلونج
الجده : الحمدلله زينه يمه انتي شلونج .شني يمه بناتج و ابنج ما يعرفون يسلمون
احلام بخزره علي بناتها و ابنها : لا يمه بس ما لحكو يسلمون اذا رئسا اخذتيهم حاصل فاصل
الجده : اي جا ما يسلمون هسه سكتت
زينب و ساره و شاكر : هلو حبوبه شلونج
الجده : زينه حبوبه زينه 
زينب بتصنع : هلو علوش شلونك عيني مشتاقيلك اشو ما تسئل صاير
علي الاكبر برفعه حاجب : هلا زينب الحمدلله زين بس من يمته جنت اسئل عليج فشلت زينب و سكتت
اتنا : مريوم المعقم
مريم : هاج يروحي
اتنا : حبيبي جيبي الشاش و تعالي باعي شلون تسوينه
مريم : اي قلبي و هاج
اتنا هيجي تلفينه تمام فهمتي
مريم بصدمه: يااا عززه ما معلمينه هيج احنه
اتنا : اي صحيح هاي اني اتعلمتها علمود يضب الجرح بصوره صحيحه
مريم و هيه تهز راسها بمعنى اي : بس خوش فكره .اكولج عادي من تنقلين للبصره شغلج تنقليني بقسمج و تخليني تحت اشرافج لئن الدكتور المسؤول عليه ما يفهم هيج
اتنا ببتسامه : حياتي اساسا هيج اني جنت مقرره
الجد : ها بويه خلصتن شرح و تعلم بيه لو لا
اتنا و مريم : هههه
اتنا : بس جدو راح انطيك دوه ينومك لئن هذا المعقم راح يهيج الوجع لمده ساعه
الجد : تمام بويه .
انطت مريم المنوم للجد و اتنا جابت المي اله و وره خمس دقائق نام الجد
مريم : يله خلي نطلع. و نعوفه يرتاح
اتنا : يله
من اتنا و مريم طلعو سمعت اتنا بنيه تكول لسلطان
ساره : اي سلطانو ما مشتاقلي شنو و اشو هاي مرتك الزركه بعدهي شني ما طلكتها
اتنا برفعه حاجب: حبيبتي اسمه سلطان  ما حاجه للواو و بعدين اخويه مزوج و يموت على مرته ما حاجه تخربين علاقتهم ولا يطلكها ولا يشتاقلج تمام يحلوه
ساره بغضب : و انتي منو بله هاا
اتنا : ببتسامه مستفزه: اني اني بنت جابر و اخت سلطانو
فهد : ههههه
احلام : يا عمه جا شبيج هيج تحجين ويه بنتي هاا شني توج اجيتي و تردين تخربين علاقتهم
اتنا : عمري انتي اول شي بنتج الضاهر ناسيه سلطانو متزوج و تريد تاخذه من مرته و يا علاقه اخربها اشو هيه العلاقه كلها ما موجوده من اساسها 🤨
شاكر و هوه يريد يسلم على اتنا و يريد يبوسها من خدها : هلو يحلو اني ابن عمتج اسمي شاكر
اتنا و هيه تبتعد : او شي ما مسموح الك تتقرب اليه هيج انته لا اخويه و لا ابويه ولا حتى زوجي علمود هيج تبوسني زين 😒و اذا امك ما معلمتك الاحترام فه اني اعلمك و بعدين ما اتشرفت بيك يا اه نسيت اسمك شنو جان
علي الاكبر: شاكررر ممنوع بعد تتقرب لبنيه من هذا البيت هيج ززززين
شاكر : و انته شعليك
علي الاكبر و هوه لزم شاكر من ياخه قميصه : لا الي دخل لازيم انمدت ايدك على حرمه من هذا البيت و فوك كل هذا تخصني الي ادفتك و اشعل جد جدك اذا عدتها بعد
خلص علي الاكبر حجيه ويه شاكر و جر اتنا و صعد فوك
سلطان بغضب : يا ويلك اذا قربت من اتنا
فهد : سلطان عوفه كافي خلي يولي
احلام هيه و تعوج حلكها : هجم بيتها من وراها تكاتلو ابني ويه ولد خواله
حمزه  : ما عليها اتنا بشي بس عمه ابنج مو راحه خاي يتعدل لا اعرف شنو اصرف بس هسه الكل سكت لئن علي هوه الي ادخل
اتنا هيه و تحجي ويه علي : علي على كيفك علي تسمعني علي ايدي توجعني كامت
دخلها علي لغرفته و قفل البابا و صارت اتنا بين علي الاكبر و بين الباب
اتنا. بخوف من عصبيه علي الاكبر: ع علي جاي تخوفني شبيك خلي اطلع
علي الاكبر بعصبيه : ولججج راد يبوسج راد يبوسج تعرفين شنووو
اتنا بخوف : عل علي ما خليته شبيك و بعدين انته رزلته هم
علي الاكبر و هوه العصبيه فول صارت عنده : اني اعلمه و شحده اساسا يسويها بعد اذا ما اخليه يشوف نجوم الضهر ما اطلع اسمي علي الاكبر
اتنا : علي تره مو زين هاي العصبيه شبيك هاهيه خلي يولي و بعدين اني دافعت على روحي تره ما خليته حته يلمس شعره مني
علي بعصبيه :باعي لج ممنوع تطلعين بدون حجاب بعد زينننن و ما تبقين يم هذا ولا يم اخواته ببحدج و اذا رايده ارتكب جريمه بيهم اتقربي و احجي ويه واحد بيهم و انتي تشوفين شيصير بوكتها
اتنا : علي اسمع بالنسبه للحجاب فه اني اساسا وصيت ماما تجيبلي حجاب من البارحه بس ما لبستهم لئن كلت كولكم اخوتي بالبيت فه ما البسه بس من اطلع البسه لئن كلت ما اريد اخرب سمعتهم الي الكول يحلف براسهم و براس بناتهم و اني تاليها ما محجبه فه قررت البسه ولله و بالنسبه الهم انته ليش هيج معصب
علي الاكبر ببتسامه : بويه ما عليج ليش هيج اسوي بس بعدين تعرفين ولله تمام و باسها من راسها و حجه بالنسبه للحجاب بس هاي الفتره البسيه لحد ما ينقلع هذا الجلب و اي اخوتي اخوتج صحيح بس اني ممنوع تكولين عليه اخوج ولا حتى تعتبريني اخوج
اتنا : ب بس ليش
علي الاكبر: بويه ما اكدر هسه احجي بس بعدين اني اكولج وعد
اتنا ببتسامه : تمام يله اني رايحه
رادت تطلع اتنا بس رجعت التفتت على علي الاكبر و حجت
اتنا : علي تره اني جنت ناويه البس كباله حجاب بس من طلعت من غرفه جدو لكيته موجود
علي الاكبر: اي بويه يله روحي البسي .ها صدك بعد شوي تجي غرفتج
اتنا بصدمه : يا غرفه اني ما حجزت غرفه
علي الاكبر: اي بويه اني حجزت الغرفه و ان شاء الله تعجبج