الشيخ و الجراحه

8

اتنا كاعدين على العشه و ما احس غير جدو حجه و كال بويه جابر ابن اخوك علي الاكبر يريد ايد بنتك اتنا على سنه الله ورسوله فه شتكول يا بويه و لنته تعرف علي هوه شنو .اني بهاي الحضه لو يذبحوني ما يلكون قطره دم من الخجل و الصدمه ما اعرف شلون بس كمت و طكيتها ركضه لغرفتي
الكل : ههههه
جاسم : بويه خجلت البنيه لو حاجي بيناتكم
الجد : عادي بويه المهم شكلت يا جابر
جابر ببتسامه : بويه ولله تدري اني ما الكه احسن من علي ل اتنا يحافض عليها و يمكن حتى يدللها اكثر مني و عن رئيي يا عمي علي فه البنيه الك كبع و اخذ بس تعرف لازم اخذ شور بنيتي تبقه هيه وحيدتي و ان شاء الله بيها الخير
علي الاكبر : ان شاء الله
الجده : يمه مريم روحي شوفي اخيتج و اخذي منها الجواب
مريم ببتسامه : اي بيبي
صعدت مريم لغرفه اتنا و دكت الباب و اتنا كالت ادخل
مريم : توته دزوني علمود انطي الجواب ها يحلو تقبلين اصير حماتج و انتي تصيرين زوجه اخوي
اخذت اتنا تباوع على مريم و مريم توترت لئن طولت و ما ردت الجواب و بدت تخاف شويه و قررت تحجي اتنا
اتنا ببتسامه خجوله : ا ا اي اقبل
مريم بفرحه : يسسسس الف مبروكك يروحي.
جان طكتها بهلهوله مريم خلت الجوه يسمعون هلهولتها
هيله : هاهيه عرفنه الجواب ما حاجه نسئل مريم من تنزل
مريم تنزل بسرعه : قبلت قبلتت 💃🏻💃🏻
الجده  : يمفكوعه سمعنه هلهولتج
مرتضى: خرب بليسج هاي اتنا شلون تحملت تسمع هلهولتج اني من يمي احس اذاني انطرشت
مريم : جدو صيح بحفيدك
الجد : كافي ولكم عوفوها .الف مبروك وليدي علي بيها الخير ان شاء الله
علي الاكبر بفرحه : الله يبارك بيك جدي
جابر و جاسم : الف مبروك وليدي
رحيم : الف مبروك يبعد ابوك
علي الاكبر : : الله يبارك بيكم
عبير : اي ويمته الخطبه
علي الاكبر: هاي الثلاثاء
ليلى : بس نا نلحك شي
علي الاكبر: كلشي اني اجهزه عليجن بس تحضرن بدلاتجن
مريم : لعد خلي نطلع من هسه بنات اندور خاف ما نلحك تره بعد يومين لئن اليوم كوله طار
رنا : اي ولله صحيح
ريام : لعد خلي ننضف البيت من هسه علمود بارج ما عندنا شي
الجده : اي عفيه بنياتي
ساره هيه و تحجي ويه علي و تئشر على اختها : علي بس اتنا محلوه اكو بعد احله منها مثلا زينب
علي الاكبر ببتسامه : ساره مثل ما تشوفين اختج حلوه فه اني اشوف بنيتي تجنن زين و لو يوكفن كل نسوان العالم ما تحله بعيني غيرها هيه و خله و كام يريد يصعد لغرفته شاف اتنا واكفه بنص الدرج و دموعها ينزلن
علي الاكبر بخوف : ها بويه شبيج اكو شي يئذيج
اتنا هيه و تبجي و تبتسم لعلي الاكبر : علي احبك ربي لا يحرمني منك
علي الاكبر هوه افتهم السالفه انو سمعت الحجي : ولا يحرمني منج بنيتي بس لا تبجين بعد ولله وكفتي كلبي
اتنا هيه و شابكته : اسم الله على كلبك
فهد من وراهم : اكولكم اتمعشكو بس مو على الدرج و انتي تويته بله مر واحد من اخوانج و شافكم هيج ها ولج
اتنا بخجل : ا شسمه اني صاعده باي
علي الاكبر هوه و يبتسم عليها و وره ما اختفت اندار على فهد و حجه : ولك انته شعليك عجبك هيج تخجل بالبنيه ها احجي
فهد : ولله مو بيدي الكول صعد بغرفته شويه و دك تلفون اتنا و حجه غيث لئن جان يمها : ماما اتنا تلفونج يدك
اتنا اي حبيبي جيبه الي .لىن اتنا جانت تعدل بالكنتور اخر شي بقه بغرفتها ما معدلته اخذت التلفون من غيث و حجت
اتنا : الو ها حبيبي
المجهول : ها يروحي شلونج مشتاق كلبي الج
اتنا : ولله اني اكثر
المجهول : تعالي الي ل .... المكان
اتنا بفرحه : تمام حبيبي هسه اجي
بهاي الاثناء دخل عليها علي الاكبر و اعيونه ما تكصها السيف و حجه
علي الاكبر هوه و يحاول يحجي بهدوء : اتنا ويه منو تحجين
اتنا بفرحه و راحت تشبك علي : علي خلي نطلع للمطار
علي الاكبر بعصبيه لىن ما جاوبت عليه بس هم ما بين الها : ليش شنسوي اهناك
اتنا : دك تلفوني هسه و غيوثي جابه الي
علي الأكبر هوه و صبره بده ينفذ : اي و شنو
اتنا : اصبرلي حبيبي و طلعت سمر صديقتي و وصلت توها من بغداد و هيه هسه بالمطار و كلت الها هسه اجي الج و ردت اشوف واحد من الولد بس لازيم انته اجيت فه تعال وياي خلي انجيبها
علي الاكبر هوه الغضب مالته كوله اتلاشه و حجه : تمام بويه يله خلي انروح رادت اتنا تروح تجيب البشت مالها و الحجاب بس وكفها علي هوه و يريد يحجي
علي الاكبر: اتنا بويه
اتنا : ها يروحي
علي الاكبر: اني اسف
اتنا بستغراب : على شنو اسف حبيبي
علي الاكبر: اني اجيت علمود اخذ غيوثي كلت هاف ضوجج و سمعتج تحجين الو حبيبي فه عصبت و كلامج جان ما يدل على جاي تحجين ويه ابنيه ولا صيغه كلامج فه عصبت بس كلت خلي افهم منج يله اصرف و تمنيت اطلع غلطان و الحمدلله صدك طلعت غلطان اني اسف لئن شكيت بيج
اتنا ببتسامه : اول شي غيث ابني نفس ما هوه ابنك بعد زين فه ما يضوجني ولا يغثني ثاني شي اتفهمك و من حقك تعصب بس هذا الشي مو مهم جان سوء تفاهم ثالث شي شكرا الك لئن قررت تفهم مني ويه منو جنت احجي و ما استعجلت لو غيرك لربما استعجل و سوه شي و بعدين يندم عليه
و رابع شي اني من المستحيل اخونك و اذا يوم فكرت بغيرك ولو هاي ما اعتقد افكر بغيرك لىن عقلي مشغول بس بيك بس اذا فكرت فه اطلب منك الانفصال و ما اخونك و اني على ذمتك تمام يروحي
علي الاكبر: اششش لا تجيبين طاري الانفصال و بعدين اذا فكرتي ولله اذبحج و اذبح روحي وراج و لا اخليج تصيرين لغيري احبج يبنيتي
اتنا هيه و تبادله الحضن : اموت عليك حبيبي
علي الاكبر: بعد ما اتحمل اكثر من هيج خلص حجيه و باس اتنا و هيه بادلته رئسا
علي الاكبر : اخ بويه مو حلك عسل
اتنا بخجل : هلي كافي لا تخجلي اكثر
علي الاكبر ببتسامه : شسويلج اذا انتي تغرين بيه و هذا حلكج الي يكول تعال بس بوس بيه ها
اتنا بخجل اكثر : علي سمر طولنه عليها
علي الاكبر : اشتعلو لشه سمر
اتنا و هيه تضرب علي الاكبر على صدره و حجت : لا تغلط عليها
طبعا بهاي الاحداث من دخل علي الاكبر لغرفتها كال لغيث يروح لغرفته بين ما يخلص حجي ويه اتنا
طلعت اتنا و علي الاكبر للمطار
اتنا : الو ها حبيبي وين انتي
سمر : ها اعيوني اني يم ...
اتنا : تمام هسه اوصلج قريبه
جانت سمر منطيه ضهرها فه ما شافت اتنا ما حست غير على احد يحضنها من وره
سمر بصرخه : يمااا
اتنا بضحكه : هههه اسفه ولله بس شسويلج انتي ما انتبهتي
سمر هيه و لازمه كلبها : ولج وكعتي كلبي
اتنا : ههه شلونج يمكروهه
سمر : الحمدلله زينه انتي شلونج. اكولج منو جابج هذا عمج الحلو مو
علي الاكبر هوه و يشيل جنط سمر من وراها : لا بويه فهد بقه نايم ما يدري بيج  باجر تشوفينه لا  تخافين
سمر بخجل : ها شيخ شلونك
علي الاكبر: الحمدلله زين بويه انتي شلونج خو ما تعبانه من الطريق
سمر : لا الحمدلله زينه
اتنا : يله حبيبي امشينه
سمر : اي عمري بس شيخ اريد توديني على اقرب فندق علمود ابقه بيه لحد ما اشوفلي بيت
علي الاكبر هوه و يمشي و ما اهتم لكلامها : بنيتي سكتي صديقتج
اتنا : اي حبيبي.و اندارت على اتنا و حجت انجبي تعيشين يمنه و انتها الحجي