Vote يجماعه بليزز🥲❤️
زينة شباب العيلة الحيلة الحلوة دي جابت رجليه
هكذا دخل بنات خالة ليله محاولين إيقاظها من غفوتها لتصدر نهى صوتا يدل على فرحتها "زغروطه" متحدثه بصوت عالى : يا كسلانه فى عروسة تنام للساعه ١ الضهر
نظرت لهم ليله بنصف عين ثم جذبت وسادتها الصغيرة واضعه إياها فوق رأسها
نور بضحك : بصي المستفزة ؟
نهى بمكر :انا عارفه هصحيها ازاي
أمسكت بهاتفها للاتصال بهاتف ليلة و بمجرد سماعها لرنة هاتف الاخرى تحدثت بلهفه: بت يا ليلة عمر بيرن عليكي
ثانيتين بالعدد لتستوعب ليلة الجملة ركضت نحو هاتفها بفرحه دون قراءة اسمه حتى
:ايه يا حبيبي
نهى واضعه هاتفها على أذنها تحدثت بعيون دامعه من كثرة الضحك: عيون حبيبك اصحى بقا عشان نجهز للفرح
نظرت لها ليله بغضب ثم ألقت عليها الوسادة الصغيرة: يا مستفزة اقسم بالله انت باردة
نهى محركه حاجبيها بسرعه قاصده اغاظتها أكثر: عارفه قومى يلا عشان نروح البيوتى سنتر
ألقت ليله نفسها على سريرها من جديد بتعب: مش قادرة بجد انا مُت امبارح من التعب فى الشقه و انا بفرشها
جلست نور بجانبها بحب: هانت يا ليلو يومين و تبقى فى بيتك و عمر يبقا جوزك و ترتاحى من كل التعب ده بإذن الله إلا صحيح هو انتو مكتبتوش الكتاب ليه؟
جلست ليله ثم نظرت لها بعدم معرفه: مش عارفه..عمر اقترح بس ماما موافقتش هى كده كده مش بتخلينا نخرج مع بعض أو نقعد لوحدنا إلا دقايق معدوده يعنى و قالتلى أن حتى لو حصل كتب كتاب مش هنخرج لوحدنا ف ايه لازمتها
نهى بتعجب: هى ليه خالتو كده بجد ؟
ليله: ماما معاها حق..انا مش زعلانه من الموضوع ده و بعدين شرعاً مليش اني أخرج معاه أو نقعد لوحدنا بابا مسافر هو و ادهم اغلب الوقت ماما شايله مسؤوليتى بشكل كامل انا مقدره أنها شيفانى صغيرة لسه و هى وافقت اصلا عشان بابا اللي جايب عمر و قالها سأل عليه كتير و كل الكلام ده و
قطعت نور حديثها : انت اصلا بتحبي عمر؟
ليله متعجبه: ايه السؤال ده اكيد بحبه هو شخص كويس و دخل البيت من بابه
نور: طيب بلاش السؤال ده هسألك سؤال غيره..لحقتى تحبى عمر فى ال٦ شهور دول ؟
نظرت لها نهى بغضب عندما رأت تخبط ليله يظهر جلياً على وجهها : سيبك من المجنونة دى يا بت يا ليله و أجرى اغسلى وشك ورانا مليون حاجه ننزل نخلصها انجزى
جذبت ليله منشفتها متوجهه نحو حمام غرفتها و هى تفكر بحديث نور
بمجرد إغلاقها للباب تحدثت نهى بعصبيه و صوت منخفض: انت غبيه يا نور جاية تلخبطيها قبل فرحها بيومين !!!
