شايفين النجمه الصغننه اللي تحت دي؟⭐
ممكن بقا تدوسو عليها❤️🤗
إني سأرحل عندما يأتي قطار الليل
لا تبكي لأجلي....
لا تلومي الحظ إن يوماً غدر
فأنا وحيد في ليالي البرد
حتى الحزن صادقني زماناً
ثم في سأم .. هجر
"فاروق جويده "
نظرت لهم ليلة بعدم فهم ليدخل الطبيب الغرفه و هو يتحدث ببشاشه: حمدالله على السلامه يا آنسه
حاسه بأيه دلوقتي ؟
أغمضت ليلة عيونها بشده و هى تحاول التفكير ثم فتحت عيونها بصدمه و هى تنظر لهم برعب : انا مش فاكره حاجه
الطبيب بعمليه: اهدي يا انسه من فضلك انت مضروبه ضربه شديده جدا على راسك و بالنسبالنا مفاجأة اصلا انك فوقتي على طول بعد ما
قاطعته ليلة ببكاء شديد: بس انا حتى مش فاكره اسمي ثم نظرت لأحمد و سليم و فيروز مستفهمه..انتو عيلتى يعني ؟
أنكر احمد بتفهم لحالتها: لا يا بنتي ولادي لاقوكي مغمى عليكي و دماغك بتنزف ف اسعفوكي على هنا
ضمت نفسها بشده و هى تردد: يعني أنا ماليش أهل ثم ظلت تصرخ و تبكي من آلام رأسها
استدعى الطبيب الممرضه ثم طلب منهم أسفا أن يخرجو من غرفتها الي أن يعطوها حقنة مهدئه
خرجو جميعاً من الغرفه بحزن على حالها حتى استمعو صوت أميرة تأتي إليهم بلهفه: في ايه مالكو حد فيكو حصله حاجه؟
نظر إليها سليم بتعجب: انت عرفتي منين أننا هنا؟
أميرة: ماستنتش اول ما فيروز قالتلي انكو فى المستشفى لبست و طلبت السواق جابني على هنا
انتو كويسين ؟مين فيكو تعبان؟
نظر سليم لفيروز مضيقاً عيناه حتى ابتسمت له و شاورت بكفها بحرج: اهاا قولتيلي بقا رويتر اللي قالتلك
أميرة: ياعم سيبك من رويتر دلوقتي مالكو؟حد فيكو تعبان ؟
سليم: مفيش حاجه يا ماما احنا لقينا بنت مضروبه على راسها و جيبناها عالمستشفى
شهقت أميرة بخضه: يا حبيبتي يا بنتي طيب فين أهلها ؟
أحمد بأسف: مانعرفش.. وللأسف البنت فاقت فاقده للذاكره تماماً
جلس بجانبها احمد يسرد لها تفاصيل ما حدث لأبنائه و كيف وجدوها بينما جلس سليم بعيداً و أسند رأسه على الحائط و من شده إرهاق اليوم نام مكانه
اتى لهم الطبيب يطمئنهم على حالة مريضتهم ثم تحدث بأسف: كل اللي علينا نستنا يحصلها مواقف مشابهه أو أماكن مؤثره بالنسبالها زي بيتها أو مدرستها و هى صغيرة طريق الجامعة بتاعتها مثلا كل دي حاجات هتفكرها تدريجياً
و للأسف طالما حضراتكم مش من عيلتها فهيبقى صعب تفتكر بس مش مستحيل
