(بلهجة الجزائرية ممزوجة بالعربية..)
قد تكون اول واخر طلقة لقلبي الذي ظننته قد مات فاني ماذا فعتلي بي كنت اظن ان الحياة مجرد كابوس لن نخرج منه الا اموات لكنك اغلقتي ذاك الحلم" 💀
حمقاء انا كنت احاول انا ان اكون مثال لكل احد لارتطم داخل قلب ذالك البا...
في ذالك المكان الذي ارتج بسبب صرخات الشباب كان لا يخلو من اصوات الفتيات والمشجعين نعم والله غير هو ههه مضمار تع سباقات الليل تع طونوبيلات والموطووات في لوس فيغاس بالتحديد فاني : زين تاعي انا نروح كيما تفاهمنا ليلة نشعلها ههه كانت تهدر وهي تهمس ايميلي: ربك يفيقولك بلي نتي طفلة تتناك عليك ارجعي عينيا فاني: تتمسخري انا صاي قتلك ندخل معاهم ندخل هه ولي بغى يصرا يصرا ايميلي: بلعي يمشي قدامك واحد يفيقلك بلي. طفلة انعلي الشيطان وارجعي فاني: لاه راكي تشوفي فيا نقش هه باه نولي يا ختي راني مسطحة كيفي كيف الحطبة والفيستا راهي مخبية وزيدلك شعري داخل الكاسك هه يشوفو الشعر ويفيقو
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
وهي تمشي خبطت في واحد ايميلي: pov: وها تناكت علينا وها احيييي عليااا فاقولنا وها احيي ضك توصل لباباها يا رب وستر عند فاني خبط فيها هذاك البنادم البنادم: ايي نت شووف قدامك... خير ما نلبزلك وجهك.. ولا نقولك خلي نهرسك ليلة في ذا سباق تعرف معامن راك تلعب فاني :(وهي تخشن لي صوتها) شوف يا خوو نت لي جاي تزدم وعس روحك بنادم: نت لي عس روحك.. وبلع رجعت فاني لعند ايميلي وهي مزلها لابسة لكاسك تع سواقة فاني: باغيا نذبحو حيوان عمى ويزيد يشرك في فمو يخي ڨواد اذا معطيتوش ليلة بنكية سخونة ونربح منتسماش فانيسا ايميلي: ها بعلي بقرة كون فاقلك بلي طفلة كانت تطفرت عليك ياك علابالك بلي ذو سباقات تع لولاد ممنوع لبنات فيهم مشي نروحو فانيسا: بلعي صدعتيلي راسي.. وراحت هازة الموطو تاعها ورايحة جيهة البلاص لي يبداو منها سباق وهي متوترة وكي وصلت لعند بلاصتها بدات تتفكر وتسترجع ذكرياتها نرجعو ب ثلاث ايام للماضي Vanissa pov بفف اني عيانة ولعطلة مبقالهاش بزااف وتخلاص ملييت غير من دار سماطة لا اييي وقيل نعيط لايميلي خير وهزيت تليفوني وعيطتلها قعد يقولي تليفونها مغلوق تفووه تكون رقدت وخلاتو يودي اصلا انا حمارة شكون يقعد ساهر لل 3 تع ليل هه رحت لجيهة الكوزينة كشما ناكل خاش كنت مضاربة مع بابا هزيت هذاك سوندويتش يا جدكم عمرتو لحم مقلي ومايوناز وفرماج ولا هبااال قعدت ناكل ونشوف مع تاقة صبت واحد يجري ويبان خايف وقعدت نشوف فيه بعينيا ومنبعد قلت انا لاه راني قاعدة هنا والله غير نخرج ونشوف وش كاين هزيت حوايجي وهربت من تاقة صح تسلخت في يدي بصح ميهمش قعدت نمشي بلعقل ونحوس على سيد هه لقيتو مسكين هاز خبزة صغيرة ورايح بيها لوحد البلاص مع لول جاني رهاب وقلت انا وش حيديني باه نشوف وش كاين ومنبعد مشيت بلعقل حت حسيت بليفوني يفيبري في جيبي جبدتو نشوف شكون يعيط لقيتها ايميلي دنيت لبلاصة مشخونة وهزيت قالتلها يودي راني في عملية سرية ههه وانا منقصى الفوليم تاعي قالتي ينعل دين باباك وكون يقبضك باباك هاربة وش يصرا يا وجه الرخس قالتي ابعثيلي بلاصتك نجيك بعثتهالها وانا كي كوبيت كنت نسيي كشما نشوف وحد ربع ساعة هكاك مي والو ومنبعد ستغفرت وجيت نتحرك حسيت بيد على يدي ويد محطوطة على فمي ندور نلقاها ايميلي تخلعت ومنبعد كي فقت شديت نفسي بعد ما كنت حاسة رجليا يبسو من لخلعة قعدت تشوف معايا ومنبعد قاتلي نتي راكي تهلوسي وقيل مكان حت بنادم ومنبعد حسيت بحس جبدتها للاطراف هه نشوف في وحد راجل كبير هاز خبز يابس وشوي لحم باين بقايا كشما لقاهم يتلاوحو وتلمدو عليه ذراري وقعد معاهم يوكل فيهم غاضتني عمريي وهبطتلي. دمعة غاضونس هذوك الصغار واحد فيهم يبان في عمرو هكاك عام تشجعت ومشيت الراجل كي شافني قعد يقولي روحي عليا وعلى ولادي وش تحوسي مديت والو منك روحييي وانا قعدت نكالمي فيه كي انا كي ايميلي ومنبعد قتلو لاه راك دير هك قالي يا بنتي مكتوب ربي وش ندير ملقيت خدمة ومقدرت نوكل ولادي ولا حت نامنلهم دار وفي هذا البرد ملقيتش حت وين ندخلهم دنات ليا طفلة صغيرة قاتلي خالتي الفيستا تاعك شابة هه نحيتها من عليها وعطيتهالها والراجل يقول مكلاه قعد وحكالي قصتو وبلي هو راجل ماتت مرتو بعد. ما سرقت كل دراهمو لي كان مدملهم وهربت بيهم وهو قعد هك وين ما يروح ميقبلوش يخلوه يخدم على هيئتو وهندامو غاضني بزاااف قتلو عمي والله غير نعاونك نت وولادك قالي يا بنتي يكثر خيرك عاوني برك هذو صغار انا والله ما نحوس على روحي وليت للدار نجري بعد ما خليت ميمي معاهم (ايميلي اختصارها ميمي) وذاك البرد كنا في شهر نوفمبر مهم وليت نجري ولبرد يضرب في وجهي وشعري عينيا مقدرتش نحلهم دخلت كي سراق من دار بيانسور تقولو وداركم مش. دايريين كميرات هوما دايرينين صح كاميرات مي انا كي نعود هاربة نحبسهم بتليفوني هه نعرف نخربط شوي هه مهم وليت للدار هزيت كوفيرطات وشوية من لبستي ملغري كبيرة عليهم مي تدفي وخبيتهم في شمبرتي هبطت كي سراقة ورحت للكوزينة وجدت سندويتشات تع لحم وبطاطا وكي كنت طالعة لشمبرتي حسيت بلي يما فاقتلي قاتلي وش راكي تديري قلتلها جعت وجيت. كشما ناكل ضحكت معايا مي تحسست بلي كلي حست بيا حكيت معاها وهي قعدت تتبسملي حت قتلها مامي انا نروح نرقد عييت قاتلي روحي بنتي وتغطاي مليح باه متمرضيش وضك ندير التدفئة المركزية بعد ما تاكدت بلي يما رقدت هبطت القش والماكلة ورحت نجري لعند ميمي وذوك ذراري مديتلهم الماكلة وقعدت معاهم شوي وقلتلهم بلي راني هنا معاكم وحنعاونكم وبقيتهم على خير ورجعت نجري انا وميمي لديورنا كي دخلت من تاقة صدمة كبيرة لقيت يما فوق البونك تاعي كي شافني بدات تندب بالساكت وتقولي وين كنتي في نصاص ليل وين كنتي داخلة ومعامن كنتي حسيت لساني تربط وش نقول وواش ندير وها احيييي قعدت نخمم ومنبعد قلتلها شفت برك ميمي هنا نسات قبيل وحد حوايج تاوعها ونا عيتطتلها وهي جات ونا خفت ننوضكم هبط من تاقة قاتلي يا لكلبة كون طحتي كون تكسرتي ومنبعد انا وش ندير هديتها وطمنتها عليا وهي امنت الحمد لله سلكت على خير 🙂 وهي راحت لشمبرتها رقدت ونا قعدت نخمم وش ندير باه نعاون هذوك المساكن علابالي كون نقول لبابا يطير عليا ويقولي والله ميعاونهم ونا وش ندير تفووه قعدت نخمم حت غفيت رقدت نضت على 11 تع نهار هبطت فطرت بعدما كليت شوي تبهديل وبخيص من ماما وخاوتي صغار يستشفاو فيا (هاكو تعرفو الخاوة) ومنبعد طلعت عيطت لميمي وقلتلها ارواحي جات تجري مسكينة حمد لله كنت جيران بيناتنا ربع بيوت برك هه قعدنا نخمو نخمو وبعد قاتلي وش رايك كون نبيعو حوايج من عندنا قاتلي بلي هي تبيع وحد مجوهرات من عندها ونزيد انا نبيع شوي بلاك نطمو شوي دارهم ونكرولهم دخلت يما كي سمعت كلمة نطمو قالتنا وش تطمو ولواش قلتلها يمااا مكان والو قلنا نطمو الدار باه تتسقم شوي قاتلي مي الخدامة كاينة قلتلها يما ياك علابالك خالتي روندا كبيرة ومتقدرتش وحدها مسكينة قالتي ياك خالصة صراحة قلقتني هدرة مامي باسكو مهما كانت هذيك ثان من لبشر وتخدم باه تلمد لقمة عيشها قلتلها هيه معليش قعدت تحوس تعرف محتوى هدرتنا مي كيما دارت مفهمناها والو (😉شفتو الذكاء) هههه مهم بعد ما تفاهمنا نبيعو روحت انا وميمي لعند الصياغ تع لمجوهرات مديتلو سنسلتي تع الالماس كنت نحبها بزااف مي الله غالب منقدرش نخلي هذوك الذراري يقعدو هكاك وزيد مع باباهم وهو باين عليه التعب والكبر بعتو وجابلي شكارة تع دراهم ههه نتمسخر برك جابلي قيس ما نكريلهم دار قيس عام وزادت ميمي باعت ثان وحد البراصليات تاوعها كونا نشوفو نضرة تع مول لبيجوتري انورمال مي قلت احيي ملقيت لواه نخمم كيما جات تجي بعناهم وكنا ناوين نروحو لمكتب عقاري باه نكريو الدار بدوزان مي يمات ميمي عيطت ايا قلنا ناجلوها ضك فرات وولينا نضحكو وليت للدار نشوف في يما تشوفلي بنظرات غريبة قلت في راسي بلاك كشما خربت وانا لا خبر حت لقيتها عند راسي قاتلي يا لمكلوبة اذا راكي حاصلة في كاش مصيبة قوليلي متخبيش عليا قلتلها مبيا والو قعدت وحد ساعتين وهو تدور وتمعني بنظرات مي مفهمتش ايا زادت شوي وزدمت عليا قاتلي من صبح نستنى فيك تهدري مي نتي والو ساكتة يا عرڨ سوس ضك انا لي نهدر مشي نتي وينها سنسلة تاعك تع لفراشة هذيك تع الالماس قلتلها شوفي لهيه انا وش دخلني ياك نتوم تخبوهم ثماك وتعطيني بذاك الكف حسيت وجهي سخون وونواظري كل شڨفة وين ودرتلها وجه بارد قاتلي نتي صح كثرتي على موصاوك بارح دخلتي من تاقة في نصاص الليل وضك تزيدي تكذبي مزية عيطلي مول البيجوتري لي ريحتي ليها نتي وايميلي وبعتي تاعك وهي باعت برصليتها وش راكم تخططو كشما راكم حاصلين قولي يا اهدري قعدت تعيط وانا كردة فعل رميتلها الدراهم قلتلها هام ليك تربحو بيهم وخرجت لبرى رحت لوحد الحديڨة كانت تهبل رحت قبضت كرسي ولقيت قط كحل قعدت نبكي ونا نمسحلو على الزغب تاعو ودمعتي تسيل حت يجي واحد يبان كي الخطافين مدلي مشوارة وراح كاين مغطي كامل وجهو مي عينيه لخضورة كانو باينين وثان عندو خصلة ملونة بالابيض ومنبعد راح قعدت ندور ونشوف بعيني ملقيتوش نسيت على لحكاية ورحت للدار عيطت لميمي وحكيتلها وقاتلي بلي هي ثان يماها فاقت من عند يما سما راهم دايرينين مخابرات علينا رقدت هذيك ليلة مقنوطة وغايضيني هذوك الايتام الصغار وغدوا من ذاك صباح ربي رحت لعند ميمي لدارهم بعد وفي طريق مننساش جيت عاقبتها وقريب تخبطني وحد الموطو خرج منها واحد منكذبوش كلمة يهبل قليلة عليه مي عطيتو بنظرة باردة وهو نحى الكاسك تاعو وقعد زعما يبهدل فيا ومنبعد في اخر كلامو قالي هه علاه نقلق في روحي وفي ليل نربح سباق وندي مليون دولار انا سمعت هذا لخبر قلت والله منفوت هذي الفرصة ورحت نجري مخلياتو يهدر مع لهوا هه دخلت لعند ميمي كي لمكلوب وقلتلها على سباق درنا مخابرات او بالاحسن نقولو دارت ايميلي المخابرات على مكان واسلوب اللعبة ودينا قع المعلومات بلي تبدا اليوم على 1:30 تع ليل في وحد البلاص تع سباقات وبلي لازم يكونو المشاركين قع من جنس الذكور غاضتني و زعفنا انا وميمي ومنبعد جاتني فكرة نتنكرو على هيئة ولاد وندخل ندير السباق ونربح وندي دراهم ديراكت بوووم ونكون سلكت هذوك الصغار ههه وليت للدار قلت لماما بلي حنبات عند ميمي وهي بكل بساطة قبلت باسك هه ميمي جارتنا كي كانو الخدامات يسيقو انا رحت وجبدت الموطو تاعي لي كانت في الڨاراج وديت الكاسك وديت معايا كابة صغيرة رميتها من التاقة فيها حوايج عراض تع رجال ههه ورحت نجري لعند ميمي ڨاريت الموطو مور دارهم وقعدت معاها حكينا كلينا وضحكنا وكي لحق ليل كنت نمثلو رواحلنا راقدين حت لحقة 12 تع ليل هربنا من تاقة لبست الحوايج العراض over size والكاسكات تع لموطو ركبت انا وركبت موريا ميمي ولحقنا.....) . . ######################♡♡♡♡♡♡♡♡♡♡♡♡♡♡♡♡♡♡♡♡
.
_ نهاية البارت الاول 👋🏻😁_ ت
تفاعلو معانا باه نكملو الرواية نتساهل حق تعبي وسهري معاها الليالي مهم متبخلوش عليا بتصويت بسيط ههه وثان لي عندها كلمة ولا رايي ولا حت اضافة تكتبلي في الكومنتار... وبيانسور لي راهم يسقسقو على نوع الرواية هي تع اكشن ومغامرات وثان فيها رومنسية.. وشوي سايكو وحق تعبي متنساوش التصويت وبرطاجيوها.... ونتلاقاو في البارت الجاي نحبكم 💋💕👋🏻تهلاو في رواحلكم
