الكس: الو شكون نت...
وكوبا عليه هذاك البنادم
الكس: بففف حمار بصح منين جاب نبميرو تاعي وكيفاش فاق ها رب العالي هذا مخص
شاف في لكميرات لقى الحالة كالم وفاني راقدة رفد تليفونو وعيط للجينيرال
جينيرال: وها رب العالي شكون الحمار لي يعيط على 2 تع ليل
اليكس: سمحلي شاف وقيل ديرونجيتك مي كاين واحد مجهول عيطلي وهاو وش قالي بعد ما حكالو
جينيرال: ضك نبعثلك وحدات دعم واعطي تليفونك لواحد منهم راح يسي يجبد كل ما يخص هذا البنادم ومكلاه تتقلق هي خير كي عرفو بلي رانا ندورو جوايه جايمس باه ميتصدموش منبعد هه خليه عليا اليكس نت ارقد وعيش باسكو في اي لحظة قادر يصرا اشتباك
اليكس: اوك جينيرال بونوي
الجينيرال: بعد ما خربتلي في رقادي تقولي بونوي ههه روح ارقد
وكوبا عليه ورقد
في منطقة اخرى خلاص: اطراف لوس فيغاس
كاترينا: ااه يا رب العالي ذوك هذا لي يسموه بابا ديما سامح فينا
امها: يا بنتي ياك راه يبعثلنا دراهم ورانا حيين يكون شغل برك مبعدو علينا
كاترينا: لي يشوفك يقول صح عايشين مبهدلين مكان حت شي هنا وزيد نتي لمرض تاعك راه غير يزيد
امها: معليش نصبر ابنتي ارقدي نتي غدوا تقراي راهي 2
كاترينا: بصح يما الحمى راهي طالعتلك شوفي وزيد لماكلة ومكليتيش من قبييل
امها: يودي يا بنتي راني لاباس بيا وزيد عندي بنت كي نتي تخمي عليا دنيا وما فيها ارقد انا هذا وين شربت دوا شوي ونريح
كاترينا: اوكي ودارت للجهة لخرة وقعدو دموعها على خدها يطيحو
Pov katrina:
ااه يا بابا ديما مخلينا حرام عليك والله مني سامحتلك تجي يومين في شهر وتروح لمرتك وبنتك غدوا نشاله نروح ونواجهو سكتلو بزااف ماما قريب حتموت وهو عايش ويتمعشقلي مع مرتو والله لا ماني ساكتتك يا جايمس خلينا عايشين عيشة الكلاب كون منخدمش مناكلوش الله لا تربحك والله لا نخليك تندم ندمة تع كلاب لي خليتنا نعيشو هك...
ورقدت
غدوا من ذاك ناضت كاترينا وجدت روحها ولبست سروال كارغو نوار وتريكو اوفر سايز نوار ثان مع فاست تع كوير نوار وودعت يماها على اساس رايحة لليسي كي لعادة مي هي كانت قلبت طريق لدار جايمس ومرتو (دار فانيسا)
عند فانيسا كانت ناضت بسيف على 7 ومجات تلبس وتريقلي روحها بسيف راحت طبطبت على صحبتها ميمي وعي بنص عينين مفتوحين فتحلها الباب خو ميمي
وولف: صباح الخير فينو
فاني: مسمونيش فينو فانيسا
وولف: venoo
فاني: ازرب عيطلي لختك ني مزروبة
وولف: عينيك مغمضين وتقولي مزروبة الحفرة لولة لي تجي في الطريق طيحي فيها متاكد 😉
فاني: ووووووولف عيطلي لميمي
وولف: اوك اوك وبدا يعيط يا ايميلي صحبتك راهي تحوس عليك
ميمي: يا نييي جاية وكانت تهبط دروج وهي تلبس صباطها
فاني: عسلامة العروسة هيا
وولف: ووينو العريس باه نتهناو منها
ميمي وفاني في نفس اللحظة: وووووولف
وولف: خلاص خلاص ني رايح
(وولف هو اخ ايميلي الكبير في عمرو 22 يقرا في الجامعة اعلام مكراشي في فانيسا مي تعتابرو كي خوها لكبير لا اكثر جاي سمر كي ختو هكاك وعندو عينين نايمين وشوافر طوال وعينين نوازات ولحية خفيفة وطويل..)
صدمهم من جيهة اخرى الطونوبيل لي حبست عندهم وكان فيها اليكس وريكو
اليكس: صباح الخير زلات تركبو هيا قع رايحين لليسي
فاني: مكلاه كمل برك طريقك
اليكس: كيما تحبي سينيوريتا ايا باي نتلاقاو وغمز في اخر هدرتو 😉💥
ميمي: وهاا قاعيي احكيلي وش صرا بيناتكم حت وليتو هك... متحكيليش يا لكلبة المكلوبة
فاني: مصرا والو.. برك جا لبارح لدار و.. كملت حكاتلها
ميمي: ويااااا هذا سوور راه مكراشي فيك اطفلة
فاني: لضبع.. انا والضبع... اعععع مستحيل حت التخمام فيها وبيزار لا جامييي
ميمي: هه نشوفو
فاني: وهي تجري مورها: يودي غير انساي مني حابة ندخل اي واحد لحياتي يكفيني نتي وقعدت تتبسملها
ميمي: ااه على حبي لي عاشقة فيا وانا عاشقة في ري.... ومنبعد سكتت
فاني: زعما لعبتيها حشمتي الله يبارك القدرة المصدية حمارت ههه اواه هذا ريكو قلبك على فمك 😹😹
ميمي: راهي 7:45 وحنا مزلنا في نص طريق ازربي يخي بقرة
في بلاصة اخرى عند ريكو واليكس
اليكس: مزلني حاير شكون ذاك لي عيطلي
ريكو: هاو بلعقل برك ضك ونعرفوه متقلقش قع
جات ليهم اليس
اليس: اليكس معليش تجي نحكي معاك شوي.
اليكس: لاه وش خصك غير الخير امخلوقة
اليس: اليكس بليييز
اليكس.: اوكي اوكي بفف
ونسف وناض وراحت معاه حت للكلوارات تع ليسي خت حبسها
اليكس: ايي نتي وين بيها خلاص هنا يكفي قولي وش راكي حابة امخلوقة وخليني نروح
اليس والدموع يتحجرو في عينيها دموع تماسيح: علاه كي نجي نحوس غير نهدر زوج كلمات تديرلي هك ولوكان جات في فانيسا تتبسم وتضحك
اليكس: والله معلابالي بحت واحد يا اهدري وش تحوسي
اليس: حبييت نقولك بلي انا م....
ودخلت فاني وميمي وشافوهم واقفين مع بعض وغمزت فاني لاليس
اليكس: كملي وش كنتي حتقولي هيا
اليس: صاي والو وراحت
رجع اليكس لبلاصو
ريكو: وش قاتلك
اليكس: بففف قعدت محجرة بلا متهدر 😁
ريكو: متمسخرش هه ياك هذيك لسان قد الدولة العثمانية قبل ما تضعف ههه وياا هااه
اليكس: ايا نت حبس علينل سماطتك
في بلاصة اخرى كانت كاترين في لبيس وصلت للحي لي فيه دار فاني
وقعدت تمشي وحاسبة لكل خطوة حسابها لحقت للبلاصة لي فيها دار
كاترينا (مع روحها) هوما معيشهم هنا معززات وحنا كي لكلاب في ذيك لي تشبه الخربة الله لا تربحك يا جايمس
صونات صوناية تع لباب فتحتلها خادمة
خادمة: اهلا علامن تحوسي
كاترينا: ياك هذي دار سيد جايمس
خادمة: انعم ابنتي بصح نتي شكون
كاترينا: انا 😂وقعدت تضحك بهستيرية انا بنتو لي راه راميني معليش نشوفو
استغربت منها الخدامة
الخدامة: اسمحيلي انسة مي سيد جيمس عندهم حوالي سمانة مجاش كاينة برك مولات الدار
كاترينا: ايه معليش تقوليلها ديري مزية خالتي
الخدامة: اوكي ادخلي هاوليك الصالو
Katrina pov:
دخلت هذيك الدار بحر منكذبش عليكم تقدرو تقولو تع الاحلام وكي دخلت برك للصالو تحسو وحدو قصر الديكو والتنسيق وزيد هذاك الاثاث المحطوط يبان غالي بزااف قعدت واقفة حت تبانلي مرأة جاية باينة هي مولات الدار يععع عفتها هذيك االلبسة والمشية والعناية تبان صغيرة قع..
فاليريا (ام فاني اذا تشفاو) تفضلي انسة....
كاترينا: كاترينا.. كاترينا
فاليريا: انعم انسة كاترينا احتجتيني نتي حدة من صحبات فانيسا
كاترينا: لا منيش قع منهم ومنتمناش نكون فيهم مهم جيت نحكي معاك في موضوع ضروري ورجاءا تسمعيني
فاليريا: انعم اني نسمع فيك
كاترينا: سيدة علابالك بلي راجلك راه متزوج علييك.. وانا بنتو وبزيادة يخدم مع لمافيا
فاليريا:(وهي تضحك) هههه يا جدك قتلتيني ضحك 😂متزوج عليا وعندو بنت كيما نتي متشبه لوالو وزيد يخدم في لمافيا نتي عقلك وين راح راجلي يخلي وحدة كيفي زين ولاطاي ولعقلية وهو كور وديكور ويجي يطل في هذي يماك لي منعرف شكونها ارب العالي قتلتيني ضحك وزيد يخدم مع لمافيا لا زيدي قولي يخدم في سوق السوداء ويتاجر بالاعضاء نتي باينة بعثوك باه تخربي عليا داري ههه وزيد من لبستك باينة طلابة وش حيجي منكم اصلا
كاترينا: حمد لله انا يما رباتني باه منكذبش ومنسرقش ونهدر كلمة الحق يا لوكان نتعدم وزيد من وجهك نتي باينة لي غويتي سيد هذا ههه وديري في بالك انا جيت غير ننصحك حياتك وحياة بنتك راهي في خطر بصح نتي يا خالتي مخليتي مخلفتي بلمعاير ونزيدلك جبدت ليفري تع يماها مع جايمس
فاليريا: مشي باين مزور هه تحبو النفاق وتخسرو بيناتنا
كاترينا: انا ني قتلك هدرتي هذي هي معندي منزيد وضك اسمحيلي نروح انا اصلا كجيتش باه نهدر معاك جيت نهدر مع لي يسموه بابا بصح على حسابها مهوش هنا
فاليريا: ايه روحي بلا رجعة ووصلي ليماك بلي خطتها منجحتش باه تخسر بيناتنا
كاترينا: انا نصحتك يا خالتي ونتي ودبري راسك وراحت مهبطة راسها للرض طلت في ساعة لقاتها 12وهي مرجعتش ليماها كانت تجري حت تخبطت مع واحد طاحت
كاترينا: اييي يدي احح سمحلي قستك
وولف: بلعقل سمحيلي انا معلي..
مجا يكمل هدرتو حت ناضت وراحت وشاف في لرض لقى سنسلة طاحت فيها حرف k
قعد يعيطلها يا مادموزال يا مدموزال وهي كملت تجري مفعم والو هز معاه السنسلة ورجع لدارهم
عند فانيسا وجماعتها
لوكا: يا سامطة كشما قريتي لبارح ضك يعميها علينا باستجواب وضك تشوف يسقسي من الذي سيطر العالم وهو قزم 😹😹
ميمي: بلع هاو دخل
الاستاذ: مساء الخير عليكم انا الاستاذ فيلون للتاريخ والجغرافيا جيت جديد
وضك نسقسيكم اسئلة ونتوم جاوبو لحقت دالت لومكا
الستاذ: من الشخص الالماني الذي كان هدفه احتلال العالم
بدا لوكا يطير في سما من لفرحة ويقول قلتلكم قلتلكم
الاستاذ: لوكاس اذا عندك ايجابة جاوب مشي تقعد تنقز كي الجرادة ووش كنت تقول
لوكا: والو قلت بلي برك عرفت سؤال
الاستاذ: يا جاوب اذن
لوكا: اسمو نسيتو مي هو قزوم 😹😹وطرطق ضحك
الاستاذ: ههه مزية جا نهار لول ولا ني خرجتك وقعدو قع يضحكو على لوكا
لحقت العشية ورجعو قع لديورهم
راح ديراكت اليكس للكميرات بعد ما وصل وقعد يشوف وش صرا في نهار كامل وشاف وسمع وش هدرت قع كاتيرينا وعيط للجينيرال
اليكس: جينيرال اسمع هذيك بنت جايمس الثانية لي مهوش ميبنلها للمجتمع تاعو جات لدارو وحكات لمرتو
الجينيرال: شيييت وش داها ضك هو سوور عندو كميرات في دار واكيد راح يشوفهم ويسمع وضك حياة طفلة في خطر
اليكس: وش نقدرو نديرو
الجينيرال: لازم نحميو هذيك الطفلة ويماها من الشيطان تع جايمس ولا قادر يقتلها خصوصا كي قالت لمرتو بلي. يخدم في المافية
اليكس: ووكتاه نبداو
الجينيرال: من ضك روح ديراكت لدار طفلة وجيبها هي ويماها وخليهم معاك لازم نحموهم ولا قادر يقتلهم في اي ثانية كي يسمع
راح ديراكت للوجهة تع الدار تع كاترينا بعد ما وصلوه المعلومات
وعند فانيسا ويماها لي مانو يتعشاو في صمت
فاني: يا ماما بابا وكتاه يبانو خبارو عندو قريب شهر مجاش
فاليريا: وضك يا بنتي ونا كيففاه علابالي قالي بلي عندو خدمة يكون مزال مشغول
فاني: توحشت... حت تسمع صوت موراها وهذا صوت مألوف
جايمس: بنتي توحشتني هه اني جيت
طارت فانيسا تعنق فيك
جايمس: يا طفلة كليتني اقعدي كملي ماكلتك
فاليريا: حمد على سلامتك كي رجعت طولت غيبتك
جايمس: هاكي عارفة مدمة تع شركات وهذو الامور
راح ديراكت لمكتبو وغلق الباب وكان في ذاك الوقت اليكس لحق لعند كاترين
كاترين: علاه باغي تدينا..
اليكس: والله لسلامتكم والله قادر جايمس يقتلكم بعد ما هدرتي ذيك لهدرة لمرتو
ام كاترين: وش دارت؟! ااه يا كاترين وش داك اااه يا بنتي
كاترين: ايه رحت قلتلها ونتي بصح منين كان علابللك بلي متزوج
ام كاترين: كان علابالي يا بنتي والديه غصبوه عليها وهو الرخيس كان يمثل عليا الحب وانا امنت ايا غلطنا وحملت بيك وهو كان متزوج وانا دارنا تبراو مني بعد ما عرفو ايا هو جا يصلح غلطتو جا يتزوج بيا ونن ذاك لوقت علابللي ابنتي
اليكس: يا خالتي يعيشك هيا عود في اي دقيقة يقتلكم
كاترين: وش يضمنلي نت مش منهم
جبدلها ورقة تع يخدم مع الاستخبارات باه تطمنت وراحت هزدت قشها قع وراحو
في الطريق كان اليكس يسوق بسرعة حس يحس بطونوبيل موراه تتبع فيه تاكد بلي تع رجال. جايمس غطى وجهو وبعث للجينيرال
حت بداو يطلقو الرصاص
كاترين: يا يما وش ذا...
اليكس: قلتلكم ولا مقلتلكمش راه يحوس يقتلكم
ام كاترين (اوليفيا): شفتي لاه قتلك بعدي على عليه ااه يا كاترين
قعدت غير يضربو وكات اليكس مرة على مرة يضرب رصاصة
حت بداو يزيدو طونوبيلات تع رجال جايمس ثماك تقلق اليكس عيط للجينرال.
اليكس: مزال الدعم بااااه يوصصصصصل.....
جينرال: راه.. ....
Stop today
♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡
نهابة البارت الرابع
هل سيصل الدعم ام سيموت كل من اليكس وكاترين واوليفيا...
وهل فاليريا رح تدير كاش عفسة باه تتاكد من انو راجلها صافي معاها...؟!
وفانيسا زعما رح تعرف الحقيقة؟!
ايا جماعة تبقاو على خير وخليولنا تصويت وكومنت لطيف كيما نتوم وتفاعلو باه نكمل ننشر اني نعياا ونا نكتب فيها وزيد حق عصرة المخ لي نديرها باه نخترع احداث مهم بباي وتهلاو في رواحلكم ومتنساوش تصويت💋💕😻
أنت تقرأ
𝑺𝒉𝒐𝒕 𝒕𝒐 𝒕𝒉𝒆 𝒉𝒆𝒂𝒓𝒕....💀
Action(بلهجة الجزائرية ممزوجة بالعربية..) قد تكون اول واخر طلقة لقلبي الذي ظننته قد مات فاني ماذا فعتلي بي كنت اظن ان الحياة مجرد كابوس لن نخرج منه الا اموات لكنك اغلقتي ذاك الحلم" 💀 حمقاء انا كنت احاول انا ان اكون مثال لكل احد لارتطم داخل قلب ذالك البا...
