Vanissa pov
بعدا ما صرا لي صرا داخل غرفة تع تبديل كاين بنات عافو الكس مي هو والله معلابالو اڨلاصة وخلاص جاه كلش عادي مي حرت هه لاه جا كي ضربوني بالما
مشينا ودخلنا للقاعة تع سبور هه مدام شمختلي الكلبة تع اليس قشي قعدت بحوايجي لوخرين باسك مكانش عندي حل اوخر
جا يجري ليا لوكا
لوكا: فاني وينهم حوايجك تع سبور ليلة ياكلك الاستاذ
ميمي: شتت قلت ياكلها بلاك يفوتها كلي مصرا والو
لوكا: نشوفو
عند اليكس وريكو
ريكو: حقا مقتليش وش داك لشومبرة لي يبدلو فيها البنات؟!
اليكس: يودي غلطت في لقاعة ومنبعد شتت مهزلة صارية ريقلتها ومشيت
ريكو: اها اهاااا وش كان صاري كشما شفت يا لكلب 😁🫢
اليكس: مشفت ومني ناوي نشوف اعع ني نستنى غير لوقت تع نكمل مهمتي ونعذب لي يستاهل من ثماك نولي
ريكو: نشوفو اذا تولي ههه وغمزلو
اليكس: بلع فمك وريقل روحك 😂راك اصلا معوج كي لمغرف اتسلس
ريكو: نت صح وجهك صحيح 😒
اليكس: بلع تشوف هاو جا شيخ تع سبور
دخل قع يعيط للاسموات حت لحق لفاني
استاذ: وينو قشك نتي؟ لاه جايتني هك هه تقول محامية
ميمي: يا است... ولبزتلها فاني على يدها
فاني: استاذ نسيت قشي كي جيت جاية الجري تع صبح ومكنتش فاطنة مليح
استاذ: ضك نوريلك الفطين على اصولو اصبري برك
Alex pov
ضك هذي جايحة لاه محكاتش الصح من واش راهي خايفة اعع لذي درجة شخصيتها ضعيفة
الاستاذ: يا لقافزة لي مخلية عقلك منعرف وين عقابك ديري 20 دورة على الملعب و40 قفزة بالحبل واذا غلطتي وحبستي تعاودي من 0
فاني: بص....
الاستاذ: لا بصح ولا شكوبي روحي ازربي تزيدي تطولي ندوبليلك روحي
Vanissa pov
بففف وشنو هذا تعذيب ولا عقاب كون جا قدامي كاش سلاح كون ني عطيتو لراسو ومخممتش
بدات تجري كملت وطاحت ديراكت على لعشب لي كان في لرض
فاني: ايييي هااا ميمتي تعوجت ✋🏻😔عييت وش حيلحقني للدار منبعد اييي.
لوكا وهو يمدلها يدو باه تنوض: ههه ونتي علاه محكيتيلوش الحكاية
فاني: وهي تشد في يدو باه تنوض: باسكو.. بيكوز مخصنيش مشاكل مخصنيش تبهديل يقولي نتي متعسيش روحك
لوكا: اييي زعما ههه
ميمي وهي تمد القرعة تع لما لصحبتها: هاكي شربي ونت تحبس ونت تزوزي فوق راسها
لوكا: وقيل غرتي مني...(وهو يضحك)
ميمي: نت خصك طبيب تع عقل مش حت نفسي عقلي ههه وشمن غيرة اسكت
جا يطبعها لوكا بتمسخير طاحت في يد ريكو
ريكو: شدي روحك مليح... 😉مع غمزة في الاخير
وهي زادت رخات روحها وحمارت وخضارات وصفارت حت فاقت بروحها
ضحك وطلقها للرض
ميمي: احح ظهري
ريكو: نتي ثان طولتي ونتي هكذاك منيش لاتي ومشا
Emely pov
حسيت بوحد شعور وها احييي كيفاه نوصفولكم حسيت بفراشات وورود وحت بطاريق وتماسيح داخل كرشي من لفرحة واخيرا لوكا دار حاجة مليحة وطبعني ههه يديه الدافيين الكبار لي حاوطو خصري الصغير وريحتو لي جذبتني كثر وعنينه لي كانت تتواصل معايا بطريقة خلات لحمي يشوك ومشي كي لبنات لوخرين لي ينوضو من ثم ديراكت انا حلاتلي وكنت صبت نزيد نطول منقولش لا حت حسيت بظهري احح يتخبط ثماك جاتني لحظة ادراك باه نرجع للواقع رغم انو لاحني شنفت مي من الداخل كنت كون نصيب نزغرت من لفرحة الشخص الوحيد لي حس بيا هي فاني لي كانت تغمزلي..)
أنت تقرأ
𝑺𝒉𝒐𝒕 𝒕𝒐 𝒕𝒉𝒆 𝒉𝒆𝒂𝒓𝒕....💀
Action(بلهجة الجزائرية ممزوجة بالعربية..) قد تكون اول واخر طلقة لقلبي الذي ظننته قد مات فاني ماذا فعتلي بي كنت اظن ان الحياة مجرد كابوس لن نخرج منه الا اموات لكنك اغلقتي ذاك الحلم" 💀 حمقاء انا كنت احاول انا ان اكون مثال لكل احد لارتطم داخل قلب ذالك البا...
