Till There Was You

Now That I Found You

"Hindi ka mapakali Althea," pansin ni Batchi sabay tingin sa mga damit na nakakalat sa kama.

"Maglalayas ka ba?" tanong nito sabay upo sa sahig.

Alas-sais na ng gabi, hindi ko pa din alam kung ano ang isusuot ko para sa "date" namin ni Jade mamaya.

Isa pa, late na akong nagising kaya heto at nagmamadali akong makahanap ng outfit.

I texted Jade pagkagising ko kanina and told her that I will pick her up at 8 pm.

She instantly replied "ok" and that was it.

***

Sinukat ko ang red satin dress na dala ko in case merong formal event pero it looked too.....formal.

Hinubad ko ito ulit at hinagis sa kama.

Umupo ako sa tabi ni Batchi na nakabra lang at panty.

"Grrrr!!!" frustrated na nasabi ko.

"Teka nga,"  tumayo si Batchi at kumuha ng damit mula sa mga nakatambak sa higaan.

Inabot nito sa akin ang isang blue tank top at denim shorts.

"Magdamit ka nga," sabi nito sa akin na parang asiwa ang hitsura.

"Baka mamaya may pumasok dito baka kung ano pa ang isipin," pinatong ni Batchi ang t-shirt sa ulo ko at dali-dali kong sinuot.

"Ano bang meron at parang may giyerang nangyari dito sa kuwarto?" nagtatakang tanong nito.

"Naghahanap ako ng damit," sagot ko habang sinusuot ang shorts ko.

"May date ako mamaya with Jade," dagdag ko pa.

Napangiti si Batchi sa sinabi ko.

"Sinasabi ko na nga ba eh," parang nagkaroon ito ng epiphany.

"Kaya naloloka ka na naman dahil meron kang bagong pinopormahan," comment nito.

Sumalampak ako sa tabi ni Batchi at humilig sa balikat niya.

"Bakit ganun Batchi?" tanong ko sa kanya.

"Sinabi ko na sa sarili ko na hindi muna ako magmamahal pero heto na naman ako." Huminga ako ng malalim.

"Hinayaan mo kasi eh," sagot nito.

"Anong ibig mong sabihin?" umupo ako ng diretso at tiningnan ko si Batchi.

"Ang ibig kong sabihin, bakit mo hinayaang ma-inlove ka kay Jade?" sagot nito.

"Paano mo naman nasabi na si Jade ang tinutukoy ko?"

"Malay mo naman kung iba?"

Tumaas ang kilay nito.

"Althea, matagal na tayong magkakilalang dalawa."

"Pati ba naman sa akin eh maglilihim ka pa?" katwiran nito then biglang sumeryoso ang hitsura.

Tinuro niya ang kama at ang mga nakakakalat na damit.

"Hindi pa ba ebidensiya itong kuwarto na parang binagyo makapaghanap ka lang ng damit na isusuot mo?" Nakataas ang kilay nito.

"I know sinabi ko sa'yo dati na you have to move on from Wila pero what I didn't expect was to see you this.......?" Hindi niya natapos  ang sinasabi niya.

"This what?" tanong ko.

"This head over heels over someone," sagot ni Batchi.

"Hindi ka ganito kaloka kay Wila dati,"

"I mean, naloka ka nga sa kanya pero hindi tulad nito."

"Honestly, parang ako ang natatakot sa'yo."

"Bakit naman Batchi?" tanong ko.