السلام عليكم ورحمة الله وبركاته
اكثر من اربع سنوات ابتعدت بيهم عن الواتباد ،
رغم عشقي للقصص بس حسيت انو،
لازم اتقدم في هذا المجال .
لاني أؤمن أن الإنسان الي يحب عمله لازم يبرع في جميع اصنافه.
يعني الممثل مثل ما گال اموري .
الممثل لازم يمثل جميع الادوار .
لازم ما يكتفي بدور واحد ويبقى ثابت عليه .
مثل ما شفنه اموري بمسلسل الجنة والنار،
شلون أبدع ،
واني هم قررت ان أبدع بكل انواع الكتابة وليس في فن القصص فقط .
فأتجهة إلى كتابة المقالات والنصوص في المنتديات و المجلات .
والحمد لله أصبحت كاتبة في عدد من المجلات الإلكترونية والورقيه مثل مجلة رياض الزهراء التابعة للعتبة الحسينيه المقدسه
ومجلة صدى الروضتين أيضا تابعة للعتبة الحسينيه المقدسه
وكذالك لمجلة الوتر الألكترونيه الي تابعه الى احدى الجامعات .
وكذالك اكتب في مجلة زهور الجوادين إلى تابعة إلى العتبة الكاظمية المقدسة.
بالإضافة إلى عدد من المنتديات والكروبات الخاصه والعامه.
احمد الله على كل ما أعطاني .
طبعا فزت بعدد من المسابقات واهمها فزت بكتابة احسن نص مسرحي عن الزهراء عليها السلام
وكذالك فزت بدرع الابداع في تكوين مجلة فتياة .
و العديد ولله الحمد من الجوائز .
رغم ذالك ما حسيت اكو شي يخليني ارجع للواتباد والمتابعيني والصديقاتي من هاي الاشياء الي ذكرته سوى شي واحد .
وهو أن أرجع بكتاب من كتاباتي .
والحمد لله اليوم تحقق حلمي .
وگدرت أن أنجز اجمل حلم الي ،وهو أن يطبع الي كتاب .
اليوم كتابي الي عنوانه
(صالح من ظهر طالح)والي هو عبارة عن قصه حقيقيه راح يكون متواجد في دار العصر الحديث في معرض الكتاب الدولي الي راح يقام في بغداد .
وأخيرا شكرا لكل من أمن بي ،
وشكرا لكل من شجعني ،
وشكرا لكل من سأل عني وافتقدني .
ملاحظه ...
اسمي الحقيقي هو ....
راح تعرفونه من الكتاب ..
احبكم هواي وشكرا جزيلا
طبعا الي يحب يقراء الكتاب يراسل البيج الي راح اخليه تحت
وشكرا الكم
احبكم مووت
طائر بلا تغريد ...
أن شاء الله اتواجد في معرض الكتاب الدولي في بغداد يوم الخميس
