ګنِ مَحٌبِ لَلَوِطّنِ گ شٍعٌبِ أّلَعٌرأّقِ ضّحٌوِ بِأبِنِأّئهِمَ مَنِ أّجِلَهِ هِګذّأّ يَِّّسمَى حٌبِ أّلَوِطّنِ ....
.... لَلَګأّتّبِهِ : طّيِّبِهِ أّلَمَوَِّسوِيِّ
... امشي بممرات المستشفى ورافعه ايدي واباوع للحلقه شون مزينه اصبعي ابتسمت بحب ..
واني اتذكر من لبسني الحلقه وعقدنه فزيت من صفتني ع همساته بأذني وهوه يلف ايده ع خصري ويمشيني وياا...
ادم وهوه يبتسم: وين صافنه هيامي
هيام: افكر بيك واتذكر عقدنه ممصدكه انو اني صرت الك وانته الي ...
ادم: صدكي ياعيونه لأدم انتي الي واني الج لاخر شهكات بلنفس النه بهلدنيه ...
هيام: اكتفيت اباوعله بنضرات شكر اشكره ع كلامه الي يريحني ويخلي قلبي يتراقص عليه ...
... اني هيام دكتوره جراحه من محافظة ذي قار عندي اخت وحده متزوجه واني الصغيره ماعندي اخوان ...
وبس امي وابويه عايشين مخطوبه لحبيبي ادم
بعد حب دام 6 سنوات الكل جان مشجع لعلاقتنه الحمدلله ماكو عراقيل
اني من عائله حالتها الماديه وسط يعني نشتري الي نحتاجه فقط وماعدنه تفاخر ابد
وادم نفس الحاله هم حالتهم الماديه وسط لذالك هذا جان مساهم هواي بأستمرار علاقتنه صار شهرين من تعينه بلمستشفى وطبعا لوما دكاتره وشهادات عاليه جان ماحصلنه تعيين حالنه حال كل الشباب الي بعمرنه ....
ادم: هم رجعتي صفنتي انتي شون بيج وبصفناتج تره درينه عاشكتني كافي صفنات....
هيام: هههههه انته لزمتها عليه بعد بس تدري خايفه من الوضع وهواي افكر خاصه احنه بيتنه بلحبوبي وساحة التضاهر تصير مقابيلنه ونكدر نشوف ونسمع كلشي ...
ادم: اعرف ياعمري بس شنسوي شعب ديطالب بحقه شعب هستوه صحى من غفوته...
لازم منخلي يرجع ينام لازم ننهي هذا النظام الفاشل والظلم والدمار الي جاي يصير بلعراق ...
احنه هواي شفنه حروب ومعارك وهواي انطينه فداء للوطن وهلمره هم راح نفدي لخاطر نجمل وطنه..
ليش احنه الوحيدين من الدول جاي ندمر وكله بسبب هلحراميه الي جاي يبوكون بفلوسنه...
ترضيها وانتي تشوفين اطفال تبيع بلشارع علمود تحصل اللكمه ترضيها تشوفين مره عجوز تمد ايدها للناس وتنتضر يرحمون بحالها وينطوها فلوس حتى توكل عائلتها...
لازم احنه نساندهم حتى نكبر هاي الثوره ونسويها اكبر ثوره ثورتنه هيه ثورة وطن واني من باجر راح ابدي مسيرتي بساحة الحبوبي راح تجين وياي وتسانديني ونبني وطن من جديد!!
هيام: اعشق كلامك هذه تدري انته فخر بلنسبه الي..
مع انك دكتوره وعندك وضيفه وراتب وبيت والحمدلله مامحتاج ...
