القصه الثالثه
ألكاتبه
ناديا طالب
🌹السلام عليكم حبايبي 🌹
اليوم حنبدي وياكم بقصة الشهيد البطل صفاء السراي اتمنى تنال اعجابكم
اكتب للوطن لناس
اعزف للوطن لناس
احزن من يمسهم غيض
اضحك من صدك لناس
صوت الناس صوتي انه
يحزن الناس حزني انه
زرعهم يكبر بروحي، شتال الناس بيه انه
تصد لعيونهم عيني واشوف الناس كلها انه
يشبهوني معانيهم حواري يبوسن عيوني
ملامحهم دروب الله، صوت الناس صوت الله
محاجيهم غناهم، والعرس والخوف كلها دروب حب الله
حزن الناس حزن الله
يناس انتم شتال الله
يفرح من يشوف الناس ملتمه اعله حب الناس
حزن الناس حزني انه
اني تنذر ربع عمري لصحاري الناس اني اهجس ورد روحي حدايق ناس .
ل صفاء السراي
الي مايعرف صفاء السراي راح اتركم تتعرفون على شخصيه هذا البطل وشهيد ثورة اكتوبر.
صفاء السراي ولد عام 1993من عائله بغداديه سكنت مناطق " جميله والشعب " هو شاعر ورسام ومهندس تخرج من الجامعة التكنلوجيه خلال سنوات الدراسه عمل في سوق جميله ( حمالا ) اكمل مسيرته الدراسيه من اي رسوب وتخرج منها مبرمجا من قسم علوم الحاسبات في الجامعة التكنلوجيه بعد التخرج عمل في كتابه العرائض( العرضحالجي ) امام احدى مديريات المرور.
(المتضاهر اليتيم.. " ابن ثنوة! ) اطلق عليه هذا اللقب لأسم امه وحبه اليها شارك في جميع الحركات الاحتجاجيه دون أن يكون ضمن افرادها بعدها شارك في تظاهرات عام (2011 ) في ساحة التحرير في حقبه رئيس الوزراء الأسبق نوري المالكي تعرض لضرب بالهراوات( ضرب العصا من الجلد ) عام (2015) في حقبه رئيس الوزراء السابق حيدر العبادي شارك في تظاهرات 31/ 6 تموز انطلقت التضاهرات في محافظه البصرة بعد قتل المتظاهر (منتضر الحلفي ) تعرض ايضا لضرب شارك بعدها في تظاهرات احصاب البسطيه بعد حمله ازاله نفذتها السلطات
تعرض صفاء السراي للاعتقال مرات عديدة خلال تضاهرات عام 2013 عندما طالبت السلطه بتقليص امتيازات المسؤلين الحكومين والنواب ثم اعتقل عام 2018 على خلفيه اشتراكه في تظاهرات المناطق الفقيرة شرف بغداد بعد اطلاق سراحه قال مقربون من صفاء السراي انه كشف لهم تلقيه تهديدات على صفحته تلقى رسائل من حسابات وهميه تضهر صورة التقطت له اثناء تواجده في المعتقل وتحذره من الاستمرار .
وهاي تعرفتو ع بطلنه الشهيد الي ضحة بروحة وشبابه من أجل وطنه.
صفاء : نايم ع جربايه وصافن ع سكف وافكر الى متى يستمر هذا الوضع بديتها من واني طالب كليه ادرس واشتغل( حمال ) ويادوب مكفي مصرفي وبعدها من تخرجت( عرضحالجي ) هم نعمه فضيله من الله بس لو ع اقل راتب شهري يعيني ويعين اخواني الى متى ذوله الي بالحكومة يتنعمون بخيراتك يابلد والفقير الك الله قطع تفكيري دك موبايلي صديقي( جلال )
جلال: الوو صفاوي وين انت
صفاء: وين يعني بالبيت وين اروح
جلال: تعال تعال للكهوة مجموعين اني والشباب نشرب جاي ونلعب دومنه نغير جو أحسن
صفاء : والله مابيه تعبان اليوم ماكدر غير يوم عود
جلال: لك دتعال يول ترة اني اجي اسحلك كوة شعندك مكابل اربع حياطين وكاعد تعال منتضريك لاتتأخر ماشي
صفاء: يله جاي امري لله مسافه طريق واني يمكم كمت غسلت ولبست ملابسي واخذت موبايلي وطلعت وصلت الهم هاا شباب الله يساعدهم
الكل هلو صفاوي ويساعدك شلونك الحمد لله عايش بهل دنيا
عباس: ابوسامي فد ستكان جاي ( لصفاء )
ابوسامي: صار عيني صار
جلال: داتسمعون الي دايصير بساحة التحرير يكولون مضاهرات عالكه وهل مرة من صدك
علي: يمعود خل يطلعون يمعود الناس كتلهة الجوع وحصرة عليهم لكمه الخبز بلكي يلكون حل عاد
صفاء: شتكولون لونروح نشارك وياهم بالتضاهرات بلكي يصير خير ونخلص من هذوله الحراميه لازم نلكه حل خل يعنون آلاف الخرجين ذوله الي ضالين بله شغل لازم ندافع ع بلدنه كافي عاد بس الهم لو هاي النساء والعوائل الي داتروح وتترك وراهة تترك وراهة أرامل واطفال
جلال: اي والله صدك حجيك شتكولون شباب نروح نشترك اني عن نفسي موافق أروح وروحي فداء للوطن اذا رحت شهيد خل اروح المهم مانسكت عن حقنه وندافع ع هل وطن المظلوم
اتفقنه كولنه ننجمع ونروح واذا اكو من شباب المنطقه يرحون اتفقنه ع ثاني يوم نطلع من الصبح
عباس: هو اليوم( 23/ 6) باجر الصبح نطلع شتكولون
صفاء: خوش حجي يله لعد لازم نكوم اني اروح حته اخبر أهلي وانتوا هم باجر ورانه يوم متعب لازم نرتاح ودعتهم ورحت للبيت وصلت قبل صلاة العشاء لكيتهم توهم صابين الأكل كعدنه كولنه ع الأكل وجان أفتح الموضوع
صفاء: اليوم اريد انطيكم خبر باجر اني وجماعتي طالعين لساحة التحرير نتظاهر
حسن: وين رايح اكعد واسكت ماكو روحة مابينه حيل نفقد احد جرح أمي بعدة مابينه حيل نقلق بعد صفاء كم مرة طلعت واذوك ذوله الي ماعدهم رحمة كم مرة استهدفوك اكعد واسكت ربك يحلهة
صفاء: اذا اني ماادافع عالوطن منو يدافع لعد شنو ذنب هل شهداء الي داتروح وتترك وراهة نساء واطفال وهذا البلد الي انهب والعوائل الي ماعدهة لكمه خبز تاكل تتغدة ماتتعشى لو الي متخرج وصارله بالعشر سنوات والي صارله تسع سنوات لاشغل ولاعمل ماعندة داياكل لكمه خبز ويوكل اهله اذا اني رحت شهيد فداء للوطن المهم حكنه مايروح لغيرنه كافي بوك ودمار وقتل اني كتلكم باجر اطلع ويه جماعتي والي كاتبه الله يصير
حسن: عقيل ماتحجي شوساكت احجي ويه اخوك هذا يريد يموت
عقيل: صفاء حجيه صح كافي نضل ساكتين روح صفاء واني بضهرك ولاتخاف وأن شاءلله ننتصر ع ذوله الحيتان الي دمروا هل بلد ومايضل الهم راس
صفاء : ودعتهم يله تصبحون على خير احنه الصبح أن شاء لله طالعين ولايضل بالكم والله اضل ع تواصل وياكم وماخليكم تقلقون ع( الكل ) وانت من اهل الخير ثاني يوم الصبح (24 ) صادف طلعنه اني واصدقائي وشباب المنطقه لساحة التحرير وصلنه ساعة (11الصبح ) بأثناء الطريق لساحة التحرير شفت قصص بطوله وشجاعة وغيرة شفت مرة جبيرة بالعمر كلش هي وابنها تسوي لناس سياح ويتوسلون بالمظاهرين علمود ياخذون 😍 شفت شباب ينضفون الشارع وبكل فخر شفت شاب ايدة مكطومه وشايل العلم بأيد الثانيه 🥺 شفت الجنود يركصون ويه الناس وبيدهم يوزعون اكل للمظاهرين ويشاركون بالتنظيف ومن يشوفون بنات وعوائل كلش يتشجعون ويفرحون انو دنكون سند الهم شفت رياجيل بعمر اجدادنه وشعرهم مشيب كل شيبه تسولف قصه ناس بعمرهم وكبرهم شهم زي الشباب الحماسيه الله عليك ياوطني شكد شايل حنيه رغم الظروف الي انت بيهة بس بعدك ع طيبتك وحنيتك رغم الدمار الي انت بي بس انت اجمل بلد بعيني شكد أحبك ياعراق صدكني محد يحبك بكدي راح أضل وياك بكل ثورة تلكاني موجود لحد ماننتصر ع هل فاسدين صار الليل نقسمنه قسمين قسم راح جوة الجسر واني وعباس نقسمنه ويه صفوف المتظاهرين.
