القصه السابعه
رحلـة شهيـد
بقلمـي حكمـت محمـد
البدايـة…..
اسمـي مصطفـئ مـن. بغـداد مواليـد 1993 الوحيـد لاهلـي علئ اربع بنـات واني اصغرهـن حالي حـال الشباب خلصـت اداره واقتصـاد وماكـو تعييـن بديـت اشتغـل بـ الاعمـال الحره مـن يوم. بفـرن يوم نجـار يوم حداد يوم انظف يوم اشتغـل بالسقوف ..مليـت رغـم اهلي من الناس الحالتهـم جيـده جدا لكـن الئ متئ اني شاااب دارس وتعبان علئ نفسـي تعبي راح تحز بنفسي اني ببلدي ومذلول ارجـع بالليل مكطوع نفسـي بس كل هذا ميهمني المهـم اشتغل اني رجال مو مال اكعـد وابوي يصرف عليه واكفه بالنسبه الي… حتئ امـي حجايه والثانيه تريد تزوجني واني ما اقبـل شنـو اجيب بت الناس اهجولها وياي حتئ هيبتي تروح. من. تطلب شي وما اكدر احصله لو ابوي يصرف عليه بيـوم مـن ايـام التـاريخ لبلـدي
كـل شـي سيكتـب فـي التاريـخ
شهدائنـا دمائنـا هتاف الابرياء
وجـع قلـب الامهـات علئ ابنائهـن
وفي الاخيـر لا شي يبقئ سوئ الذكريـات
كاعـد االيوم تعبان. ومطالـع لاي مكـان وامي تفتر وتنظف هي واختي الممتزوجه زهوره وابوي بالشغـل اكلب بالتلفون واشوف الناس تتفق وتخطط دزيت لاصدقائي بالكـروب سالتهـم هااي شصايـر !!
جاوب احمـد صديقي ..لك مصطفئ راح تصير انتفاضه الـه بشـده تعـال اطلـع ويانـا ..
مصطفئ.. فهمنـي ويـن وليـش ؟
علـي… لـك يابـه هي هاي عيشـه الناس طكـت ارواحهـا تريـد عيشه مال اوادم طالعين للتحرير مظاهـرات تطلـع لو لا
مصطفئ… اي شوكـت ؟
علـي ..باجـر نطلـع سوئ
عده اليوم. وصدك ثاني يوم بدلـت ولبسـت كمامـه و وجفوف وطلعت امي وابوي عارضوا يخافون عليه بس اني اصريت عفت امي تدعي الـي… .رحـت واتفاجأ حشووود مليونيـه واصوات الهتافات بنات ولد شباب شياااب شابات ..اصوات الهتافات ترعب
نمـوت عشرة نمـوت. ميـه اني قافل علقضيـه
وكلهـا تردد واعلام العراق شامخهـا وترفرفر فوووك بالسمئ
اشووف الي يوزع اكل والي ينظف والي يطبخ كانـوأ عائله ملمومـه ..خلص اليوم واتمنيت ابقئ بس ردت ارجـع اناملي شويه… رجعـت واسولف لاهلي تمددت بجربايتي وافكر صدك احنـا ليـش ساكتين عن حقنـه ليش مننزل ناخذه
#نازل اخذ حقي
نمـت وثاني يوم اخذت زهراء وياي هناك شفت بنات هم وهي حاجت صديقتها بالجامعه ورحنـا عفتهـم باحد الخيم يشتغلـن لان هي صيدلانيـه… ورحـت وياهـم النفق والمطعـم التركـي شفتهـن كلهن… اشووف الشغب شلون يشمرون الدخانيات و ولدنا سبااع يركضون يشلوها ويرجعـون يشمروها عليهـم وهذا الي يتصاوب يركضون بي بالتك تك ..رجعـت وصرت كـل يوم. انزرع وياهـم صار الي حماااس عسئ ولعـل علـم. وكمامـه تحقق مطالبنـا زهراء كامـت تتطوع وي المجاميـع واني وي الشباب اشوف الي يستشهـد شلـون مبتسـم صرخـه امـه واهلـة نحيـب حبيبتـه لو زوجتـه لو دمعـه ابوه… كـم قصـه وقصـه شفـت وابجي واكـول تهـون والله موجود لحـد مـا يـوم 11/20 ..رحنـا وجانـت عالكـه وصايره دمايه رحـت وزهراء وياي راحت لخيمتهم واني وي الولد نركض نشيل متصاوبين الدخانيات يهلن مـن. كـل مكـان الشباب بالكـاع مشمـره احس الدم رخيـص بالعرراق رخييص الئ درجـه ينداس عليـه… تقدمنـا و واحـد لازم الثاني الي وكـع بقئ ورانـا واحنـا نمشي صدفـت عيوني علئ ولـد متمدد و راسـه مدمـه ابتسـم ولزم ايد صديقـه وغمض عينـه ...بكل مكـان وبكل زاويه قصه وفاه احـد الابطـال المجاهديـن ..لو الـف سنـه اثـر دمهـم. ميروح. من الكيعـان… .واكف ومندار صفنـت اجـت ببالي امـي اليوم. باستني وشمتني خفت من. حركتهـا بس ماحجيت وزهراء الطريق كلـه حاضنهـا اني… .وابوي بسـت ايده تذكرت نظرات عيون امي من تباوعلي بفرخ وتنتظر زواجي ..من نلعـب اني وزهراء تذكـرت بيتنـا تذكرت اصدقائي حسيـت بشي براسـي وصيـااح الولـددد شيلـه شيلـه وكعـت للكـاع واحتضنـت ترابهـا اشووف الركض واصدقائي الي يصرخـون غمضـت عيوني…
وبقـئ الوطـن مسلـوب الحقـوق
رحـت يم العظيـم الي عدالتـه وسعـت. كـل شيء رحـت لمكـان. مبي لا برد لا دم لا ظلـم
انـي واحـد من الالاف الشباب الي انهـدر دمهـم ضحيـه للشعـب عسئ ولعـل يفرجهـا علئ امـه محمـد
اخـر هتـاف للابطـال
والشهيـد حبيـب الله
#شهيد التحرير
وبالاخيـر… الرحمـه والمغفره لشهـداء العـراق… الصبـر والسلـوان لاهاليهـا علئ فقـد شمعـه مـن شمـوع المضيئـة
حكمـت محمـد
