مساء الخير عليكم
اتمنى الكل تشارك بلتصويت
للكاتبه
بنت جبور
رقيه غانم
فقط في العراق عندما تخرج
الامور عن السيطره نلجأ
الئ اسلوب الموساه بدلاً
من الاستسلام
الساعه الحادي والنص صباحا**
علي... جريت ايدي خليتها عل حلكَي
نفخت بيه اشحح شهل البارد
مؤيد...يمعود وين البرد زين الجو
جاوبته دروح عمي ثلجنه شنو
انته صوبه متحس بدينه
حديثنه دنحجي بلمظاهرات
ولازمين مجموعه من الكمامات نريد نوديها لساحه فاتت من يمي
هيفاء اختي لازمه الجنطه ولابسه
ملابس مدرسه صحت
هاا خير هاي وين رايحه ارجعي
هيفاء..شكو يعني وين غير للمدرسه
دمشي طبي جوه يله بسرعه العالم
طلعه كله مظاهرات وهاي تريد ادوام
همه عليمن طالعين غير علمودج
هيفاء..يعني شلون علي اني سادس
منو يشرحلي المواد مو تدري ما داخله
خصوصي ضل يعاند وياي وتالي اخذت جنطتي رجعت للبيت شفته راح وهو مؤيد رجعت اخذت جنطتي ورحت للمدرسه اكو مدارس بغداد ما التزمت بلمظاهرات اسبوع واحد وبدت دوام
بكيف الطلاب يدرسن ميدرسن المدرسات
مدومات بلمدارس ويأخذن دروس احنه
عائله من محافظه بغداد منطقه(***)
ناس عل كد حالنه ابويه يشتغل سايق
تكَسي واختي جبيره مزوجه وامي ربت بيت وعندي اخ واحد اسمه علي متخرج وكاعد ...
مؤيد ابن عمي بيناتنه حب اني ويا
من جنت بصغر حجه بيا عمي
ومنتظرني اكمل سادس ويصير
المهر حاليا بس خطوبه
مؤيد من مواليد ١٩٩١...
اني اروح للمدرسه مشي
وارجع هم مشي صح تبعد عنا مسافه
نص كيلو بس ما عدنه حتى عمي عل كد حالنه لفت انتباهي صوت رجال ورأي
بنيتي ليش طالعه للمدرسه وذوله اخوانج
ضحو بدمهم علمودج شوفي داسمعين
الهتافات
هيفاء..نزلت راسي خجلانه اي عمي
داسمع بس مدرستي بيها دوام واني
ما عندي فلوس خصوصي وذا ما افتهم
المواد،هسه يضيع مستقبلي
اوف الك الله يا عراق كل هاي الخيرات
وبناتك بعوز كملي طريقج عمي حالي
من حالج نتغده منتعشه
هيفاء..اخذت نفسي عميق وخليت
جنطتي بجتف الثاني طول الطريق
ونظرات العالم الي كله تريد تاكلني
ليش طالعه انتي سمعت صوت
زرف كلبي زرف وج ارجعي
طالعين علمودج انتي حتى تتعينين
تخسرين سنه من حياتج ولا العمر كله
انطيت اذن الطرشه وطبيت للمدرسه
صديقاتي نصهن امدوامت بدينه الدوام
عادي صارت ساعه ٤ وربع طلعنه من المدارس وكلمن رجع لبيته بطريق
شفت مؤيد وعلي منتظرين بلباب
جرني علي من ايدي ومؤيد يدفع بي
كال طلعه من هذا البيت بعد ماكو اكسر
راسج افتهمتي اذا بقيتي بهذا العناد اول وتالي انتي تنجحين مو سنه هاي القادمه
ما طاير العمر.. مؤيد شبيك
ساكت متحجي
