بسم الله الرحمن الرحيم
#ميل_الخلابة
#الكاتبة_روح_الدليمي
البارتات تطول على حسب تفاعلكم♥️
لتنسون التصويت و التعليق بين الفقرات
موعد التنزيل صار كل اثنين و خميس ساعه (10:10)
********************
"مِهيار"
واكف يمها و لازم ايدها حتى يسحبولها دم، تفاجئت لما شفتها خايفه و ترجف من الخوف والقلق !
مِهيار: شبيج ترجفين هسه بسرعه تخلص متحسين على شي
جُلنار: مو من الابره خايفه لا وضعي متأزم
مِهيار: تفائلي بالخير اني واثق ربج ميعوفج هيج و راح تتعالجين
جُلنار: ان شاء الله اتمنى
تقدمت عليها الممرضه تسحبلها دم، كملت و طلعنه نكمل باقي الفحوصات من مكان لمكان تعبت كلش و واضح عليها هالشي بسبب شحوب بشرتها
گلبي يغلي عليها ما اتحمل اشوفها تعبانه من شي ابد كملنا الفحوصات اخذتها و رحنه نكعد لبين ميطلعن حطت راسها على جتفي و گالت
جُلنار: أنتَ ليش هيج حنين؟ شعجب مو مثلهم؟
مِهيار: الله انطانه عقل حتى نفكر بي، أنتِ من تشوفين شخص يغلط كدامج راح تاخذين عبره من غلطه و متسوي لو تصيرين مثله و توكعين بنفس الغلط؟
جُلنار: ما اسوي مثله
مِهيار: اني ما صرت مثلهم و لا راح اصير ابد
ما ارضى على الغلط لو شما يصير و يكون ابويه اذا يغلط اكله أنتَ غلط
جُلنار: اكدر اسئلك سؤال؟
مِهيار: گولي حَبيبتي
جُلنار: أنتَ ليش سافرت؟ و ليش كل هاي المده أنتَ ماكو و منشوفك ابد حتى متجي زيارات
مِهيار: سافرت حتى ادرس قانون هنا الوضع چان ميساعد ف ابويه سفرني، و عجبني الوضع بالخارج و اشتغلت رأساً ف ما رجعت
جُلنار: هم حبيت هناك؟
مِهيار: گلبي محجوز من قبل لا اسافر ماكو وحده كدرت تاخذ مكانها بگلبي
جُلنار: شكد حلو، زين منو هيَ شتصير منك
مِهيار: غريبه و قريبه
أنت تقرأ
ميل الخلابة
Non-Fictionيُقالُ دَومًا وَ لِرُبما إلى ما لهُ نِهايةٌ : أن العائلةُ سَندٌ لـ أبناءها لكنَ عائلتي لَم تَكُن سندٌ لَي كانوا كـالبلاءٌ كانوا وحوشٌ ظالمين ظلمونَني اشدُ ظَلام حتى اصبَح الظَلامُ يُراودُني أينما حَللتُ وَ ذَهبتُ فَيأتي صوتٌ سامعٌ مُناداتي و هَمس...
