بسم الله الرحمن الرحيم
#ميل_الخلابة
#الكاتبة_روح_الدليمي
البارتات تطول على حسب تفاعلكم♥️
لتنسون التصويت و التعليق بين الفقرات
********************
"نبأ"
مخبوصين خبص اليوم، محد بينه يگدر يگعد براحه مِهيار راح وره جُلنار و يرجعون اليوم، بس شعوري مختلط فرحة و خوف مسيطرات عليه، عقلي ميهدى من التفكير. أخاف من أهلي شلون يستقبلون جُلنار، و أعرفهم زين، ميخلون الأمور تمشي بسهوله.
أفكاري انقطعت على صوت هورن السيارة يم باب البيت لبست حجابي بسرعه و ركضت بَره الكل طالعين قبلي، الهوسة تعم المكان، بس عيني راحت عليها من بين الكل واگفة بظهر مِهيار هزيلة و ضعيفة ركضت عليها، سحبتها من إيدها، و حضنتها. اني ابجي و هيَ تبجي، بقت تعاتبني و تشهك بصوت يگطع الگلب
جُلنار: ليش عفتوني؟ ليش خليتوا يعذبني؟
نبأ: انسي كلشي، هسه أنتِ بيناتنه محد يكدر يأذيج بعد
تقدم مهيار بهدوء يباوعلها، مد إيده يمسح دموعها. صوته كان ناعم، بس مليان قوة
مِهيار: جُلنار، شو باوعيلي!
رفعت راسها، عيونها تلالي بالدموع
مِهيار: احنه شنو اتفقنه؟ مو وعدتيني هالدموع متنزل بعد؟
جُلنار: نار مشتعله بداخلي، مِهيار !
مِهيار: اطفيها الج بروحي، بس لتبچين عيونج الحلوة
حجيت انبههم بوجودي
نبأ: شباب... السلام عليكم!
انتبهوا إلي أخيراً مِهيار ابتسم و گال
مِهيار: هاا ننه، شلونج؟
نبأ: بشوفتكم صرت زينه
من بعيد، سمعنا صوت عمي دحام يصيح من يم الباب
دحام: شنو تبقون واكفين بَره؟ فوتوا يابه
مِهيار حضن جُلنار من خصرها و دخلوا سوه، و اني لحگتهم. كعدنا كلنا بالصالة مِهيار و عمي يسولفون، و احنه نسمع بصمت
دحام: مِهيار شسويت ؟
مِهيار: استلمتهم اكس مربع صار أسبوع، وليلهم ما يناموا وداعتك
دحام: عفية بالسبع. حگك لتخلي لغيرك
مِهيار: بس عندي جُلنار أهم من كلشي ارجع الها حگها غصب عنهم كلهم
مصطفى گطع السالفة مستغرب
مصطفى: حرام إذا فهمت عليكم شي يا حگ هذا؟
مِهيار باوع لعمي و گال
مِهيار: أتوقع صار الوقت حتى الحقيقة تظهر لو شتكول أبو مصطفى؟
أنت تقرأ
ميل الخلابة
Non-Fictionيُقالُ دَومًا وَ لِرُبما إلى ما لهُ نِهايةٌ : أن العائلةُ سَندٌ لـ أبناءها لكنَ عائلتي لَم تَكُن سندٌ لَي كانوا كـالبلاءٌ كانوا وحوشٌ ظالمين ظلمونَني اشدُ ظَلام حتى اصبَح الظَلامُ يُراودُني أينما حَللتُ وَ ذَهبتُ فَيأتي صوتٌ سامعٌ مُناداتي و هَمس...
