النـسر الذهبي

بارت-٩-

#النسر _ الذهبي
بقلم الكاتبه زيــنو "zainab ali "
لاتنسى التصويت وتعليق لطفًا وليس أمرًا
★★★★★★★★★★
‏تغير وجهي كله
بذيج الحجايه
الوجه هم عنده
سمعه كبال المرايه .
★★★★★★★★★★
-مهره انا خايفه من امي
باوعتله بستغراب وحجيت: ليش شبيه
دغتني بكتفي وكالت: اهوو شبيج نسيتي مو كتلج ادمنت على السكيره
-هههه خرب سكيره شنو عرك او خمر شجاج
-ههه هسه عوفي گلامي، اي واللـه ولج امي صايره غريبة مدري شبيه تجي بالليل حتّى كمت مااشوفه ولا اگدر احاجيه گلبي يتكطع عليه وهيه ولا مهتمة وانـا وين اروح اذا صار شي لاسامح الله
-حاولي وياة وفهميه واحجي گلامي عدل وياة....
اردفت بضحك؛قابل احجي عوج ههه
-السخيفه مومال واحد ينصحج
-لج اشاقه شسالفه
-هههه كومي كومي بسرعه نولي راح يبدن المحاضرات
-شوكت اعدي هاي السنه بخير
-هههه اي واللـه تدرين شايلة هم السنه الجايه
-تردين ترسبين
-يـا انجبي اقصد ان شاءالله المرحلة الثانيه
ضحكت وكالت-كبر خرعتيني عبالي حجزتي كرسي من هسه
-لا اسم الله فال الله ولا فالج
-ههههه وتخيلي فال الله رسوب
-ياااا
عيب عليه وكمنا نفتر بالقاعات وشويه ودخلنا للمحضارات محاضره وره محاضره وماگو استراحه اخذوه بحجة مابقى شي اسبوعين واسبوع ثالث ننمحتهن نهاية السنه  ضجت ودخت راسي نسطر سطر من وره الشرح واريده يخش بعقلي حتي اذان اذن وهمه مستمرين بالشرح گلبي وجعني شجاني ماادري بلكوه مسيطره على نفسي والف ويلاه ياالله خلصو وطلعو ونهو كلامهم بالنصايح، واول ماطلع الدكتور الطلاب سب وغلط عليه
-والله يااالله مايصير هييج
-شكوه شك ويجون ينصحون
هزيت ايدي اردفت نور
-خير، شكو تهزين ايدج شنو ماعاجبج
كلامنه
رادت تجاوبه رفيف بس خزرته التفت عليه ابتسم برود
-ي ماعاجبني شنو تأخذين راسي اذا اكول ماعاجبني هوه انتم گلكم ماعاجبين نفسكم بعد شكو وانتِ كلتي ايدج حبيبتي عسأ مااكصه انتِ شعليييج...
كمت بسرعه وهيه تصيح وتغلط الحمدلله والشكر عبألك جهال ولا كان طلاب جامعه اخذت رفيف وطلعنا نسولف نتمشأ للشط كالت
-اول مره تكولين شط
-بحر يلااه
-ههههه
ضحكت وكعدنه على طابكوت ثنين نسولف ونبتسم خليت راسي على كتفه وهيه تسولف وابتسم واهز راسي، ي، كالت
-احجي شنو كله انا احجي
-ماعندي سوالف خلصناهن
-هههه، اي واللـه ولج شكد احبج واعزج
-حتّى انا احبج اكثر من ابوي
-هههه خرب انا هم
سوالفة تضحك واضحك على ضحگتة شويه
ورجعنا، لمينا كتبنا وغراضنا
رتبت حجابي واباوع رفيف لزمت شعره
-ام كناكير
-لا حلوو يخبل كيرلي
-ههه ياحلو فلافل
-خرب ليش تنتمرين
-اشاقه ههههههه
-هلاوو وتحجي على ضحكتي
حضنته حيل، وبست كتفه
-لج احبج
-والعباس انا هم احبج حييل حيييل حييييييل
ابتسمت، وكتله يلا خليني اروح
طلعت منتظرة العبريه
خليت ايدي على وجهي حار
فززني صوت وراي التفتت
-تعالي اوصلج
-شسمه
-شسمه؟
ابتسمت وحجيت:-ماگو داعي هسه راح تجي عبريه
-اصعدي مهره
-مااريد
-اصعـدي كلتتت
زفرت انفاسي بعصبيه
وصعدت كدام، طريق ساكت وانا
صافنه على الجام كال
-مهره
باوعتله وحجيت: همم
كلبي يـدك سريع لزمت گلبي وصحت بوجع وكف سسارة وكال
-شبيج مهره
-مابيه مابيه شي
-شبيج... انطاني بطل ماي فتحه وشربت منه رشفه، غسلت وجهي فتح الجام وساق كال
-شنو ليوجعج
-گلبي هالفترة يوجعني
-اخذاج للمستشفى
-لا ماكو داعي
-تمـام بࢪاحتج شوكت متردين تعـالي للعيادة مالتي اخذي فوحصات
-اممم
حطيت راسي
عالجام شويه وكف سياره باوعتله وحجيت
-ليش وكفت
-ليش عاجبج نضل للصبح هنا.. غير وصلنا
-لاماعاجبني غير دايخه من طريق وماانتبهت.. وشكرًا عتوصيله كتلك ماكو داعي بس انتَ اُصريت
-عادي يابة ادللي
ابتسمت واشرتلة بيدي"باي"نزلت للبيت بسرعه دخلت شفته راح، رحت للغرفه بدلت ملابسي وتغديت، كعدنا نسةلف انا والبنات شحلات سوالفهن
احبهن واخاف عليهن
ازل:: خرب والله مو عيشه الحيوان عايش احسن منه
-تدرون اول مره ازل تحجي گلمه بيه خير ولو ازل والحيوان ماكو فرق
-ههههه
-لا بنات خطيه طحنتن مشاعره
ايريم:: طحن وعجن وخبز وههههههااييي
ازل:-وسم لهاي الضحكه
-بس يوم واحد نكعد بدون عركه اروحلجن فدوه
-كومي لج ازل وغزل كومن ادرسن
تذاوبت ازل وتفرك بعيونه بنعاس كالت
-مهره نعسانه
-خاب دكوومي ست اااازول من صارت دراسة نعست ازةله كومي لا اموتج والله العظيم
-مـا
خزرته:; اازل
-يابة درست
-خوش عود من يبطلونج كعدي ابجي بهذيج الزوايه
سكتت ومرر الوقت يركض بسرعه بدون منحس صار الضهريه ونعست شغلت المكيف وسديت الباب فرشا فراش وغطيت نفسي بالجرجف خنكت نفسي بالمخده، نمت
وكعدت على صوت ايريم
-الووو ههي كافييي نوم اكعديي تنبل مال نوم فلاتشبع
-دروحي ايريمه خلينه نايمين
-كووومي ولج
-هممم ماا نعسانه تعبانه
-ولج وكت صلاء كومي
-اجازه عندي روحي
-هههه كفي كومي
تأففت وكمت غسلت وجهي وبطني توجعني
-شبيج؟
-بطنيي
-عليج الشهريه
هزيت راسي وغدضت عيوني بوجع لازمه بطني، كالت
-راح احمي الج ماي حار وجيس حطيه على بطنج واسويلج شي دافي
ابتسمت اله وراحت احب حنيته
خواتي كلهن حنينات بس اكثر
شي ايريم حنينه وهادء
شويه وجابتهن، حطيت الجيس على بطني... اتلوة، شويه
حسيت خف الوجع
شربت حليب حار وكمت
افتر بالغرفه راجعت المحاضرات
كلهن شايلتلي هم جبير على الأمتحانات
رغم الخوف والحماس بس خايفه
لزمت ايدي ايريم وكالت
-ها يحلو شبيك صافن
-تدرين ايريم انا خايفه من الأمتحانات اخاف ارسب وابوج يبطلني
-ججج لا لا اسم الله انتِ سباعيه وشاطره
بلعت ريك: تتذكرين شكلي
-ميخالف ترا ابوج بس حجي لا طبه ولاطربمه
-يااا ولج ابوج
-اكره ماايستحق يصير اب الله عليج شنو ذنبنا احنه هيج نعيش هـا مامرتاحين من ابوج ومن سوالفه
-الله گريم
-ونعم بالله
-تدرين اليوم من وصلني للبيت
-منو؟ غير عبريه
هزيت راسي لا وحجيت بهمس: راجح
-عزاا بعينج ايريمه شوكت هذا الحجي
-ياحجي ولج اليوم وصلني
-لا مهره لاتلقتين بيه احسن والله العظيم تصيرلج مشاكل من سببهم فلاترتاحين خيولون اهتمي بدراستج عوفيه خلي يولي
-شبيج شبيج هي ترا بس وصلني
-يي ميخالف تحذير واجب واوجب
-هفف..
-لاتأففين من احجي المصلحتج كـاخت تخاف على اخته مهره انتِ قويه وحلوة وسباعيه بس فطيره وعلى نياتج وعبالج العالم كله مثلج بس انتِ غلطانه حبيبتي العالم عده الف وجهه وشكل من جوه شي ومن برا شي فـ انا اختج واماف عليج فداحذرج لا اگثر لو مو خوفي عليج جان مااحجي هيج
هزيت راسي بالموافقه وحضنته
-احبنج والله
-ههههه وانا هم اموت عليج مو بس احبج
-شعندي غيرجن والله اموت بدونجن
-اسم الله حقيره لاتحجين هيج
ابتسمت الــــه وكامت من يمي شويه وطلعت بالصاله امي كاعده تباوع على تلفزيون واخواني طالعين حجيت
-ابوي وين؟
-عند اعمامج
-اهووو شعنده يروح يمهم بس يفرون بعقله لا يروح خيولون
-شسووويله شسوويله موتني ابوج
-اسم الله عليج حبيبتي
باوعت الدنيا الليل كعدنا كلنا على العشأ بس ابوي ماموجود ولا اخواني باوعتلهن وبالكوه ابلع الكمه غصيت وكمت غسلت وجهي اجت ايريم ركض خايفه
-شبيج
-ماادري گلبي يوجعني
مسحت على كلبي: سوده عليه من شوكت يوجعج
-ولج اليوم موتني مثل الخفقان
-لا اسم الله باجر روحي للدكتور
-ججج ماكو داعي
-ياماكو داعي دشوفي حالج
هزيتله راسي وبالكوه قنعته تسكت تلح عليه خاف بيج شي عالجي نفسج وانا ساكته حتى اكل ماتهنيت بيه رجعع للغرفه وشويه دخلن البنات كعدنا كلنا كل وحده تسولف وتحشش وطكطك دك تلفوني باوعت وابتسمت من قريت الأسم*رفيف صديقتي*
-ها رفيف
-ها مرهه شلونج
-هلا بيج حبيبتي
-اكلج مهره هذا يريدني اطلع
-ياهوه؟
-سيار
-ياسيار؟
-شبيج ولج سيار صديق ابوي
-لا رفيف لا طلعين باوعي الوقت متأخر
-كتله والله
-لاطلعين هسه
-تمام
سدت الخط شويه ورجعت اتصلت
-ها
-ها اكلج يكول اذا ماطلعين ادك الباب على بيتگم واكول لـ امج اريد بنتج رفيف خايفه مهره اخاف يسويها مو صاحي هذا شراب العرك
-هههه، ولج لا مااتوقع يسويه يدك الباب يريد.يخوفج
-ااكلها شراب العرك تكلي مايسويها
-ماادري بكيفج انتِ
-خرب يي لو لا
-شوفيها شيريد منج
-يكلي كولي لصاحبتج مهره بس اشوفج ماشاءالله انتن وزارة التخطيط وتنفيذ
-ههههههه وين يعرفني
-غير انا اسولفله عليج اربع وعشرين ساعه اسولفله عليج ماعندي سالفه غيرج ثوله نسيتي احنا سوه
-صحيح
-اروح فدوه لصحيح مالتج هسه شنو
-روحي شوفيها بس دريبالج على نفسج
-خوش
-باي
سدت الخط وكعدت صافنه اضحك على عليه  ياربي هالبنت فطيره وفقيره بس ماينضحك عليه فززني صوت ايريم يمي
-اكلج هيو
-ها وجعه شبيج
-شمالج اليوم صافنه
ازل::؛شمالج لو جنوبج
غزل:بالعباس التضحك صدك تافه
-خرب اضحكن لاتفشلني
مهره::هه هه هه ههه
-هيه هاي هم ضحكه
-تخبل شبيه ماعاجبتج ست غزل
-خلي تولي تغار
-اامداجن عود انتن خواتي المفروض تكونن سندي
-سدووء
-شنو سدوء
-يعني صدوك
-خرب اسكتن خلني اسولف ي مهيره
-لاتكولين مهره لا اطيح حظج
-اووي شبييج، لاتكصين شعرج خليه يطول
بلعت ريك واتذگرت الموقف الصار بيه شذكرني بيه،وشرجعني
رجوع الى الماضي:;من جنت بالمتوسطه اول سنه الي بالأول متوسط  ومتحمسه اول يوم الي كعدت فرحانه لبست ملابس المدرسه وادور على المشط شعري طويل  وبالكوه يتمشط يتعبني ادور عليه برفوف البنات نايمات فززني صوت ابوي وهوه يصيح بـ اسمي وانا مغلسه ادور عالمشط لكيته واخذته طلعت ركض للصاله اول ماوصلت يمه سطرني راشدي بظون تفاهم صاح بصوت عالي فززن البنات كلهن على صوت صياحه وانا واكفه صنم يمكن اذا ارمش طيح دمعتي وهوه يجر بشعري
-انبح مثل جللللب ولااااتردين علييييه
-جنت ادور عالمشط
-وشتسوووين بالمشط
-اكله غير امشط
رجع سطرني: تراادد بنت الكلب
-مامرااده يعني شسوي غير مشط هوه نمشط بيه، بنتك ترا
جر شعري ويصيح كال جيبن المكص البنات من الخوف طفرن للغرفه وهوه وينجن تحركن يابه جيبن المكص امي لازمه ايده تتؤسل وتبجي دفع ايد امي ويصيح ويحذر وخري ومعليج وانا واكفه صنم خايفه ويدفع بيه ويجر بشعري  مامهتم دفعت ايده وكتله
-انـا راح اجيبه..... 
ـــــــــــــــــــــ
يتبــــــع
ـــــــــــــــــــ