النـسر الذهبي

بارت-١٧-

النسر_ الذهبي
بقلم الڪاتـبـة زيــنو ﮼zainab ali ﮼
لاتنسى التصويت وتعليق لطفًا وليس أمرًا
فُستقاتي🌰...
...................
‏وره هذا التعب كُلة
‏شبعد ياروحي متأملة ؟
‏هاي المعركة
‏بيها الخيول تطيح
‏لو بس على الفارس
‏چا كلت سهلة ..
‏وكت هذا الضياع يصير
‏بأكثر درب جانت روحي تندلة .
...................
‏وره هذا التعب كُلة
-لشوكت تبقين ماتفهمين
لزمت راسي دايخه كعدت بالكاع محتاره منا امي ومنا سيار ..كلبي يوجعني ودموعي على خدي مااعرف شسوي كعدت بصفي وحجة
-تردين تغلطين غلطتي رفيف
بجيت وباوعتله: والله خوش ولد
حضنتني ردت اوخر بس غمضت عيوني محتاجة احد يطبطب عليه ويحضني بس من الشخص الصح مو اي شخص يحس بجرحي لو بهمومي تملكت بُحبه لدرجه ابجي ليل عليه ماابالغ بس انا انسانة خسرت حنان محمد وهوه اعوضني عن الحنان الاب حسيته هوه الشخص الصح لبحياتي جانت مهره تنصحني وتفهمني اعكس امي تاخذه كله بصياح وضرب مرات احس مهره هيه امي صديقتي الوحيده الاحبه ولا ابالغ بُحبه انسانة تحب على الفطره...سكتت احس بلعومي تشحط من البجي باوعتله وحجيت بغضب
-يمه إذا اظطر اللأمر اشرد انا ويااه والله اسووويه....
-ادري بيج تسووينه مو صااااحيه رررفيف
-اهووو
كمت دخلت للغرفه طكت روحي تنهدت وضليت افتر بالغرفه اهدإ بنفسي اتصلت اجاني صوته ابتسمت لااردياً
-هلا برويحتي
-سيار
طكيته بجيه رد بخوف:شبيج عمري رفيف احجي گلبي شبيج
-سيار والله تعبتت روح انا مو من نصيبك
-هههه شبيج عمري ليش هالكلام مالها داعي
-حاجيت امي وماقبلت
ضل ساكت:الو تسمعني
تنهد واسمع حسرة تجر حسره حجة بهدوء
-انتِ الي...
من اسمع حجية هيج كلبي يوجعني رغم افرح بكلامته الحنونه بس مااكو أمل
كمل كلامه:-انا راح احاجي ابوج
-لااا لا خلي نشرد
رد بعصبية
-تخبلتيييي مستحيل اخليج تشردين واعرض حيااتج للخطر رفيف انت كل حياتي ومستعد كل شي اسوي بس نشرد ادري جهال لو مراهقين شبيج بابة انا احبنج ومااحب  اليسوا والمايسوا يحجي عليج عود انت القويه وتعرفين ربج امداج على هيج تفكير  وبعدين مااعندي عقل واعرف هاي الناس شراح تطلع عليج لاتحجيين هيج
-لعدد شنسووي نضل هيج اكلك اميي راافضه
-لاتخليني انعل امج
-اانجب
-رحمة الله والديج اطلعهن من عيونج بس خلي نزوج
-حتى اكسر.. سكتت عاضه شفتي متفشله
-كملي كملي ليش سكتي
-شلونك شخبارك
-عود تريد تعبر الموضوع
-اهووو فلا تنسا
-انسأ عمري وماانساج رفيفي
-ابوي تتوقعه يقبل
رد بس حسيته نبرة صوته تغيرت مااعرف حتى هوه ميأس مو بس انا دموعي تنزل على خدي انقهر والله
سيار:: رفيف لاتبجين بويه تموتيني بدموعج الله گريم عمري
-ابو العررك  صاير متدين المن خليتني احبك
-هههه انجبي سنفورتي  رفيف راح اروح دريبالج على نفسج..سكت شويه سمعت وشه باتصال عرفته بوسة ابتسمت سويت مثل حركتة
-احبنج
-احبك
سديت الأتصال ورحت توضيت وصليت ادعي ربي لاتحرمني منه.....
........................
مهره::
كل يوم وروتين ينعاد ماكو شي جديد فترة العطله كضيتها بالبيت...
مره بيـوم جانو اعمامي عدنه وابوي كاعد بالحديقه يضحك وياهم ويسولفون شويه ودخل ابوي جنت انا والبنات بالمطبخ باوعلي وكال
-سوي چاي
هويت راسي بُقبول ورحت اسوي رادت تسوي بمكاني ايريم ابتسمت وحجيت :شسالفه هوه جاي
ضحكت بصوت ناصي وكالت:اخاف تخلين بداله حرمل بدال الطبخة الجاي
خزرته وضحكت شويه واستو الچاي صبيتهن بستكاين وحطيتهن بصينيه خليتهن على صفحه اريده يجي
ياخذنهن كالت ايريم
-ليش ماتوديهن
-لا والله كالو نريد جاي وسويتلهم وان شاء الله هم يردوني انا اوديه وبعدين انا بس اطلع يجيبون طاري امي ومستحيل اسكت
سكتت سمعت ابوي يكول:هسه تجي
شويه واجه جان وجهه مايتفسر عيونه حُمر واكف بشموخ وكانُ عدوته مو بنته بلعت ريك شفت قبضة ايده دخل للمطبخ بعصبيه وركع الباب غمضت عيوني عاط بوجهي
-ليييش ماجبتي الجاي
رجعت ليوره اتضهر بالقوة باوعتله وحجيت
-كلتو نريد جاي وسويته إن شاءالله هم إنا اجيبه....
قاطع كلامي من حسيت وشة عل اذني وايدي على خدي نار بخدي سطرني راشدي للبنات شهكن حاولت اتمالك نفسي باوعتلهن وعيوني اطمئهن راح للبنات صرت بوجهه واهمس بعصبية
-عدواتك واياي خواتي تبتعد عنهن ولاتفكر تأذين مثل ماتأذيني اسكت عن نفسي بس خواتي ادفنكم وانتم عايشين ومايهزني جبل ولايرفلي جفن
خزرني وجر ايدي بعصبيه طيحني بالكاع صحت بصوت كاتم بألم باوعت للبنات وصحت بوجع:روحن للغرفه....روووووحن. قفلن ااااالغرررفه
راحن الغرفه وهنه يباوعلي قفل الباب المطبخ واهدإ بنفسي ماكو شي ومااخاف وبداخلي خووف خووف موطبيعي وجهنم تسعر بكلبي ضل يضرب وانا مخليه ايدي على وجههي يضرب بعصبيه انواع الغلط والفشأير اسمعهن يهز البدن قذارة گلامه مستحيل انسا هاليوم ولا راح اسامحه
تفل وقبل لا يطلع كال:اكرهجج
حجيت بوجع كاتمه الضربات واللااماهن
-افعالك تدل على كرهك ماكو داعي تحجي وتتعب
طلع من المطبخ كمت بيمن اطلع نار حركتي
ركعت الصينيه بالكاع ورحت اغسل وجهي شفت الدم من خشمي بجيت اغسل بوجهي
-ااالله ياخذ حوبتي منكم
طلعت من المطبخ ودكيت الباب
-فتحن الباب
فتحن الباب وشهكن بخوف
-يمه يمه شسوه بيج
-اششش مابيه شي
دخلت للغرفه سدن الباب كعدت ورا الباب
ابجي لو لا الوجع مايتحل وشنو هالذنب المرتكبته حتى يحمل مسؤليته وليش هيج يعاملني شيخسر من يحن كلام البگلبي سهل بس صعب يفعله بجيت كدام خواتي
ابجي مهره ترا خواتج مو غريبات هنا ليسندني وهنا اليحزن على حزني
بجيت بقهر اجن حضنني حسيت اختنكت وضاك بيه نفس غصه بلعومي وكسرة بداخلي غمضت عيوني اتعارك ويا النفس
يبجن ويحاولن يسكنني باوعتلهن وحجيت
-امي وين
-نايمه بغرفته
هزيت راسي واردفت:عفيه مو تحجن شي كدامه
ازل::سوده عليه كون كسر ايده
-لا عيب ابوج
-اسكتييي خلي احجييي والله اموووت من يسوي ويااج هيج شي شنووو ذنبج لووو يكتلنا وياج لوو مايكتلج
لميته بحضني وتحجي وتشهك:اشش حبيبتي انتِ شحده يمد ايده عليجن ..غمضت عيوني وارتجت راسي على الباب لامتهن بحضني وصوت بجيهن يجبر دمعتي تنزل
اردفت بهدوء:اغديجن بروحي ياروحي انتن
بوستهن وحاولت اكوم اسبح ارتاح
طلعتلي ملابس ايريم كالت:اسبحج
تباوعلي وتضحك خزرته وحاولت ابتسم
-انجبي مابيه شي
ذبت ملابس بوجهي كالت وهيه تمشي
-مو صوجج صوجي انا فاعلة الخير
-هههه
اضحك جذب ماادري اضحك على روحي مااريد اخوفهن عليه رحت دخلت للحمام وكعدت شغلت الماي وابجي وافكر خطأت بشي وياه واستحق هالمعاملة ليسوي وياه كمت سبحت وطلعت بسرعه لكيت فراشات فراش نمت بتعب احاول اغمض عيني كمت فازه فزن على فزتي
-اشش ماكو شي نامن
-وين رايحه؟
-اشرب ماي
رحت طلعت شربت ماي واخذت صراحيه ماي للبنات قفلت الباب بنص بيتي ومأامن عليهن حضنت ازل ونمت...ثاني يوم شافتني امي وكالت
-شماله وجهج
-مابيه شي
حاولت اسكته كمت من يمها مااريد احجي ولا اتذكر رغم ماانسيته ماحجيت وياه بكل هاي الفترة ولا اريد احجي وياه مر احقد بس مستحيل انساه وصعب تجي اذيتج من اهلج ومالج اي ذنب خابرت على رفيف وحالتة اسوإ من حالتي
-راح اموت مهره
-اسم الله عليج حبيبتي لاتحجين هيج
-مهره شبيه صوتج
-شبيه
-ماادري بس حاسه بيج شي احجي ولاتجذبين عليه
-مابيه شي رفيف
-انجبي اعرفنج انا بيج شي والله احجييي لاتموتيني بزايد
تنهدت وسولفتله على ابوي كالت بعصبية
-شبيج فاهيه ماكتيلي وجايتج
-ههه وانا شمدريني راح يصير هيج
-كون حاطتلهن سم بالجاي
-هههه هوه انا على هاي مقهوره لان ماحطيتلههم
-انجبي صديقتي مُجرمه وزوجي المتسقبلي شراب العرك
-ههههه..
ضحكت واجه على بالي اسأله
-اذا مُجرمه تحبيني
- احبنج لعد المُجرمه احسن منج خيه اذا مُجرمه ونسجنتي اروح اكتل واصير مثلج هم مُجرمه وانسجن وشرط نفس الزنزانه
ادرفت بضحكه وحجيت:هم بالسجن لاحكتني
-وهم بالموت الحكج
-اسم الله ياا
-هههه للموت مابيه اسم الله..مهره حبيبتي راح اروح امي تصيحلي ودريبالج على نفسج خابريني بأي وقت
- إن شاءالله وانتِ هم دريبالج على نفسج مع السلامه..
سديت الخط...فترة طويلة واحبس نفسي بالغرفه اريد الراحه ولا اريد المشاكل مالي اي طاقه اتحمل ،ايام عاديه يوم بحياتي احسه كانها سنين جنت كاعده بالغرفه دخلت امي وجهه مايتفسر امي واعرفه كمت بخوف ذبيت تلفون من ايدي وحجيت بخوف
-ماما شبيج احجييي لاتخوفيني شبيج ليش تبجين منو الوياج يمه فدوه احجييي
لزمت نفسي كوه اريده تحجي
كعدت تبجي وانا احاول اهدإ اريد افهم منه الموضوع كعدت  كباله لزمت خده تنهدت وحجيت
-احجي يمه شبيج
-ابوج مهره.....
............
يــتبع
قررت كل الخميس والجمعه بأذن الله انزل بارت
نهاية البارت-١٧-
فُستقاتيييي...
............