#النسر _ الذهبي
بقلم الكاتبه زيــنو "zainab ali "
لاتنسى التصويت وتعليق لطفًا وليس أمرًا
ـــــــــــــــــــــــــــــ
أعَذرنيِّ خَاف تغَيرتْ،تعَبان مَن الطَيبه..
المَا يچَيبه الشَوگ الكٰ،
ماضَن رِسَاله تجَيبه..
مابيَن أگولن ماتفض،
مابيَن أگولن تگضيِّ..
سَاعَات أعَاتب بالصَور،
سَاعَات أعَاتب حَظيِّ..
خَلينيِّ أعَيش لوحٰديِّ،
خَلينيِّ أضَوگ الوحَده..
مابيَه أشَوفنك بعَد،
گتَال شَايل ورَده..
مُر بيَه ريَح ويـِ الحَلم،
يالمَا گلتليِّ شَلونكٰ..
تلگانيِّ واحَد ملتهيِّ،
يرسَم بذيچ عيَونكٰ.
ـــــــــــــــــــــــــــــ
-انا راح اجيبه
مجرد حجيت هيج امي تصيح
عليه بس ماهتميت،
رحت جبت المكص
وكفت كباله انطيته اله ودرت انطيته ضهري
ودنكت راسي
بلعت ريك من شفت شعري
بالكاع طايح نزلت دمعتي
واخيرًا لجنت حابسته
نزلت دفعت ايده وهوه يصيح وراي دخلت للغرفه البنات
يباوعلي وساكتات من القهر حتى دوام بوكته
ماادوامت كضيته جوه الفراش ابجي مقهوره وكدام امي اسوي روحي مامقهوره وعادي وابتسم بتنصع
وبرود وكفت كبال المرايه انا احب شعري من جنت صغيره
امي تخليله حنه وتهتم بيه بس هسه مااهتم اله ومن وكته لهذا وكفته
كلما طال ارجع اكصه، فززني دغت بكتفي
- وين صفنتي
-ها عوفيني بحالي ايريمه
-براحتج حبيبتي
عافني وراحت مر الوقت ودخل ابوي وصياحه وعراكته وي اخواني لان طالعاين وهمه سكته مايردون
زفرت انفاسي وتنهدت فرشت فراش وبالكوه
غمضت عيوني من التفكير غفيت وانا مااحاسه على نفسي نايمه ... ووين
وكعدت على صوت البنات ويضحكهن
كمت بسرعه غسلت وجهي
وكعدت كبالهن
من الضوجه ومااعرف شسوي كمت كنست
الغرفه ومسحته،حطيت بخور ونضدت
نضده الفراش، اباوع للغرفه ومبتسمه
دخلت ايريم
-اوووه شنو هاي تجنن عاشت أيدج
-ها حلوه؟
-تخبل
رُمشت بثگل وثقَة: لعد شعبالج مهره انـاا شنو لسوية يطلع يخبل عليه
-هههه ومن نكول مغروره ماتقبل
-ثُقَه
-امم
سكتنا ثنينا خليت وطلعت من الغرفه
باوعت للبيت هسه انا منظفه منظفه
خلي انظف البيت بعد
رفعت بيجامة ووونظفت البيت
كمت الهث بالنفس كعدت بالكاع اسحب نفس گلبي يوجعني فركته حيل خليت
وكمت غسلت اديه وجهي
طلعت ملابسي ورحت سبحت
بماي دافي، طلعت من الحمام صارت بوجهي غزل
-نعيمًا
-اللـه ينعم عليج
دخلت للغرفه ارجف شافتني ايريم
ضحكت وكالت:; ليش ماسبحتي بماي دافي
-ولج والعباس سبحت بُماي دافي بس
مدري شجاني ارجف
-هههه هسه تدفين
-دنطيني بطانيه خليني ادفى راح اموت من البرد اعضامي تهشت وتكسرت وتفلشت
شمرت البطانيه ولفيت نفسي
ارجف وسن يطك بسن شفتي تصعد وتنزل
من الرجفه حضنت نفسي
يمكن مُرت نص ساعه الا هدإت
وخرت البطانيه ومشيت
اباوع على نفسي من المراية
مشطت شعري، وشديته گُعگه مخربطه
دحستت ايدي بشرتي، وجهي ذبلان، تأففت
ورجعت لمگاني طلعت دروسي وارجع بالمُحضارات اخاف ناسيَه شي
وگل شويه وارجع على الگلمة الف مره
حتّى احفظَه، احفظ وانسَه شجانِي ماادرِي
طويت الگتاب وراسلت رفيف شويه سولفنا
وكالت راح اروح انـام باوعت للساعه بثنعش
وانا مامنتبَه ضربت كصتي بغباء
ورحت فرشت فراش والبنات دخلن
نامن دفرت ايريم
-درووحي مگاني
-ااوي چلبه خليني انام
-دكومي ايريمه كووومي
-ولج تعااي مو هذا مگان
-استغرالله وخري وخرري
-وسم وزقنبوت تعالي نامي بحضني
كتفت اديه وهيه تضحك فتحت اديه
لحضنه شمرت نفسي بحضنه وهيه تمسح
على شعري
-الحيوانه غير مكاني
-تؤ تؤ دنامي
-مو نعسانه هستوني كعدت
-ميخالف نامي باجر وراج دوام
-وامتحان هم
-اگلجن نامن ونجبن نريد ننطمر
-ازل راح اكوم اطيح حظج وحظ السانج
-خاب انجبي
-هههه
دغتني بگتفِي: شوفي الاحترام
-اسكتي جنج قاسم الفيترجي
-ولج ااازل
عاطت بيه وشمرت المخده غزل حاطه المخده على وجهه وجسمه يهتز شمرت عليه المخده
-شعليه انـا
-وسم تضحكين حتى لو مخطيه وجههج اعرفج تضحكين
-هههه هسه اشلون نام لو لااا
-تصبحون على خير
-ليشوفج يشوف خير
-خرب ولج ازل والعباس راح اكوملج
-هلا بيج
-گافي ناااامن يلاااا ناامن عود باجر وكملنه
ضحكنا وازل
اجت تراضيَ بـ ايريم وهاي مطنگره وازل شابعه ضحك
عليه كتلهن يلا ميخالف
تكبرنَ وتنسنه، نمنا وحده بحضن
ثانيه، بالكوه غمضت عيني، كعدت الصبح على صوت صياح فزينه مفزوعين انا
والبنات مالحكت حتى اغسل وجهي ركض
طلعنا وكالعادة ابوي يتعارك وي امي
لزمنا الصُمت ورجعنا للغرفه غسلت وجهي ورحت بدلت ملابس الدوام طلعت من الغرفه بهدوء كال بصوت عالي
-ووين راايحه
التفتت عليه: للدوام
امي شالت الف ردت اخذاه اخذه قبلي وشگه
سكتت ومااحجيت بس الغصه بلعومي
خنكتني، كال
-ماتولين
باوتله بستغراب وقهقهت: شنو مااروح
-كلت مااااترحين
-مااخذ منك كروه
ردت اطلع وهوه سحبني بعصبيه
-تكسررين گلمتي
-اهووو يابة عندي امتحااان
-وجعه وسم... سطرني راشدي
وكفت على اعصابي لازمه خدي
ولازمه نفسي مااريد انفجر
بوجهه امي ساكته ومابيده شي
ضل يصيح ويغلط وكفت على اُمل يقتنع
تؤسلت بيه بس امتحن بجيت وصحت
-ليييش ماااااتخليني ااااروح
هز ايدة بستهزإ: وشطلعين بالله دكتوره
-هه غير اطلع عليك دكتورة
ضحكت بستهزإ وهوه معصب
كال برود: تنزلين تبوسين رجلي وانا اخليج
لحظات صُمت واخيرًا امي حجت
-شسالفتك عوف البنيه تروح لجامعته
-تردين ترحين
هزيت راسي اردف: انزلي بوسي رجلي
لحظة اريد افهم. شيگول
ضحكت ودمعت عيونِ: صدك تحجي
-قابل جذب عليج
-يساومني؟ ها يُمه
الوقت تأخر وانا واكفه على وكفتي
نزلت خضعت، دنكت وغمضت عيوني
حسيت دفره على راسي
ندفرت دفرني وكال ولي روحه بلا رده
رديت بعدم اهتمام: من تموت حتى جنازتك مااحضره
طلعت من للبيت واسمع كلامه ليقشعر البدن
وغلطه عليَه، رحت وكفت ادور عبريه تأخرت وبعدهي، مااكو ولا عبريه، شويه وكفت عبريه صعدت بيه وانتظرت تقبط، حاطه راسي عالجام واخيرًا حركت سيارة
اول ماوصلت نزلت اول وحده ركض ركض
للقاعةِ دكيت الباب بهدوء
-مُمكن ادخل
-ليش متأخره بابا
-اخر مره والله بعد متنعاد بس خليني ادخل عندي امتحان ف..
-اتفضلي بابا
تشكرت منه وبگلبي احمد ربي واشكره
من دخلني ومافشلني گدام الطلاب رفعت راسه رفيف باوعتلي وهزت راسه شكو
هزيتله ماكو شي، اشرتلي شبيهن عيونج
اعرف لغه الاشارات بينه همستله بعدين اسولفلج
هزت راسه بُقبول وسكتت
كعدت على طاولتي اكتب وارجف
اهدإ بنفسي، شلت الورقه مالتي
تبخرت الملعومات كلهن
راجعت بيني وبين تفسي
سلمت الورقه وانتظرت باب القاعه تطلع رفيف
افتر بين الباب انتبهت عليه رفيف واشرتلي شويه واطلع ابتسمت اله شويه وطلعت ادرفت بخوف
-شبيج شبيهن عيونج ليش حمر وليش تأخرتي ولي..
-دوكفي ولج اصبري،
اخذت نفس عُميق وسولفتله
ضربت ايده بيد وحجيت بعصبيه
-تردين اكتله اموته بيدي
ضحكت وحجيت: الله يسامحه
-الله لا يسامحه ثوله هيج كولي
-مااكدر اشلون ينطيني گلبي ادعي على ابوي
-ااب ولح هذا اب؟ حرام ينكال عليه اب خسى الاب مثله همزين ماعندي اب
-تشمتين بيه؟
-لج لا والله من قهري عليج هيج اكول
سكتت وكتله خليني نروح للشاطئ، نزلنا من الدرج ونسولف وابتسم
على سوالفه واخباله دغتني بكتفي
-لاتضوجين خوش
-وعلي گلبي يوجعني ومايهون اكول لـ امي والله العظيم اخاف تخاف عليه
-سودة عليه ليش ماترحين للدكتور
-ججج وشيسويلي ماتكليلي
-اممم، ضابجه زعلانه
-لا ماضايجه
-عازمتج على ماي
-ماي؟ ههههه خوش عزيمه
-انجبي الماي اثوب الأمام الُحسين مات عطشان
-له له صدك معلومة خطير وجديدة تدرين جنت ماادري وهستوني دريت ههههه
-ههههه دسكتي السانج شطوله
-الاسف مو بطولج لان انتِ قُزومه
كعدنا على طابكوات ثنينا وهيه ساكته وانا ساكته صافنه قاطع صفنتي..
.
.
.
.
.
ــــــــــــــــــــــــــــــ
يتبــــــع.....
ــــــــــــــــــــــــــــــ
أنت تقرأ
النـسر الذهبي
De Todoمن انـا لماذا هنا حياة لاتعرف تعدل بين الصح والخطأ كنت اتمنى اعيش سعيدة لكن العكس هوَ الصح مسيرة مضلمة سير طويل لايعرف الوقوف في وسط عينها كسرة حزن، من يهتم لحزنها، من يهتم لهـا من الذي ينقذها من جحيمها نسًر ذهبيًا يراقبها من كل الاتجهات ...
