النـسر الذهبي

بارت-٢-

#النسر_ الذهبي
بقلم الڪاتـبـة زيــنو ﮼zainab ali ﮼
لا تنسى التصويت وتعليق لطفًا وليس أمرًا
فُستقاتي🌰...
ـــــــــــــــــــــــــــــــــ
-عوفـه عمي
بدون تفاهم رفع ايدة يريد يضربني لزمه وكال بصوت ناصي
-عوفه ماسوت شي
دغني بكتفي واشرلي ادخل دخلت اهرول كلبي يوجعني خرب بالحظ .. دخلت الغرفة، ذبيت كتبي وشككت الأسئله... نمت بدون مااحس على نفس احس واحد يهز بكتافي باوعتله ولزمت كلبي برعبه ورهبه والخفقان ازدادد نبضات كلبي رمشت بثكل حجيت بهدوء
-بسم الله الرحمن الرحيم قل اعوذ برب الفلق...
ازل:-لم يلد ولم يؤلد
طفرت اغسل وجهي لزمت راسي اتذكرت كلمة ازل ضربته براسه
-غبيه هذا سورة الفلق وليس التوحيد
-توحيد شنو؟!
ضربت جبهتي: بــابا انتِ عندج عقل لو طابوكة
-لا... بلوكوة
-عابت ي والله
-ههههه ارتاحي خلصتي امتحانات
-شبعت ضيم لو معدل50هم قابلة
ايريم:-وشتدخلين بيَ الله وكيلج رقاصه مايخلونج بيَ بهذا معدلج
-استغفرُالله عفيه باوعلي بس ينطوني نتائج لحد تصبح بجهرتي واولهم راجح
-شعليه الولد
كحيت مااعرف اشلون طلعت من عندي سكتت مررت ساعتين باوعتلهن
-اخوانه وين
-ماادري يمگن طالعين
-بنات كومن نفشر بالسطح فراش باعن تلگن عندي الفين وانتِ ايريم من عندج الف وغزل الف وازل ربع
غزل: لا والله شنجيب بربع حالة من حالنة تجيب الف
ازل: مثلًا اروح اشتغل رقاصه واجيبلجن ربع مدري الف
-قحط ررربع لووو الف كل شي مااريد منجن بس ازل ترحين تشترينه
: ي حتّى لو بالنجف لو بالهدف
غزل: لا ان شاءالله بالنجف
-ليش تددددعين عليَ، روحي حبيبتي ماعليج
-خوش رايحه وبذمتجن
اباوع لـ ايريم وابتسمت غمت جبهته
-لا تذمممين ووولج
-بذمتج كل يوم
ضحكت من شفت ايريم تركض وراه وهيه طلعت من للبيت باوعتله وعطت
-ولج تعالي مو وصلت للمحل هسه
-سخيفه
غزل: سخيفه لو... نسيت
-ههههههه
مر الوقت وبعده مااجت ازل ضليت افتر بالمطبخ الوب خايفه عليَ اعصر بيديه دخلت ايريم باوعتلي مستغربه كالت
-شبيج
-وولج ووين راااحت بس فهميني
-بعدها مااجت
-لج لا لا مااجت... يمة خايفه... يارحمٰن احـفظة برحمتك يااربِ
-ڪافي لاتسمعج امي
نفتح الباب ودخلت باوعتله وعطت بهمس
-وين جنتي
-بس اسكتن خلني اشرب ماي
راحت تشرب ماي تنتفس سريع باوعتله وحجيت بهدوء
-احجي يلا
-يعني وين جنت غير بالمحل وعليَ هواي ناس و..
-وشنو كملي
-ولجن كافي اسكتن
-ماكو شي والله هياتني مو كدامج مابيه شي
زفرت انفاسي برتياح اخذت العلاكه وصعدت بابسطح فرشت وان البنات جايبات صحونة كعدنه ناكل ونسولف
-مهره سؤال
-جواب غزيلة
-شنو فارس احلامج
-ماعندي
-شجاج جاوبي لا تفشليني
باوعتلهن وتنهدت عدلت كعدتي ضحكن عليَ ضحكت وياهن تحمحمت وحجيت
-ماكو فارس احلامي.. مجرد شخص يحني ويحترمني اذا اتمرض كون يدوايني بكلامة الحنون مااريدة عصبي ويضرب واريدة اكبر مني اسمر وطويل قوي وماتهزه ريح عيونة...
صفنت وهنة مستمعات بكلامي باوعتلهن وسكتت
-كافي هذا اهم شي عندي.. بعد وكت على السوالف
-اممم
ضلينه ندندن بغنية: باجر شمسنه تغيب والغيمه تنزاح ثوب الحزن نطويه ونبدلة بالأفراح...
سمعنه صوت امي تصيح لملمنه الأغراض ونزلنه بسرعه رحت اغسل وجهي.. وهيج ايامي تُمر نفس روتين وبابا يوم هادء وشهر مااعرف شبيه عصبي ويانه وبذاة وياي السبب ادافع على خواني وعلى امي كرهت نفسي وكرهت عيشتي وخايفة من نتأئجِ بيوم دخلت ازل كالت
-كومي
-شكو شبيج
-رااااسبه!
-انجبي
لزمت كلبي لوجعني باوعتله ونزلت دموعي ضحكت وحضنتني
-مبروووك ولج ناااجحه نااااجحه
-انجبي
-يااا ناااجحه
باوعتله وسكتت صفنت فزيت على صرخت ايريم وامي طلعت اباوعلهن ساكته حضنني وكالن
-مبروك
-الله يبارك بيكم، المعددل شكدد
-80تكدرين تدخلين بالتمريض او تخدير حلو ترَ
حزنت على معدلي وسكتت رحت اصلي تكشر وبجيت مااعرف فرح حزن شعور متخالط ومااعرف اوصفه دخلت امي حضنتني وباركتلي دخلت ايريم كالت
-شبيج؟
-معدلي..
-ولج احمدي ربج..
-الف الحمدالله
-بس يجي ابوي انكولة
-وعلى شنو ماكو داعي
-هاي شبيج حبيبتي
-اسكتي ايريمه
طلعت من الغرفة.. تشكرت ربي اكثر من مره وسجدت بالكاع فرحانة... بالليل اجه ابوي اباوع على ايريم كالت
-بابا مهره معدلة 80
-ياجامعه تقبل بمعدل 80
سكتنه سكتت مقهورة دخلت الغرفه سديت الباب سندت ضهري وره الباب حطيت ايدي على حلكي مااريد شهكتي تطلع بجيت بصمت بدون صوت نطرق الباب تنهدت وكت فتحت الباب
-هـا
-تعالي اكلي
-مااريد
سديت الباب فرشت فراشي ونمت.... بيوم من طلع قبولي رحت اقدم على جامعه فرحه بكلبي ماتنوصف دمعت من فرحتي احس كلبي يركص من الفرح دخلت الجامعـه وبتعبي، ضليت افتر بالجامعه واوزع ابتسامات دخلت القاعتي وبدإ دكتور وره دكتور يعرف على نفسه وعلى المادة الياخذنة مررت الساعات وتعب هلكني صار الوقت رجوع للبيت باوعت لساعه بالوحدة ونص شفت جامعتي قريبا على مستشفى مالت راجح بوقتة حزنت بداخلي شعور مااعرف اشلون اوصفه بس نقهرت جامعتي قريبا علىٰ المستشفئ  ، سكتت شمس تصكع صكع مشيت وكفني صوت
-مهرره
التفتت باوعتله: هـا
-راح ادومين بهاي الجامعه
هزيت راسي كال: قريبا على دوامي
سكتت رجعت امشي اجرت عبريه وصلني للبيت انطيت الكروة دخلت للبيت هلاكنه تعبانه كلش، والجوع داك بيَ ليشوفني يكول بالحرب  جانت تحارب، مو بالجامعه... باوعتلي امي وابتسمت
-هلا بيج
ابتسمت بوجهه، وجه امي ينعش حياتي، باوعت لـ اختي ايريم وابتسمت اله حجيت بتعب،
-جا البنات وين؟!
-بالدوم
هزيت راسي ودخلت الغرفة شمرت حذائي وطلعت ملابسي رحت سبحت ولبست تراك فرشت فراشي ونمت بجوعي وتعبي وملجأي الوحيد هوَ النوم، كعدت اخر الليل اگلت ونوب راجعت الدروسي لحد ماغفيت يابة شكد انام، رجعت نمت، كعدت الصبح غيرت ملابسي وطلعت من البيت لابسه الگعب وطك طك صوت، صعدت گيه وصلني لجامعه نطيته كروتة وباوعت لشارع اجت عيني بعينه تقدم ناحيتي وكال
-صباح الخير
دنكت راسي وهمست: صباح النور
-اليوم اول يوم الج دريبالج على نفسج وعلى دروسج خوش
باوعتله شديحجي هذا يوصيني وليش يوصي كتلت روحي حتّى اوصل لهـاي المرحـلة"باوعتله وخـزرتة
:-صحيح
-يلا حروح الله وياج
رجعت اكمل طريقي ودخلت الجامعه بدإ المحاضرات وتراكمات محاضره محاضره جريت نفس، طلع الدكتور وطلعنه وقت الاستراحه طلعت من الجامعه باوعت اكو شط نظيف المكان يجنن كعدت بالمكان، سحبت نفس عميق، وزفرته باوعت من كل الاتجاهات مااكو ي شخص مرت ربع ساعه علىكعدتي واخيرً نطقت
-حتكول عليه خبلة او ماعنده عقل بس ماعندي احد اسولفلة او افضفضله عن البداخلي ومحد يختم بالسر هالوكت نادرً نلگه ولو الكه انسان يختم سري وثقتي...
-مهررره المحاضره بدت
التفتت فازه كمت انكث بملابسي ورجعت المحاضره دخلت القاعه وهاي اخر محاضره وينتهي الدوام،  صعدت گيه بالشارع باوعت المكان المستشفى منغلقه رجعت للبيت ومن رجعت  باادربونه صوت صياح وكفت فازه منتبه على نبرة الصوت ومنو بنص  شارع اسمع صياح ابوي بصوت عالي كلبي نقبض من اسمع صوته ونظرات الجيران تحاوطني عبألك انا المذنبه بلعت ريكي بخوف دمعتي بطرف عيني رفعت راسي شوكت يرتاح كلبي شوكت اعيش مثل للبنات ليش هيج ربي، طرقت الباب فتحته ايريم وجهه اصفر من الخوف نظراتنه نفس النظرات القلق والرعبه والرهبه والخوف وكمية الحزن على دانعيشه وغموضنا بالوسط هذا العائلة الغير متافاهمه همست
-شصاير؟؟!
ردت بعصبيه
-ابوووج...
______________
نهاية البارت-٢-
_

_____________

اشتاقيتولي؟ اشتاقيتلڪم
يتبع فستقاتي🌰
لحظه لحظه، هذا فستق لو بُندق🌰
يلا سلكولي فُستقاتي الحلوات
اتمنى تشاهدونة النهايه واكيد حتعجبكم
طبعًا مهره
من الفستقات
اقصد داتباع القصة ومتابعتني
عذروني اذا ڪان في اخطأء املائيه

شنو تتوقعون البارت لقادم؟!
البارت القادم اقوئ ان شاءالله احداثة نار واطول..
اعتذر اذا كان البارت قصير واعرف مقصره
بس انا في سفر
احبڪم
فستقاتي ودعًاا
سنعود...
.. 🌰🌰..