#النسر_ الذهبي
بقلم الڪاتـبـة زيــنو ﮼zainab ali ﮼
لاتنسى التصويت وتعليق لطفًا وليس أمرًا
فُستقاتي🌰...
ــــــــــــــــــــــــــــــــــــــ
إذا متريدني ومابيك جَيّه
وما مر بيك ضيم المار بيه
لتخليني حاير بين الاثنين
لو اتانيك لو اتاني المنيه
آنه اتمنى اكلك عايش بخير
بس المُشكلة مبين عليه.
ــــــــــــــــــــــــــــــــــــــ
طحت بالكاع على ركبي ابجي اريد اعرف شنو ذنبي وليش
هيج يتصرف وياي ومعاملتة من دون خواتي انا ليش يكرهني وليش مايتحمل هالمسؤليه انا شنو ذنبي.... وليش انا التحمل كل هالذنب
طكت روحي وانا ساكته ومتحمله كل هالذيه
مسحت دمعتي وكمت بسرعه بدلت ملابس واخذت تلفوني وشاحنتي، لميت كتبي واالاحتاجهن بالجنطه صغيره وكتف كدام المرايه مبتسمه،
امشي ابهامي على وجهي ملامحي ذبلانه
بلعت ريك وبللت شفتي ريكي يابس، شربت ماي غمضت عيوني اهدإ بنفسي واكول ميخالف مهره فترة تعدي وتهون واذا
ماهانت موتي نفسج وارتاحيي
سمعت صوت محمد يصيح بـ اسمي
طلعت من الغرفه كاره الكل، درت وجهي حتى بدون سلام امي تبجي وراي وكلام ابوي ويهمس
-ولي روحه بلا رده
درت وجهي عليه وعيوني مليانه دموع حجيت بصوت مبحوح: اذا تكرهني هاكد اكرهك بضعف كرهك الي اقرف من اكلك انت اب واخجب من اكلك بويه لان ماتستاهل هالكلمه، محمد خزرني وابوي يغلط ويسب، مااهتميت لان متعوده على كلامه محمد،
لزمني من ايدي يمشي وانا وراه مخطيني بطوله ضحكت بكلبي طلعنه من للبيت نمشي بدربونتنه وشوارعنا باوعلي وكال
-لاتحجين هيج وياه ميصير ابوج مهما يكون
- باوعتله بغضب ونترت: وانت قابل بفاعله وتصرفاته كرهت نفسي من سببه
-هههه شبيج عصبتي
-اسكت محمد مالي خلك
-بس خلينه نروح للشقه وانا ادللج هناك
-ديلا هسه اشلون شقه كله قذاره مو؟
-شدراج كاتله الوصخ
شهكت بصوت عالي: جذااب اييع
- ادرف بضحكته: هههه
مشينا شويه واجر سياره هزيت ايدي وكلت لو صاعدين من زمان مو احسن صعد ليكدام وانا ليوره حطيت راسي عالجام وافگر صافنه بفگاري وعالمي الخيالي، الواسع
غمضت عيوني نعست من الطريق ادوخ، فززني صوت محمد يطك بالجامه فتحت الباب ونزلت باوعلي وكال
-شبسرعه بويه نمتي
-هههه تعرفني ادوخ من طريق
سكت غلس وانا مشيت دخلن للشقه نضيفه الحمدالله باوعتله وحجيت
-عبالي وصخه وافگر اشلون انام بالوصخ
-اووي ست مهرور ميعجبه اله فندق خمس نجـوم
-هههه هسه امبارك بيت نظيف مو اله خمس نجوم....
دخلت للغرفه اول مافتحت الباب كعدت وره الباب بجيت بجيت لحد ماتعبت، والله اموت نفسي مو احسن هسه تكولون تبالغون بس صعبه ياناس محد يحس بشعوري ليش يكرهني وليش هيج ياعملني وليش وليش والف ليش ومالكه اي جواب الأسئتلي الغامضه، كمت ادور بالرفوف
اصيح وينه وينه رااااح يربي بس كون اكوو دورت بعيوني ماكو، انتيهت صاير بالرف الأخير زففرت انفاسي وسحيته كعدت نفس المكان ورا الباب
اشكك بـ اديَــه ودم يصب، غمضت عيوني شهكت بوجع وذبيت المؤس من ايدي كرهت نفسي، ليش اعذب امنة الله حرام عليج مرهه روح هااي اشلون اذي النفس، ياااارب سااااعدني والله مالي غييررك ياااار اااخ يااايمه تعبتتت والله تعبتت
طيكت ايدي بالباب لو شاغت روحي كمت اطفر من الوجع شويه ورحت غسلت وجهي وتذكرت كلام رفيف تگلي صلي اءا تعبتي من شي رحت توضيت وفرشت سجادتي سجدت ربي وبجيت ودعيت من گل كلبي غفيت وانا على السجأده فتحت عيوني بغواش وافگر العالم شنو تكول عليه اكيد مسويتله مكسوره وطرده ابوه وليش يحجون وانا شعليه بيهم طزز بيهم وبكلامهم مايهمني بس كلام الناس يجرح،اشش مهره انتي قويه اسكتي ولاتهتمين غير بدراستج رجعت غمضت عيوني احاول انام وماااريدافكر بشيء لان فعلاً اذا افكر راح اموت من تفكير وبس اكل بروحي، طفرت مفزوعه من دكت الباب وصوت محمد يصيح وينج كمت لفيت ايدي
فتحت الباب اول مافتحت الباب كال
-شبيهن عيونج
-جنت نايمه
-لاتجذبين.. لاتبجين مهره انا اخوج وابوج وشنو تحتاجين طلبي يروحي
نترسن عيوني دموع تأثرت من كلامه حضنته: تمنيت، تمنينتت لو ابوي ليحجي هيج تمينت لو،لو بس يحضني والله احبه جذب من كتله هيج لان قهرني و..
-ججج ولج ماكو فرق انا اخوج واموت عليج
-احبك محمد مااريدك مثلهم تصير تحب اذيتي
باسني بشعري وتحسر: اختي انتي اموت عليجج اذي روحي ومااذيج
اااخ شكد تأثرت وفرحت بكلامه ابتسمت وبعدت من حضنه كالي روحي غسلي
ماسويت باطل رحت غسلت وجهي وكلما
اتذكر كلام محمد اطير من الفرح
وابتسم غسلت اديه وعقمتهن بدون ماينتبه عليه جان منطيني ضهره التفت عليه وانا غطيت ايدي اخاف يضل يحجي عليه
باوعلي وكال: يلا اكعدي
كعدت بالكاع بدون مااحجي جان جايب
اندومي وببسي جبس ليز
هوه انا شتفتهن لو نسيت الهم والحزن
كعدت اكل واشرب ببسي جان واكف بصف السنك متكف اديه ضحك وكال
-ام بطن بس تشوف الأكل تنسا حتى امها
-هههه جوعـانه
-اكلي هسه اجي
راح وانا مستمره بالاكل دخل بيده علاكه رفعت راسي اباوعله مستغربه فتح العلاكه جان تراكسود ابتسمت اله وكال
-حلو؟ بلا كومي جربيهن
-االله حلوات هذني الك
-ااكله كومي جربيهن تكلي الك، لا الج كومي
ضحكت وهزيت ايدي: وين صيرلي تريد تضحك عليه
-دكوومي هسه
تأفتت وكمت اسحل بنفسي، دخلت للغرفه
لبستهن اباوعله بالمرايه هوه حلو بس طالعه مهرج يعني جبير عليه طلعت من الغرفه باوعتله وصحت: هاااا
-ههههه
باوعتله بنزاعج وحجيت: ليش تضحك
-حلو والله هههه بس جبير
-غير انتَ جايبـه
-هههه حلو
-كااافي لاتضحك
نوب يضحك بزايد من اكله ضحكت كالي
-ولج والله حلو لو ماطولج
باوعتله وعيبت عليه ضحك وكال
-تعالي عندي مفأجاه الج
تخوصرتله وحجيت: يمه الله يستر من مفأجاتك
-غبيه تعالي
-غبي جايه
رفع حاجبه: عليمن؟
-شنو؟
-الغبي
-ها شسمه مو عليك
-ايي عبالي
-يلا وين المفأجاه
-دامشي براا
لبست الكبوس التراك وطلعت وراه جانت موجوده دراجه صحت ااالله كال
-تعالي جربيه اصعدي وراي
-ااه صدك؟
-والله.. نطلع محد يعرفج بنيه اشو بتلله دوري
ماسويت باطل درت كال: اي اصعدي عبالك زلمه
-ياا صدك؟ عابت كل هالنوثه مو بعينك
-شو جنج كمر وعلي
رمشت بثكل: اي اعرف فديتني
-ديللا لا ابطل
-لا كلش ولاالدراجه تعرفني احبه
صعدت وراه وطلعنه من للبيت للشارع حضنته من وراه صوت الدراجه عالي ضحكت والكبوس كل شويه انزله لا يطلع شعري ضحكت وكتله: هادي اصيح
-هههه لا ولج شتصحين لايعرفونج بنيه
-ههههه
ضحكت بصوت عالي وحجيت: خلينه نروح للسواق
هز راسه موافق ونزلنا يم الأسواق نزل هوه وانا وراه اغطي بشعري باوعتله ردت احجي ادرف: جبس ليز بكل الانواع صح؟
ضحكت حافضني وهزيتله راسي دخل للسواق وانا برا يم الدراجه اخاف ياخذونه، اباوع للدراجه وعقلي يكلي اصعدي سوقي
لا نوب اندعم، لا شنو تتندعمين دصعدي مهره
تحمست وصعدت بسرعه
أنت تقرأ
النـسر الذهبي
Randomمن انـا لماذا هنا حياة لاتعرف تعدل بين الصح والخطأ كنت اتمنى اعيش سعيدة لكن العكس هوَ الصح مسيرة مضلمة سير طويل لايعرف الوقوف في وسط عينها كسرة حزن، من يهتم لحزنها، من يهتم لهـا من الذي ينقذها من جحيمها نسًر ذهبيًا يراقبها من كل الاتجهات ...
