داليا بَنُو قَيس
سُلطَةْ الفُتُور
..
باوعلي جدو وگال ..
طه : منو منهم اذاچ بس اشريلي .
روان : كلهم اذوني ما عدا بيت عمو سلام
وطلع منهم هذاك .
اشرت عليه وهو وسع عيونه مصدوم ..
صاح جدي بصوت عصبي ...
طه : امير !
رد امير بصوت عالي لكن نبرته كانت بيها احترام
واضح ..
امير : نعم حجي طه .
طه : مأذي روان بشي ؟
امير : والله يا حجي حسب علمي كُل شي ما
عندي وما مضوجهه بشي .
طه : ليش اشرت عليك ؟
امير : علمي علمك ما ادري .
طه : سولفي روان ليش اشرتي عليه .
اردفيت بصوت واضح وعالي بحيث الكُل يسمعني ..
روان : گدام الكُل ومن هاي اللحظة الشخص هذا
وجوده وعدمه واحد حاله من حال اهلي وعمامي
وخوالي . حتى اسمه بعد ما اذكرة على لساني .
وهذا يوم وهذاك يوم وخلي كُلها تشهد منا وبعد
اي واحد يحاول يأذيني لو حتى بالكلام اخلي
يشوف روان و حجي طه و نورية آل تركي
شنو يسوون بيه . وهو واحد منهم .
طه : شمسويلها امير وهيچ تسولف ؟
نورية : خاف عبنو دافع الهم گدامها ؟
طه : على كُلاً السالفة تنسد قبل طلعة الشمس
و اي واحد عنده اعتراض خل يشرف يوگف گدامي
اشوفه الموت يا لون .
كلها بقت ساكتة محد نطق لو بحرف ..
الهدوء احتل المكان ..
باوعلي جدي وگال ...
طه : يلا وهسه تسوون مثل ما گلت الكم ،، بلشو
بالسرة وكلكم اعتذرو منها بصوت عالي اريد الكُل
تسمع اعتذاركم .
نهضو نص راضين ونص محد راضي اول واحد منهم
چان ابوي باس راسي واعتذر مني ..
بقة يحچي بس مو ربع ساعة و اني ما حطيت عيني
بعينه ..
صعب بعد هاللحظة اعتبرة ابوي اني وصلت للموت
وهو كُل همة چان لا شعر زهراء يتگطع ..
كمل كلامة ورجع باس راسي وصفن بوجهي ..
أنت تقرأ
سُلطَةْ الفُتُور
Fiction généraleعَمَّ الهدوء في ذلك المكانْ حيث لم يقدر عليها ايَّ إنسانْ أشارت الى ملامحهم التي رُسِمَت للخِذلان ثم اكملت حديثها بِصوتٍ غضبان : گدام الكل اگولها وما ارجع اكررها اني مهما اكون انثى ، بنت ، مراهقة ، عجوز ، لو مهما كان الوقت والعمر الي اني بي...
