سُلطَةْ الفُتُور

الحلقة السابعة

داليا بَنُو قَيس

سُلطَةْ الفُتُور

..

طبيت للهول لگيته گاعد بصف جدي يحچون

بصوت ناصي ..

باوعت بصدمة وحچيت ..

روان : خير ؟ شكو جاي ؟

نتر جدي بعصبية ..

طه : روااان .

_ اي جدو .

_ ممنوع تحچين بهيچ صيغة ويه اي ضيف .

اشرت عليه وحچيت باستهزاء ..

_ ليش هذا ضيف ؟ و الله يا الله .

عفتهم وتوجهت لغرفتي ..

انوب عليه نعلان شعنده جاي هنا ..

تمددت حتى انام ..

بقيت اتگلب بفراشي ميجيني نوم ..

مغمضة عيوني وايدي على راسي ..

شوية واندگت الباب مالتي ..

نهضت فتحتها فاتت بيبي ..

رجعت گعدت بمكاني وهي اجت وگفت مقابيلي ..

نورية : امشي وياي راح اروح لرفيجاتي .

_ ما اريد ما بيه حيل .

_ يااا من شوكت ما بيچ حيل تجين وياي

خاف بيچ شي ؟

_ لا بيبي بس شوية تعبانه من الدوام .

_ خوش لعد اني راح اروح يمكن ما ارجع

لليل عود سوي عشا لجدچ ولصخمان .

_ بس لا يبقى هنااا !

_ اي لان جدچ لح عليه ما قبل يروح .

_ يبوووو هسه وكت الكرم والملگه مال جدو ؟

_ انچبي ولچ الضيف لازم نگوم بواجبه ونحترمة .

هزيت راسي وهي طلعت ..

رجعت تمددت الف فكرة براسي ..

احس بالقهر على الي صار بيه .. ليش ما عندي

دموع ؟

اريد ابچي احس نفسي مخنوگة بس كل مرة  افشل

متنزل مني حتى لو دمعة وحدة ..

شوية وبديت اغفى ..

گعدت اثر صوت غريب بالغرفة .. فتحت عيوني

على كيف ..

حسيت نفسي حلمانه ورجعت غمضت ..

رجع تكرر الصوت ..

فتحت عيوني باوعت لمصدر الصوت ..

فركت عيني بقوة ورجعت فتحت احاول استوعب ..

هذا شجابه هنااا ؟

باوعت عليه واگف يم الكنتور يحاول يفتحه