F.B.T.L

ဇာတ်လမ်း (၁)

အမည် - မင်းမြတ်သိက္ခာ။

အသက်- ၂၉နှစ်။

မွေးနေ့ - ၁၁ရက် ၁၁လ ၁၉၂၃ ခုနှစ်။

အရပ် - ၆ပေ ၁လက်မ ဝန်းကျင်။

အရည်အချင်းနှင့်ဂုဏ်ပုဒ်များ - (တက္ကသိုလ် ကျောင်းသားခေါင်းဆောင်၊ အင်္ဂလန်နိုင်ငံ University of Oxford မှာ ၁၉၄၈ ခုနှစ်တွင် ဘွဲ့ရခဲ့၊ဘိလပ်ပြန် ၊ ရေနံကုမ္ပဏီတစ်ခု၏ အကြီးတန်းအရာရှိမင်း ၊ စည်းစိမ်ချမ်းသာကြွယ်ဝပြီး မြို့တော်ဝန်၏တစ်ဦးတည်းသော သားဖြစ်သူ။
.
.
.
.
.
.
.
.

ဇာတ်လမ်းအစ...
          
                ၁၉၅၂ ခုနှစ်ဝန်းကျင်...။

မြို့တော်ဝန် ၏ အိမ်အတွင်း လူများစုရုံးစုရုံးနှင့်ဝင်ချည်ထွက်ချည် ပြုလျက်ရှိကြသည်။ခြံအတွင်းတွင်တော့ စတုဒီသာ ကျွေးသလို စားပွဲဝိုင်းများခင်းကျင်းထားပြီး ဟင်းအမျိုးအမည်စုံလင်စွာနှင့် ဧည့်ခံကျွေးမွေးထား၍ မြိန်ရည်ယှက်ရည်နှင့်စားသောက်နေကြသည့်လူအများအပြားပင်။

အားလုံးသပ်သပ်ရပ်ရပ်ဝတ်ဆင်ထားကြသည်။မော်တော်ကားတွေ မြင်းလှည်းတွေ ဂါလီတွေ မမြင်ချင်မှအဆုံး...မြင်ကွင်းအတွင်းမရေတွက်နိုင်အောင်နှင့် ကျယ်ဝန်းသောခြံဝန်းကြီးအတွင်းအစီတရီတမျိုး ဖြစ်သလိုထိုးရပ်ထားသည်ကတမျိုး ။

ဤနေ့သည်ကား မြို့တော်ဝန်ဦးကျော်ညွှန့်၏ ဒုတိယအကြိမ် မင်္ဂလာဧည့်ခံပွဲဖြစ်ပြီး အစိုးရဝန်ထမ်း အရာရှိတော်တော်များများနှင့်ရပ်ကွက်သူ ရပ်ကွက်သားများ ဝိုင်းဝန်းအားဖြည့်ပေးမှုကြောင့် သိပ်ကိုစည်ကားသိုက်မြိုက်စွာပေါ့။