اقول ان الجمال انتي وكل العشق بأسبابك

البارت الثاني

-أستغفرالله العظيم
-

دخل غرفته يحس بثقل على قلبه ، اخذ ثوبه يلبسه ويحاول يقنع نفسه انه ما سوا الا الصح ، هو حتى البنت اللي اختاروها له مايعرف عنها شي
لبس شماغه وكبكه ووقف قدام المرايه وتعطر
لف على امه اللي دخلت غرفته وهي ماسكه البخور وابتسم لها بمجاملة : حي الله ام أدهم ، ابتسمت بفرح وقربت البخور منه : يلا يا امي ان شاء الله اشوف عيالك
هز راسه وبخرته امه : اذا صرت جاهز ننزل
أدهم : خلاص انزلوا وانا جاي ، نزلت امه وهو فتح دولابه وطلع صورة حنان ، باسها لثواني طويله ورجعها الدولاب
نزل باستعجال وضحك من سمع زغاريد امه ورفع حواجبه من شاف سيف ولده لابس ثوب وشماغ
قرب منه جده أدهم وطبطب عليه : الله يتتم لك يابوك
تمتم بآمين وطلعوا كلهم

بـ قصور آل ثنيان
تشرعت أبواب القصر وكل رجال القصر بلا استثناء واقفين بالخارج يستقبلون ضيوفهم
وقف الجد بارق قدامهم : يالله حيهم يالله ، تفضلوا تفضلوا الساعه المباركه والله
تقدم الجد أدهم يسلم عليه وابتسم : عساك بخير يابو صالح كيفك ، ابعد عنه وطبطب على يده : على ماتحب يابو سالم على ما تحب ، تفضلوا تفضلوا
سلموا على بعضهم وانتهى وقت التراحيب
كان تميم واقف يصب لهم القهوه ووقف قدام أدهم وهو يطالعه بنظرات حاده ، ضحك أدهم بسخرية لانه عارف ان تميم يحب بيان ولف على جده من قال : يابو صالح سبب جيتنا اليوم واضح، طالبين القرب منكم ، حنا طالبين بنتكم بيان زوجه لولدنا أدهم على سنة الله ورسوله
ابتسم الجد بارق : ابد والله ونسبكم ينشرى واحنا نتشرف فيكم ، البنت موافقه والله يتمم
ابو أدهم : اذا ماعندكم مشكله حنا نبي نظرة شرعية
ابتسم الجد بارق : حق من حقوقكم ، تفضل معي يا أدهم للمجلس الثاني ، قوم يا حازم قوم
وقف حازم معه وابتسم ووقف عند قسم الحريم وقال بصوت عالي : يابنت ، بيان
جته بيان ركض وحطها تحت ذراعه : يلا الرجال بينظرك
طالعته بتوتر : عمو ، تدري؟ خلاص ما ابي اتزوج
ضحك بقوه وهو يمشي معها للمجلس وفتح الباب وتنحنح ، دخلت ورفع راسه لثواني ثم نزله
جلست وهو يسوي نفسه انه قاعد يشوفها لكنه مو حولها ابدا ، مرت دقيقتين ووقف حازم : يلا بيان
وقفت معه بتوتر وطلعوا ، اول ما طلعت من المجلس زفرت براحه : عموو والله يخوف
ضحك وحب راسها : الف مبروك يابنتي الف مبروك
هزت راسها وتغورقت عيونها بالدموع وطالعها : بيان
لفت عليه ومسحت دموعها وابتسمت : يعني كنت افكر بس لو ابوي معي ، لانت ملامحه وحضنها : الله يرحمهم
شدت على ذراعه وطالع بأدهم اللي طلع من المجلس وهز راسه ، ابعدت عنه ولفت شافت أدهم واقف وقال بجمود : الزواج والملكه بعد اسبوعين
طالعت عمها حازم بصدمه وهمس لها : باقي ما تكلمنا الرجال سوا انتظري
دخل أدهم المجلس وجلس ودخل وراه حازم
طالع ببارق : الزواج والملكه بعد اسبوعين يا عم
حازم بإعتراض : البنت مايمديها تجهز بعد شهر مناسب
لف عليه أدهم : أجل بملك الحين والزواج بعد شهر
تنهد حازم : خلاص بعد اسبوعين ، على بركة الله
طالعت وريف بقهر : اخوك مستفز ، ضحكت وريف بقوه وقالت بصوت متقطع من الضحك : لييه؟
بيان بتقليد : الملكه والزواج بعد اسبوعين اننن
ضحكوا كلهم الا غيداء كانت تطالعها بقهر ، لفت بيان على وريف : هذي وش فيها تطالعني كذا؟
وريف بهمس : تحب أدهم ، اسفه على الصراحه بس لازم تعرفين ، زمت شفايفها وطالعت غيداء وابتسمت
طيرت عيونها غيداء وناظرت بالجوال
طلعت بيان بعد ما ارسل لها حازم تطلع : عمو ، ابتسم حازم وهو مستند على الجدار : تعالي ، طلعت به وقال بقلة حيله : الرجال رافض مره ان الزواج يكون بعد شهر ، قال بعد اسبوعين ولا نملك الحين ، ضربت رجلها بالارض بقهر وهمست : حقير ، مستفزز ، ضحك حازم وطبطب على كتفها : يلا ادخلي ، طالعته وغمزت : ماودك بعروس؟ شكلك ما يتفوت اليوم ، ابتسم وقرص انفها : عندك عروس ماعندي مشكله ، فزت من سمعت صوت الطلقه وفز حازم ركض