اقول ان الجمال انتي وكل العشق بأسبابك

البارت السادس

-استغفرالله العظيم
-
هزت راسها وهو طلع وتوجه لدوامه
بينما هي صحيت وشافت مكانه خالي ، مسحت وجهها واخذت روبها وقامت للحمام اعزكم الله
اخذت لها شاور وبعد ما خلصت لفت الروب على جسمها وطلعت ، أخذت الاستشوار واستشورت شعرها
طلعت الويفي وسوت شعرها وابتسمت برضى من شكله
سوت ميكبها وهي تتمايل على الاغاني اللي ماليه الجناح
اخذت فستانها اللي كان عباره عن فستان ابيض عاري الاكتاف بسير فقط ومن عند الخصر كريستال على شكل حزام ، شافت رسالة ميس ان الضيوف بدأو يتجمعون وزفرت بتوتر ، بالاسفل دخل أدهم من الباب الخلفي وشاف ميس : ميس ، لفت عليه وفزع : بسم الله وش جابك انت ، ضحك وحك حاجبه : شوفي لي طريق بطلع فوق ، هزت راسها : تعال ، اطلع بسرعه
طلع للدرج بخطوات واسعه وفتح باب جناحه بهدوء
دخل وابتسم من شم ريحة عطرها وفتح باب الغرفه وتنحنح : بياني~
لفت عليه وهي تلبس حلقها وجمد بمكانه من شكلها بلعت ريقها بتوتر وقرب منها وابتسم : وش هالزين والله حرام يشوفونه ، ضحكت بخجل وحطت يدها على اكتافه وقالت بتساؤل : ليه جيت؟ مسك خصله من شعرها ورفعها لثغره يقبلها : إفرحي يادنيتي ، حق امك وابوك اخذناه ، شهقت وغطت على فمها : قول والله أدهم
ابتسم وهز راسه : توني راجع من ساحة القصاص
هفت على عيونها بيدها ورفعت عيونها : ما ببكي عشان الميكب ماببكي ، ضحك وقبّل خدها وطالع ببطنها الي بارز بروز خفيف وحضنته : أحُبك أدهم أحُبك
عض شفايفه ومسحت بأصابعها على لحيته : تعجبني احس إني متوحمه عليها ، ابتسم ومسح بلحيته على خدها وكشرت : أوف أدهم ، ضحك وأبعد عنها وحب راسها : استودعتك الله وحصني نفسك
هزت راسها وطلعوا من الجناح ونزلوا تحت وودعها وطلع
شافت البنات برا : بنات ، لفو عليها كلهم وقالت أسيل بانبهار : حصنتك بالله من كل حاسد يا بنتي
وقفت بنعومه : شكلي حلو؟
ناظرتها ميس : اذا احنا ذبنا يوم شفناك كذا ، أدهم كيف؟
ضحكت بحياء ومسكت ندى يدها : يلا يا يمه

دخلوا المجلس سوا يسلمون على الضيوف ووقفت ندى بصدر المجلس وهي مبتسمة : زوجة ولدي أدهم ، بيان
ابتسمت بيان ووقفت جنبها وجلسوا
ناظرتها أحد كبار السن : إلا يا ام أدهم وش اللي غير الحال وترك ولدك يتزوج بعد زوجته الاولى
ابتسمت بيان من ردت ندى : والله القلب حب يا ام حسن
ناظرتها وحده من الحريم : حامل يا بيان؟ هزت راسها بالايجاب : ايه باول شهر
ميلت شفايفها بعدم اعجاب وصدت

طالعت بندى : عمتي بطلع اذا تبين شي ناديني
هزت ندى راسها وهي طلعت برا القصر
راحت عند الحديقه وجلست على الكرسي
مر الوقت ونست الضيوف وهي جالسه برا
غمضت عيونها من نزل شماغه على كتفها العاري يغطيه وجلس جنبها : وش صاير يا دنيتي
هزت راسها بالنفي : اشتقت لك ، رفع يده حول ظهرها وحضنها : بيان ترا اعرفك ، قولي وش مضايقك
ابتسمت ومسحت على خده : تضايقت شوي منهم وطلعت ، عدل جلسته ومسك يدها : وش صار
تنهدت ونزلت راسها : يتكلمون عن حنان
شد على يده بغضب : وش قالو؟
بيان : يقولون انك قبل كان حبك لحنان الكل عارفه وش اللي غيرك وقررت تتزوج غيرها ، يعني فيه وحده تقول انك ماخذني عشان تنسى حنان
مسك ذقنها ورفع وجهها : أول شي زوجة أدهم ما ينزل راسها مادمت أشم الهوا ، ثانيا خليهم يتكلمون ، عايشين معنا هم؟ بيان ، انا ماكنت أحب حنان ،انا كنت احترمها وأغليها ، لانها كانت ما تقصر معي بشي
بس انتي؟ والله هالقلب ماحبك الا انتي ، انتي غلاتك غير بقلبي غير
ابتسمت بدموع وحضنته وضحك : يعني كل مرة اعترف بحبي لك تبكين؟ هزت اكتافها وضحكت ببكي : كله من الحمل وش اسوي
شد على خصرها وقبّلت لحيته ، وقف ومسك يدها ودخلوا وشافهم متجمعين كعادتهم
جلسوا معهم ثم دخل سيف ابو أدهم وفزو كلهم يسلمون عليه ، وقف قدام بيان اللي حبت راسه ويده وابتسم : الله يرضى عليك يا بنتي ، بشريني كيف أدهم معك ، ابتسمت وطالعت فيه بحب : كويس يا عمي
هز راسه وطالع بأدهم بتهديد وضربه بالعصا على كتفه وقال : لا ادري انك مزعل بنيتي والله هالعصا تنكسر على راسك ، هز اكتافه وجلس : يعني مدري ليه تحبونها اكثر مني تراني ولدكم ، ضحكت وجلست وجلس سيف جنبها : الف مبروك يا يبه على الحمل نسيت ابارك لك
هزت رأسهآ بخجل : الله يبارك فيك عمي
جتهم وريف من الصاله الثانيه : بيان ميس لمى إبرار
لفو عليها واشرت باصبعها بمعنى تعالو ، وقفوا باستغراب
ودخلوا الصاله الثانيه وضحكت ميس بذهول : وريف مو صاحيه ، صفقت بيان وقربت وحضنتها : وكأنك تقرين اللي بمخي ، بنات والله فيني طاقه رقص ابي اطلعها
ناظرت لمى بسيف اللي جالس بينهم : بس فسه نقال علوم هنا ، ضحكت بيان وقرصت خده : خليه ، وريف شغلي السماعه ، مسكت وريف السماعه ورفعت راسها بطقطقه : طبعاً راح نشغل حب عشان ضيفتنا الهيمانه
ضحكت بيان بقوه وهي تربط بذلة الرقص على خصرها
وشغلت وريف السماعه وصرخت بيان بحماس
صفرت ميس واخذت علبة المناديل وطبلت عليها
وقفت وريف جنبه تنضم معها بالرقص وتتمايل بخصرها
مسكت ابرار السماعه وشغلت مصري
وقفت بيان بالنص بينهم وضحكت من وريف اللي ترمي عليها الفلوس وتصارخ
ركض سيف عند ابوه وهمس بإذنه ورفع أدهم حواجبه
ضحك سيف ورجع عند البنات وهمس باذن لمى : علمت بابا ان ماما ترقص ، كتمت ضحكتها ورفعت رأسها تشوف أدهم اللي مبتسم بخفيف ويطالع بيان ، بلع ريقه وهو يشوفها تتمايل بخصرها وتهز صدرها ولفت عليه وصرخت : يمهه ، الله لا ياخذك ، انت من متى هنا
مسك يدها وسحبها ومشى للمجلس ودخل وقفل الباب
نزل راسه يقرب ثغره من ثغرها ويقبلها بقوه
دفته من صدره ومسك خصرها وشدها له ويميل وجهه يتعمق بقبلته لها اكثر واكثر ، نزل بقبلاته على نحرها وهو يتنفس ريحة عطرها : أ أدهم ، رفع راسه ومسك يدينها ورفعها على الجدار وهو مبتسم : لابسه احمر ، ناسيه اني ثور؟ ضحكت بذهول وسحبت يدها من قبضته : قليل ادب ، ابتسم وحب راسها : اشكر سيف اللي علمني
ابتسمت بخجل ودفته : خلاص عطيتك وقتك الكافي يلا روح ، صح نسيت همهم لها وكملت : ابي فلوس بنطلب احنا والبنات عشاء هز راسه وطبطب على جيوبه وطلع محفظته وعطاها بطاقته : خذي حبي
حضنته بقوه وقبلّت لحيته : حبيبي
ابتسم وشد عليها وابعدت بخجل : بروح
هز راسه وفتح الباب وطالعت البنات ووجهها احمر
ناظرت سيف اللي كاتم ضحكته وركضت عنده وشالته ومددته على للكنب ، دغدغته ببطنه وهو يضحك بصراخ وقالت بضحك : ليه تعلم بابا ها؟ ليه
مسك يدها وقال بصوت متقطع : عشان بابا قال اذا شفت ماما حلوه نجيب لك أخ جديد
طالعت أدهم بحده ولف وهو يضحك ورجعت تطالع البنات ووريف اللي انكتمت من كثر الضحك : غبي غبي
اخوك هذا قليل ادب ، ضربت وريف على فخذها بقوه وانحنت وقالت بصوت متقطع : الحين عرفت ليه حملتي بأول شهر اثاري السالفه كذا
تأففت بخجل وضربتها على كتفها : حقيره
ابعدت عنهم وركضت للمغسلة
تنهدت وريف وهي تمسح على بطنها
طلعت بيان وهي تمسح وجهها بالمنديل : بنات خلاص عن اذنكم بطلع انام ، يلا سيف ماما
قام سيف عندها ورفعته : يلا ننام يلا ننام
ابتسم سيف يردد ورأها بطفولة ودخلت الجناح ثم راحت غرفة النوم وشافت أدهم نايم وحطت اصبعها على خشمها : اششش بابا نايم ، هز راسه ونزلته وفتحت الدولاب وطلعت له ملابس النوم وجلست على السرير
وفكت ثوبه ولبسته البجامه ، انسدح بسريره وجلست عنده تحصنه وتقرا عليه لحد ما نام
قامت وبدلت ملابسها وسوت عنايتها اليوميه وطلعت
انسدحت ومسكت ظهرها بألم : اخخ
رفعت البطانيه وغطت نفسها ولفت ونامت
قام على صوت منبهه ومنبهها ولف يطفي جواله : بيان
لفت وتغطت وطبطب على كتفها : بيان يلا قومي لدوامك
تأففت ومدت يدها تطفي الجوال
جلست ومسحت على وجهها وقام لدورات المياه اعزكم الله ، خذت لها شاور سريع ولبست توب ابيض على بنطلون اسود ، نشفت شعرها ورفعته ولبست اللاب كوت ووقفت قدام المرايا ، رفع حواجبه من شافها تفتح الماسكرا وقرب منها وسحبها من يدها بكل برود
تنهدت وسكتت لان مافيها حيل تتجادل معه
ضبطت حجابها وقال : اصبري نطلع سوا
هزت راسها تنتظره ومد لها الرتب العسكرية : لبسيني
ابتسمت بهدوء واخذتها تلبسه وقبّلت كتفه
رتب شكله وتعطر ومد يده : يلا
مسكت يده وخذت شنطتها ونزلوا ، ابتسموا من شافوهم وأختفت إبتسامتها من شافت غيداء