جنت كاعده وراها فا ماشفت وجهه زين حد ماكعد كبالي
حسيت كلبي كام يرفرف
ضليت سرحانه اباوع بأتجاهه
كبارن هوايه وانصدمت حاليًا عمره 21 ومتخرج هم !!
ونبي جنت متوقعه يطلع عمره 17 هيج
حاولت اشتت انتباهي بأي شي
كاعده مثل الصنم ما اعرف اضن نفسي فرحانه كلش بس منصدمه من مادري شنو
دنكت راسي مسويه روحي أعدل بساعتي
اول ما رفعت راسي صارت عيني بعينه
درت وجهي بسرعه
هوه كاعد يسولف ويا ابويه
واني المح منه نظره جان جميل بمعنى الكلمه
توترت من لاشيء حرفيًا
اخذت نفس وبقيت ساكنه ما اسوي شي
وهمه يسولفون واني افكاري متلخبطه
ورا مده من السوالف والأحاديث
رفعت راسي أشر لأبويه نطلع
قطع لحديث ابويه واترخص منهم
من كمت هم اجتي عيني بعينه طلعت اول وحده
ورحت اربط حذائي اتأخرت بيه كلت بلكي يطلع واشوفه
مادري شبيه كلت لأبويه نروح وهسه اريد اشوفه
الكل طلع ماعدى هوه
طلعت من فقدت الامل
ودخلت للسياره
رحنه اتجاه المول بس تفكيري مو يمي
اتسوكنه واكلنا ورجعنا للبيت بال١٠ باليل تقريبًا
بدلت ملابسي الدشداشه ونمت على جربابه
اني انسانه كراشتي بعد شعر راسي
اي شخص اشوفه اكرش عليه
بس بعمري وحياتي مداخله علاقه محرمه
ومستحيل ادخلها اصلآ
حرفيًا مستحيل من سابع المستحيلات
اسوي علاقه محرمه
من شفت سند حسيت بشعور اكثر من كراش او هيج شي اني معجبه بي
هوه مو مجرد كراش مثل كراشتي
طردت هاي الافكار من بالي وشنو يعني اذا حبيته راح اسوي ويا علاقه لو نزوج واني بعدي بكد الدوده
نزلت جوه سويت توست ونوتلا
وبقيت اتابع روايه كلساع يجي بالي
واطرده من تفكيري
حد ماتعبت من القرايه ونمت
كعدت الصبح بنشاط مو مثل العاده
نظفت غرفتي على السريع ونزلت جوه
اليوم اهلي ماخذين اجازه
اول ماشفته غمضت عيوني بمكر
وحركت اكتافي
ابتسم ابويه على حركاتي وأردف
زيد : يا ستار شكو
رغد : مادري هيج متحمسهههه للا شيء
زيد : ان شاء الله خير
رغد : وين ماما
زيد : بالمطبخ
رحت على المطبخ
لكيت ماما واكفه اتسوي بالريوك
رغد : صباح الخير
انتصار : صباح النور
رغد : يمه ماعدنه عرس عيد ميلاد حفله اي شي
التفت عليه عاقده حاجبها مستغربه
انتصار: شعجب انتِ مو هاديه ومتحبين الاعراس
رغد : هيج اجاني حماس اركصص
انتصار : خطوبه بنت ياسر الجمعه الجايه
عدلت كعدتي حاولت اسئل امي بدون لا اشككها بيه
رغد: ااا بيت ابو سند يجون ؟
انتصار : اكيد جا غير غدير خالتها
رغد : هاا اي هم صح
سكتت ثواني ورجعت سئلت
- شسمه زلم ونسوان لو بس نسوان
انتصار : اول شي راح يجون اهل للعريس والزلم موجوده وبعدين الكل يروح ويبقن بس نسوان
رغد : ها اني ما اروح لعد
انتصار : ليش
رغد : شعندي رايحه
أنتصار : عيب منهم عزمونه
رغد : اي روحو انتو
تركت الي بأيدها جرت كرسي وكعدت يمي
انتصار : يمه مراح تبقين طول عمرج كاعده بالبيت البارحه جريتج جر علمود نروح لبيت ابو سند
روحي ولبسي فستانج الجديد ايجنن واسويلج شعرج شبيج يا يمه
رغد : الله كريم عود بعدين افكر
كمت اخذت تلفوني وبقيت اكلب اكلب بالساعتين
وراها كمت اسبح ومشه اليوم طبيعي
اليوم الي ورا الي هوه يوم سبت
جهزنا الملابس والأحذيه والأكسسوارات وشويه غراض بعد
.....
رحت يم أمي متوتره
رغد :ماما
انتصار: هاي يمه
فركت ايديه ببعض متوتره اكللها اريد احط ميكب
رغد : اا اكدر اخلي باجر مكياج؟
انتصار: مكايججج؟
رغد : يمهه بس ماسكارا وكلوس و مال حواجب وبلاشر وبسس
انتصار: لاتفتحين هايه السالفه بعد وطلعي وسدي الباب وراج
كمت من الجربايه احجي بتوسل
رغد: يمه الله عليج بس هل مره الله عليج
غمضت عينها بغضب تحجي بعصبيه
انتصار : بس هالمره
فرحت كلش من وافقت ماجنت متوقعه توافق طرت من الفرحة
انتصار: يلا طلعي وسدي الباب
طلعت وسديت الباب ورايه
رحت نمت واني فرحانه للخطوبه...
يتبع .....
لاتنسون التصويت
لتعليقات بين الفقرات
صلو على محمد وآل محمد ❤️
أنت تقرأ
ولـِيف الـروح
Romanceفتاة في مرحله المراهقه تقع في حب احد أقاربها .. تابعو الروايه لمعرفه المزيد
