إخوانه فزعوله صارت مضارب الجهتين زلم معضله محد جاي يغلب الثاني
ورا مده من هايه الحرب
رفع مسدس بوجهي
مُثاب : مليت منكم محد جاي يضربني راح اكتلها وشوفوني قوتكم الحقيقة
يحجي بملل ولا مبالاه اعرفه يسويها صدك
كلهم وكفو عرك منصدمين منه
ما اجذب خفت كلش بس ميصير أبين نفسي خايفه
باوعتها من فوك ليجوه
رغد : من شوكت المسدسات بيد الزعاطيط ؟
هستوي كملت جملتي سحب أقسام وضرب طلقه بالگاع اجتي فيت يم رجليه
انرعدت رعد هاي الطلقه جانت راح تكون برجله اذا ما ابتعدت
صارت هوسه فضيعه وأبويه ملتهي يضرب أنجعصت ما اعرف وين أروح
التفت على أيد أتجرني هذه سند ؟؟
ضليت صافنه ولا أحل ولا أربط
قاطع تفكيري صوته الخشن
سند : أدخلي جوه سوالف زلم احنه نحلها
دخلت بسرعه مستحيه منه المشكله كلشي مسوه اني على شنو فرحانه لان صار حوار بين وبينه بس ما جاوبته خربب
ضليت واكفه بالباب أباوع بس ورا شويه لعبت نفسي شلون يلمس أيدي ؟..
سكتت وبقيت أباوع من بعيد
هذه الك*** مُثاب هذوله الزلم كلها ما كدرولك شكد معفن أيعع
عندهم كومه فلوس وتربيه صفرر
اتنرفزت منه كلشش واعرفه هذه مايسكت هيج طبيعي بلكت يرجع يسافر ويخلصنا من شره
والعركه مستمره
أجه ابويه من بعيد يسب ويفشر
يحجي بعصبيه
زيد : يلا بسرعه لبسن نرجع للبيت
لبسنا على السريع و طلعنا رجعنه للبيت
بدلت ملابسي ومسحت المكياج ورأساً نمت
.......
في عالماً أخر تماماً ، يجلس من قرب المدفئه ، وببيده كاستاً من الكحول والبيد الأخرى سجاره بُنيِه الون ، غالق عينيه بأرهاق
قاطع حبل أفكاره مساعده مهند
مهند : سيدي هايه ملفات تحتاج توقيع
يكلب بيهن براحه لا مبالي شنو محتويات هاي الملفات لأن واثق بمساعدة مهند مستحيل يخونه
ترك كاسته على الطاوله جر قلم
ووقع هاي الملفات على السريع بدون لا ينطق أي كلمه
أشر لمساعده مهند بلانصراف ليأخذ راحته بالتفكير
أخذ مهند الملفات من الطاوله متجه بأتجاه الباب
وكف مساعده مهند متردد
عقد حاجبه مستغرب ليش وكف
- ليش واكف؟
اتحمم ورجع كبال طاولته
يحجي بتردد
مهند: سيدي اني خايف عليك
انرسم طيف ابتسامه على ثغره
- من شنو خايف عليه ياترى؟
مهند : سيدي اعدئك كثرانه وانتَ ...
- وأني ؟؟؟
مهند : تختلق مشاكل بدون سبب
ضحك مستهزء من كل كلبه لدرجه بينت أسنانه ناصعه البياض
- لا تخاف مهند عشرين زلمه ميكدرولي
مهند : بس ..
قاطعه باصبع الابهم على ثغره
- أششش ، كافي مهند لتكون قلق بناحيتي اعرف اتصرف
مهند : حاضر سيدي ، نتعشى سوه ؟
- نتعشى ب2 ؟
مهند : بكيفك سيدي
- عوف الرسميات لعبت نفسي سيدي وسيدي
حتى ماكو موظفين
مهند : يلا تروح لو لا ؟
- أمشي
نهظ من كرسيه البني سحب سترته
وطفى السجاره بيده
مهند : شوكت أتبطل هاي العاده ؟
أبتسم ابتسامه واضح وراها سوالف وقصص هواي مماجوب على سؤال مهند
......
فزيت الساعه ب4 اليل على كابوس
مرعب بمعنى الكلمه ألتقط انفاسي بالكوه
نزلت بسرعه أجيب مي شربت البطل كامل
اتنفس بصعوبة بسبب الكابوس الي شفته
جاي اشرب المي حسيت أكو حركه بالصالة
عيوني بدت ادمع خايفه شنو ممكن يكون هذه الصوت
ما اجه بالي غير جني
بديت ارجف من فوك ليجوه ما اعرف شسوي ابقى بمكاني لو اصعد فوك ركض
اتمشيت على كيفي وكفت ورا الحايط مرعوبه معقوله هذه الكابوس ؟؟
حسيت بأيد على حلكي بديت أصرخخ
بس ماكو صوت الايد مكممه حلكي بأحكام
شويه شويه بديت أدوخ ..
كتبته على السريع اذا محلو باجر أعوض 🫶🏻
صلو على محمد وآل محمد 🫡❤️
سيوو
أنت تقرأ
ولـِيف الـروح
Romanceفتاة في مرحله المراهقه تقع في حب احد أقاربها .. تابعو الروايه لمعرفه المزيد
