طلعت وسديت الباب ورايه
رحت نمت واني فرحانه للخطوبه
....
كعدتني أمي الصبح
رحت سبحت على السريع
الحك اروح يم بنات خالتي يسولي الميكب و الشعر و همه الشمع
كملت سبح وابويه وداني لبيت خالتي وياي أختي زينب بس هيه راح تبقى يمهم
واني اروح للخطوبه
وصلنا ورجع لبيتنا
اول مادكينا الباب فتحو النا
سلمو علينا وبقينه كاعدات شويه
احنه علاقتنا كلنا كلش قويه كلش من الطفوله سوه مثل الاخوات وأكثر هم منستحي منهم ولا همه يستحون منا ابددد
ورا شويه صاحتني بنت خالتي الوسطانيه
رقيه هيه اكبر مني ب٧ سنوات بس عادي يعني كلنا هيج احنه كلنا عبالك نفس العمر ونتناقش بمواضيع كلنا نفهما
المهم جابت جهاز مال شمع خلته علمود يحتار ورا مده كمل الشمع وماع
اول ما رادت اتشلعه صرخت صرخ من كلبي
فد انئذيتتت اول مره اسوي بيه وحيل يأذي كلشش
حاولت تسوي على كيف بس ما فاد لزمت روحي كوه بقيت الوب حد ما كملت جابت مرطب وخلته على المكان
وراها جابت حفافه الاكترونيه وهمه تعور
ردت ابجي إلى شويه حد ما كملت
وراها جابن الفستان اخذت منهن كلش حلوو
هذه شكله :

جان بسيط لايَك للخطوبه
وطبعًا فوكا عبايه اختاريتها سمائيه ويا حجاب أبيض
خلولي مكياج خفيف كلوس وبلاشر وهذه مال حواجب ما اعرف اسمه ومسكارا وبس سولي شعري ويفي
واخيراً خلصت كلشي اجوي اهلي اخذوني علمود نروح
الخطوبه صايره بيت جدي لان بيتهم جبير
المهم وصلنا اول ناس اني صعدت فوك ورا شويه دخلت بنت عمتي ملك
سلمنا على بعض سولفنا شويه وبعدين كلوحده اخذت تلفونها وبدت تصفح
وار شويه سمعنا صوت الهلاهل بالبيت عرفنا عقدو القرآن
عفنا الي بيدنا وكفنه على درج نباع من فوك
وكعت عيني على سند
ما اعرف شوكت اجه لان قبل شويه أجني بس البنات
ضليت صافنه عليه وفاكه حلكي
ازداد أعجابي بي من شفته بكامل أناقته
لابس قاط أسود فاتح اول دكمتين من قميصه
ضليت صافنه حد ما أستوعبت ملك جاي اتباوع بأتجاهي
سويت نفسي مبهوره من أطلاله بنت ياسر غلا العروسه
هيه هم ضلت صافنه شويه عليه لان اول مره تشوفني منجذبه لولد
رسمت طيف ابتسامه على ثغرها
ورجعت تباوع من الدرج
ورا مده وأخيرًا طلعو الزلم
نزلت جوه شفت النسوان كبار وصغار تركص ودك وراح للكاع واني مستحيه على لا شيء أتحديت نفسي وكسرت حاجز المستحه
ذبيت العبايه والحجاب
اخذت نفس وطبيت بنص النسوان وجريت أمي
أتحولت كل لأنظار علينا
شغلت أغنيه يالرمانه
اغني ويا الاغنيه
رمانه يا رمانه
رمانه يا رمانه
رمانه يا رمانه
رمانه يا رمانه
عيني شبيج يارمانه
عيني شبيج يارمانه
أشوفج حايره وزعلانه
عيني شبيج يارمانه
ذبلان الورد بخدودج
من بجيتي وكعن عيونج
عيونج للصبح سهرانه
عيني شبيج يارمانه
اركص واحجي ويا الاغنيه
ساعه اهز خصري وساعه اطك اصبع
ركصت ركص مصاير ذبيت لحم والنسوان منصدمات مني الكل يعرفني هاديه وما أحب الطربكه ركصت حد ما هلكت ورجليه تعبت
كلش عبالك مجاي أحس بيها
ذبيت نفسي على قنفه تعبانه
مشت الخطوبه طبيعي
حد ماسمعنا صياح برا
بس صوت عالي كلش و شغلات تتكسر
طلعت أمي وأم العروسه و غدير
سحبت شالي و العبايه لبستها على السريع
أمي رادت أدخلني بس ما قبلت ادخل
طلعت لمحت ابويه يتعارك ويه قنادر المنطقه حشاكم
حرفيًا هذوله عائله يموتون على العرك
وهيلكه فد مره ولا عندهم أحترم ولا جبير ولا صغير وأخلاق معدومه زيرو
بقينه واكفين وزلمنه يكولون طبو وطبو
ومادري شنو كلهن طبن بس اني ما قبلت أدخل
كامو يصيحون عليه بس ما أهتميت
اريد اعرف هذه شبيه ويه أبويه
حسيت بأيد تسحبني لجوه لبيت
التفت عليها هاي أمي
انتصار : شجاي تسوين أدخلي جوه
ماقبلت ادخل بس دخلتني بالكوه
وكفت واني متعصبه
رغد : ليش طببتيني
انتصار : زلم بيناتهم انتِ شعليج
رغد : يتعاركون ويا ابويه واني واكفه؟
انتصار : شنو انتِ زلمه؟
تأفئفت ورجعت سألتها
رغد : زين شبيه هذه ويه أبويه ؟
انتصار : كالو حاجين عليج انتِ واخواتج وابوج تعصب عليهم
عقدت حاجبي بأستغراب
رغد: ليش احنه شمسوين ؟
انتصار : هذه الهيليكي خال سيارته ورا سيارة خطيب زها وكالو اله وخرها ما قبل وبقى يحجي ومادري شنو ابوج كاله احجي عدل لا حلكك اكسره وهوه جاي وحجه على تربيت أبوج
عيوني صارت بكصتي من العصبيه
بديت ارجف اني من أتعصب أرجف
فلتت ايدي من ايدها وطلعت ركض
كلهم وكفو حجي من أجيت
رغد : لك خيخه انتَ منو وجاي تحجي على تربيت ابويه؟؟؟؟
ابويه يجر بيه والنسوان طلعت ورايه يسكتني
هذاك الثاني ذب سسجارته بالكاع ورفع راسه عليه وغمز
مُثاب : هاي الحلوه بنتك
بس حجه هاي الكلمه الزلم كلها نامت عليه
إخوانه فزعوله صارت مضارب الجهتين زلم معضله محد جاي يغلب الثاني
ورا مده من هايه الحرب
رفع مسدس بوجهي....
يتبع ...
اليوم بارت طويل هيهييهيهي فخوره بنفسي
المهم سيو
صلو على محمد وآل محمد
أنت تقرأ
ولـِيف الـروح
Romanceفتاة في مرحله المراهقه تقع في حب احد أقاربها .. تابعو الروايه لمعرفه المزيد
