حسيت بأيد على حلكي بديت أصرخخ
بس ماكو صوت الايد مكممه حلكي بأحكام
شويه شويه بديت أدوخ ..
كعدت بسيارة ما اعرف لمنو بس ماكو أحد بيها غيري
رفعت شويه من جسمي اعرف اني وين
سمعت صوت خطوات شخص
رجعت ظهري بسرعه محاوله أمثل اني بعدي مغمى عليه
صعد شخص بالسياره
حاولت أعرف هذه منو شفته بالجامه شخص غريب أول مره أشوفه ملابسه متوصخه بالطين
يالله شجاي أيصير
كمت على كيفي بدون لا يحس
دورت اي شي يمي أضربه بيه كلشي مالكيت
حاولت أضربه بيدي الترجف كورتها وأقوى ماعندي ضربته على خشمه
بدى يصرخ واني مستمره بالضرب
السياره طلعت عن المسار بس الحمدلله ضرب بريك
نزل من السياره وعيونه تجدح نار
جر حديده جانت يمه وبكل قوته ضربها على راسي
رجعت فقدت الوعي
قبل لا أفقد كلش سمعته يحجي بالتلفون
- سيدي هايه كعدت ، اي اي ضربتها ورجعت فقدت الوعي ، تمام سيدي تدلل
ومن بعدها ما حسيت بشي
فتحت عيوني بمكان أضلمم
ما اعرف بيش الساعه ولا أعرف اني وين
حاولت أتحكم بخوفي والكه طريقه اطلع من هذه المكان
وكفت ورجليه ترجف امشي بصعوبه
جانت غرفه صغيره كلشش والدنيا ضلمه كلشي مينشاف
حاولت ما ابجي بس ماكدرت اتحكم بخوفي المشكله ظلمه اني اخاف من الظلام وبديت ابجي بحركه
كعدت بالكاع وجريت رجليه بالقرب من صدري
وبديت بدوامه بكاء مالها نهايه
بعد مده زمنيه طويله
سمعت صوت سركي الباب ينفتح
كمت بسرعه ما اعرف شسوي
دخل اثنين رياجيل يباوع بطريقه قذره
بعد مده نطق واحد منهم نفسه الي شفته بالسياره
يعض بشفته ويغمز
- لاتخافين منسويلج شي بس مقبلات الرأيس راح ياكل الوجبه الرئيسيه
احجي بصوت يرجف
رغد : الله عليكم عوفوني ما اكول لأحد
- اوففف
أتقدمو بأتجاهي واني اتهسترت كمت اصيححح واركض بالغرفه لزموني ثنينهم واني ادفر بيهم واضرب
نطق الثاني بتوتر
- لك صادققق سد حلكهاا ونبي لو يعرفون يخلون الدم بطولنه
هذاك الثاني جاب ايده القذره وسد بيها حلكي
عضيت ايده بكل قوتي اندمج دمه بلعابي
تفلته متقززه
وهوه يلوب متأذي ويفشرر
عافوني وطلعو ركض وسدو وراهم الباب
........
دخل للشركه بكل بقاحه بعد عملته الأخيره
يضحك ومستهزء بالموظفين ياكل حب ويذب بالكاع
مستمتع بخوف الكل منه واحترامهم اله على الرغم
من كلشي سيء وقبيح يسويه وياهم
فتح الباب بطريقه همجيه
مُثاب : ياصباح الخير عدوي الدود اووو واووو مهند هم موجود جميل الكل ملتمين هنا
ذب الملفات من ايده بعصبيه
غياث : شعندك هنا ؟
مُثاب : اكو واحد هيج يستقبل أبن عمه ؟ ترا اولت البارحه راجع من العراق والبارحة للأسف صارت المشكله
يحجي بأستهزاء
مُثاب : يكولون زعلت مني صودككك؟؟؟ هههههه
مهند : اطلع برا مُثاب
مُثاب : من شوكت الخدام يأمر اسياده؟
لزمه مهند من مأخرة ركبته
مهند : مُثاب لتسفزني من كوه لازم اعصابي
مُثاب : كلششش خفت راح ابجي
رفع مهند قبضه أيده مستعد ضرب مُثاب على ثغره بسبب استفزازه اله
بس الي وكفه هوه غياث ينطق
غياث : دومك تبجي مو اول مره
مُثاب : احترم نفسك ما اطيتك مجال
غياث: وشسوي ؟؟
التزم مُثاب الصمت
انرسمت أبتسامه عريضه على ثغر غياث وضحت أسنانه البيضاء
يحجي مستهزء ويحرك بأيده على مُثاب
غياث : متكدر تسوي شي هايه الحقيقه كلبي أتقبلها
تحولت عيون مُثاب للون الأحمر من شدده عصبيةة
مُثاب : أني اعلمك الك..
قاطعه بسؤولها
غياث : ال شنو ؟؟
طلع مُثاب خارج المكتب بعصبيه ضرب الباب بعد ماسده وهوه يدردم
أتحولت ملامح غياث من الاستهزاء للملامحه العاديه
غياث : شسالفة مهند متكدر تلزم أعصابك شويه
مهند : متشوفه شكد كو**
غياث: معليك بي هذه رادله جرة أذن
رجع نظره على الملفات الي كباله سحب وحده منهن يكمل شغله
يتبع........
لاتنسون متابعتي
و التصويت للبارت
والتعليقات بين الفقرات
معه السلامه 🫡🌹
صلو على محمد وآل محمد
ملاحظه / ممكن تتغير اسم الروايه والغلاف عن قريب
أنت تقرأ
ولـِيف الـروح
Romanceفتاة في مرحله المراهقه تقع في حب احد أقاربها .. تابعو الروايه لمعرفه المزيد
