A Shadow That I Didn't Know

1 ♡ A Very First Heartbeat

ဂျယ်ဂျူဒိုဆိုတာဟာကျွန်းမြို့လေး... ဆိုးလ်လိုမြို့ကြီးပြကြီးနဲ့ယှဥ်ရင် အင်မတန်ကျဥ်းလှတယ်...
ဒါပေမယ့် လှပလွန်းတဲ့ပင်လယ်ရယ်...
လမ်းလျှောက်လို့ကောင်းတဲ့ကမ်းခြေရယ်...
အရောင်အသွေးစုံလင်တဲ့သီးနှံစိုက်ခင်းတွေရယ်...
ပြီးတော့...ဆွန်းယောင်းအကြိုက်ဆုံး ဂျယ်ဂျူဝက်မဲသားလည်းရှိတယ်...ဟိ
အဲ့ဒါကြောင့်လည်းဂွမ်ဆွန်းယောင်းကဂျယ်ဂျူကိုချစ်တာ...

ဒီဇာတိမြို့ကနေ သူဘယ်မှမသွားနိုင်ရတဲ့အကြောင်းရင်းနောက်တချက်လည်းရှိသေးသည်...
အဲ့ဒါကတော့ အခုသူ့ရှေ့မှာမှောက်နေကြတဲ့ သူငယ်ချင်းသုံးကောင်ကြောင့်ပေါ့ ...
အလုပ်ဘယ်လောက်ပဲပင်ပန်းနေပါစေ အိမ်မှာဘယ်လောက်စိတ်ညစ်စရာကြုံပါစေ...
96Liner လေးယောက်ဆုံလိုက်တာနဲ့ သောက်ကြစားကြ ဟာသတွေပြောကြနဲ့ ရှိသမျှအပူအကုန်မေ့...

အခုတော့ဆွန်းယောင်းတယောက် သူသာသတိမေ့လဲပလိုက်ချင်သည့်အခြေအနေမှာ...

ညနေတိုင်းတဆိုင်မဟုတ်တဆိုင်မှာ ဆုံနေကြပေမယ့်
ဒီနေ့မှ မွန်းဂျွန်ဟွီးကသူ့ဆိုင်မှာဆုံမည်ဟုချိန်းသည်
သူ့ပါပါးတရုတ်ကပို့လိုက်တဲ့ ဂျင်စင်းနီအရက်ပုလင်းကြီးထုတ်လာလေသည်...

တေမိမင်းသား ဂျောင်ဝန်ဝူးက...

" ဂျွန်နား...ဆိုင်စောစောပဲပိတ်လိုက်တော့ကွ "

Gym Trainer ကြီး အီဂျီဟွန်းကလည်း...

" ဟုတ်တယ် ပိတ်လိုက်တော့ ပုံမှန်ဆိုမသောက်ပေမယ့် ဒီနေ့ငါလည်းဒါလေးမြည်းကြည့်မလို့ "

ပုလင်းမြင်ထဲကအကုန်လုံးကတက်ကြွနေကြတာ
ဒါမျိုးသူလည်းဘယ့်နှယ်လက်လွှတ်ခံလိမ့်မလဲ...

" ဟုတ်တယ် ဟုတ်တယ် ဒီနေ့တော့အရင်နေ့တွေထက်ပိုပျော်လိုက်ကြရအောင် အကုန်သောက်ပြီးမူးပစ်လိုက်ကြမယ်...ကဲ ငါ့လည်းတခွက်ထည့်ကွာ "

သုံးယောက်လုံးဆီမှပြိုင်တူထွက်လာသောအသံ...

" မင်းမသောက်ရပါဘူး "
" မင်းမသောက်ရပါဘူး "
" မင်းမသောက်ရပါဘူး "

အခုတော့ဆွန်းယောင်းတယောက် ပြုံးနေရုံသာတတ်နိုင်သည်...
တခွက်နဲ့တင်မူးတတ်လို့ သောက်ခွင့်ပိတ်ခံရတဲ့သူက
အကောင်းအတိုင်းရှိနေပြီး...
သောက်တဲ့ကောင်တွေက တယောက်၃ခွက်စီနဲ့မှောက်သွားပြီ...
အော် ဂျွန်ကတော့၄ခွက်...