صلوا عليه وسلموا تسليما 💜💜.
الدعوة لأهلنا فى غزة والسودان💜
"روح الروح هيدي روح الروح"
حتى لا ننسى.
__________________
تطرق الباب بقوة شديدة والفزع واضح على تقاسيم وجهها البهى.
اما بالداخل استفاق بقلق من صوت الطرق وهو يهمس بتعجب وغرابة.
_ده مين المجنون اللى بيخبط تلاتة الفجر ده..طيب طيب ثوانى ايه فى حد يخبط فى وقت زى..ده.
انهى كلامه بذهول تام وهو ينظر الى الماثلة امامه وجهها غارق بالدماء والدموع ملابسها كلها مبتلة ليست الفاجعة هنا بل فى هذا الطفل الذى تحمله.
لم تنتظر حتى توضح له حالها بل وضعت الطفل فوق يده وهى تبتعد بفزع واختفت فى لمح البصر.
تاركة ذاك المسكين ينظر اثرها بصدمة عارمة وهو يحمل الطفل بحذر ثم قام بتقبيله بلطف ودخل واغلق الباب خلفه.
بعد دخوله خرجت تلك الفتاة من خلف الجدار تنظر نحو الباب المغلق امامها ثم ابتسمت بحرقة وهى تشير بيدها كأنها تودعه.
_هرجعلك تانى يا حبيبى وانا فى حال احسن من ده.
ثم ركضت الى الخارج عازمة ان تعود مرة اخرى.
فى صباح اليوم التالى:-
استيقظت الام سمية وقامت بتأدية فرضها ثم اتجهت الى مطبخها تعد الفطور لها ولابنها الوحيد الباقى لها بعد تلك الحادثة.
انتهت من اعداده متجهة نحو غرفة ابنها ب ابتسامة سمحة وهى تنظر له نائم بعمق.
اقتربت منه وهى تناديه برفق.
_قُصَى قُصَى يلا يا حبيبي اصحى عشان تاكل لقمة قبل الشغل.
تمطأ قُصَى وهو يسحب الغطأ فوق وجهه غارق فى النوم مما جعلها تناديه مراراً وتكراراً.
_قُصَى قوم بقا شكلك سهرت اوى امبارح..مبدهاش بقا.
سحبت الغطأ عن رأسه بقوة وعن سائر جسده لكن صرخت بفزع من هول ما رأت.
_قُصَى انت يا بيه مين الواد اللى فى حضنك ده رد عليا يا حيوان امال فين الشيخ قصى المحترم امام الجامع..وربنا ل اعلمك الادب يا قُصَى قوم ياواد.
وكأن قُصَى فى غيبوبة لم يسمع صرخات وندآت امه مطلقا.
زفرت بضيق وهى تعرف جيداً كيف تستطيع ايقاظه.
_انا عارفة هصحيك ازاى يا ابن سمية.
اتجهت الى هاتفها وهى تضغط على احد الملفات الصوتية حيث صدع منها صوت الاذان مما جعل قُصَى ينتفض بقلق.
_يا خبر ابيض شكلى نسيت اصلى الفجر..ايه ده سمسم صباح الحلويات.
نظر لها بتعجب من صمتها الغير مفهوم لكن صاح بألم اثر ارتطام الهاتف فى كتفه.
_آه ايه ي امى العنف ده.
_مين ياخوى الواد ده وجبته امتى ان شاء الله وامه فين ولا تكون رمته ومشيت بعد الحرام ده كله.
_واد مين بس ياماما ومرات مين هو انا خاطب حتى وبعدين السرير فا..ض..ى لاااااا مين ده.
_والله المفروض انت اللى تقول مين ده.
نظر الى الطفل بعجب حيث ينام الطفل بعمق لكن وجهه شاحب بشدة ويميل للزرقة.
اقترب منه بحرص وهو يحمله بلين.
_الطفل ده حكايته حكاية يا امى.
شعرت ب الغرابة وهى تجلس بجانب ابنها متعجبة طريقة تعامل قصى مع هذا الطفل.
_فى ساعة الفجر لاقيت الباب بيخبط جامد جدا كأن فى جريمة حصلت قومت مفزوع وفتحت الباب لاقيت واحدة ست وفى ايدها الطفل ده بس حالتها كانت تخوف.
_ازاى يعنى.
_وشها ملان دم وهدومها غرقانة مياه وفجأة بدون انذار رمت الواد فى حضنى وجريت وانا من الصدمة ملحقتش اعرف عنها اى حاجه.
_يا سلام فكرك هقتنع بقا..اقطع دراعى ان مكنتش البت دى ماشى معاها فى الحرام.
_ماما اظن انتى عارفة ابنك كويس وانه مستحيل يعمل كده ثانيا انا خفت على الطفل بعد ما امه رمته ومشيت عشان كده خدته ودخلت.
_طب هتعمل ايه بيه يا فالح.
_هعمل ايه يعنى هربيه طبعا.
_نعم انت شارب ايه يلا.
_لا يا سمية الفاظك بيئة وهتأذى موسى.
_وكمان اسمه موسى.
_لا طبعا انا هسميه موسى لان معرفش اسمه.
استقامت وهى تضرب كف بكف حسرة على عقل ولدها.
