صلوا عليه وسلموا تسليما 💜💜.
الدعوة لأهلنا فى غزة والسودان💜
"قلبي انقطع عليكي يا أختي.. العــرب وينهم، المسـلمين وينهم؟"
"بيكفي ياعالم بيكفي"
حتى لا ننسى.
_______________________
بعد مرور ثلاثة اعوام:-
السابعة صباحاً فى مدينة بيروت:
استيقظت شفاء وهى تبحث عن غيث حيث لا وجود له على الفراش.
_غيث غيث..مش هتبطل شقاوة بقا.
توجهت نحو الحمام وهى على يقين من وجود غيث هناك.
بالفعل مجرد ان فتحت الباب رأته فى حوض الاستحمام.
_يبنى خليك مبتكر على الاقل.. يعنى كل يوم اجيبك من نفس المكان ده انت لو مولود فى بانيو مش هتعمل كده.
نظر لها غيث بشقاوة وهو يقوم بتحريك المياه يمينا ويسارا بسعادة.
لكنها لا تدوم طويلا فقد قامت شفاء ب اغلاق مقبض الماء وقامت بسحبه تحت اعتراضه وغضبه.
_للللا ثبينى ثبينى يا ثفاء.
_طول ما انت بتقول ثفاء دى مش هسيبك.
بعد نصف ساعة خرجت وهى تمسك بغيث فى يدها اليمنى واليد الاخرى تمسك بها هاتفها تتحدث مع احداهن.
_خلاص يا حبيبتي انا هجيبه انا وبعتذر على التأخير.
اغلقت معها وهى تشير الى احدى سيارات الاجرة متجهة الى "حضانة البلدة".
فى مصر _ القاهرة:-
وقف قُصَى بهدوء امام خاله فراس.
_حاضر يا خالى معنديش مشكلة بس ساعتها ممكن يحصل مشاكل فى الشركة خاصة ان دى رابع مرة نحاول نفتح فرع جديد فى نفس المنطقة.
_لا مش عايز نفس المنطقة انا بلغت حسناء تجهزلك كل الاوراق اللى هتحتاجها فى السفرية دى وحتى الفندق اللى هتبات فيه.
_طيب طالما مش نفس البلد يبقى آمان خاصة ان ظروف البلد دى مش مناسبة خالص.
_معندكش فضول البلد اللى هتسافر فيها دى اسمها ايه
والا خلاص معدش فارق معاك حتى اسم البلد.
_انت عارف كويس يا خالى انى مش بيفرق معاى المكان واسمه وهيئته المهم مين هيكون معايا المرة دى...استنى متقولش طبعا حسناء.
_ومالها حسناء يبن عمتى.
التفت لها قُصَى بضيق وهو يشعر انها ترتب لكارثة.
_عموما يا شباب السفرية المرة دى محتاجة تركيز احنا هنفتح فرع للشركة برا مصر لاول مرة وده محتاج جهد كبير وتركيز اكبر.
تقبل قُصَى وحسناء الامر بهدوء ولكن شعور قُصَى بالحذر مما يحدث يزداد خاصة مع اسئلة خاله الغريبة.
فى المساء:-
دخلت حسناء بخبث الى غرفة قُصَى وهى تتأكد انه غير موجود.
_اخيرا مش فى اوضته اما اشوف خباها فين اه اه.
_هى ايه دى اللى خبيتها فين يا حسناء هانم.
_يوووه هو انت بتطلع زى العفريت كده منين.
_ميخصكيش بتدورى على ايه فى اوضتى يابت.
_بت ايه احترم فرق السن بينا لو سمحت.
_فرق السن ايه يا هبلة انتى احنا راضعين على بعض اصلا اتلهى اتلهى.
_عموما عموما يعنى انا مش هتكلم معاك كفاية اللى انت هتشوفه كمان كام يوم.
_هه هه تصدقى خوفت وركبى بتخبط فى بعضها انجرى امشى من هنا يلا.
