صلوا عليه وسلموا تسليما 💜💜.
الدعوة لأهلنا فى غزة والسودان💜
بينما كُنت في السوبرماركت سمعت شخصًا بجانبي يقول؛ ستنتهي الحرب قريبًا بإذن الله، يحمِل هاتفه بين كتفه وأذنه، مستخدمًا يديه ليضع أشياءه المُنتقاة في سلته، ويبتسم.
مضيت في طريقي، ثم التقينا مجددًا بين الأرفف وهو يشتري نوعًا غريبًا من الشوكلاتة، سألته إن كانت الحرب ستنتهي قريبًا كما توقّع، تركني ومضى يضحك بصوتٍ عالٍ، كالمجنون.
هالني رؤيته يضحك هكذا ويمضي، سألت البائع عن السبب، أخبرني أنه يفعل ذلك كل يوم، يشتري الشوكلاتة المحبّبة لابنته الراحلة في الحرب، ثمّ يرفع هاتفه ويخبرها أن الحرب ستنتهي.
يظن الحرب ستنتهي، وتعود!
حتى لا ننسى.
__________________
مطار القاهرة الدولى:
نزل قُصَى وهو يحمل غيث على كتفه وفى يده يمسك بيد شفاء.
_أهلا بالعودة للبلاد الحبيبة.
_يختى اتنيلى هى دى الحبيبة..وبعدين يلا عشان نلحق نجيب شنط السفر.
بعد دقائق تم الانتهاء من التحركات الروتينية فى المطار ثم اتجه قُصَى بأسرته الجديدة إلى قريته حيث بيته العزيز مقره ومقر والدته.
_معلش بقا ياشفاء الرجالة لسه مخلصتش تركيب الاثاث ف هنقعد كام يوم على العفش بتاع امى.
_مش مشكلة يا قُصَى وحتى لو الظروف مش مساعدة مفيش عندى مشكلة اقعد معاك فى اى مكان.
اقترب قُصَى منها بحنان.
_ربنا يديمك ليا يا شفاء..يلا خدى غيث وادخلوا ارتاحوا شوية عشان بكره قدامنا يوم طويل.
بالفعل اخذت شفاء غيث النائم وهى تتجه إلى واجهة الغرف ثم توقفت للحظة.
_قُصَى.
الفتفت لها قُصَى بإنتباه حيث كان يقوم بترتيب الحقائب جانباً حتى مجئ خزانة الملابس.
_نعم يا حبيبي.
_هى فين الاوضة بتاعتك.
ابتسم قُصَى وهو يوجهها إلى غرفته البسيطة.
دخلت شفاء بحماس وهى تستنشق تلك الرائحة المميزة والتى كانت دائما تلاحظها على ملابس غيث.
_الريحة دى حلوة اوى يا قُصَى..بس مش بشوفك بتستخدمها اوى يعنى.
وافقها قُصَى الرأى وهو ينضم لهما فى غرفته.
_ايوة لان الريحة دى ماما الى كانت دايما بتجيبهالى من واحد قريبنا متخصص فى العطور ومن بعدها مبقيتش احب احط منها مع ان عندى كميات كتيرة بس بتفكرنى بحاجات كتير بتوجع قلبى.
اقتربت شفاء تبتسم له بحب.
_هى دلوقتى فى مكان احسن بكتير وبعدين الريحة دى بجد مزهلة بالنسبة لى..من يوم ما اخدت غيث وشميتها فى هدومه وهى عجبانى جدا.
_مقدرش اوعدك انى استخدمها بس بعدين بقا يلا عشان ترتاحى شوية وعايزين نكلم حسناء نطمن عملت ايه مع هارون.
_أه صحيح دول كانوا هيمتوا بعض لما خرجنا من المطعم امبارح..خلاص انا اول ما اصحى هرن عليها وعلى حيفا كمان..بس انت مش هتنام.
_لا عندى كام مشوار صغير كده اخلصهم واجيلك.
اقترب يقبل جبهتها بلطف.
_خدى بالك من نفسك ومتفتحيش لحد عشان لسه محدش يعرف اننا اتجوزنا اساسا..يلا فى رعاية الله.
_فى آمانه وحفظه.
