صلوا عليه وسلموا تسليما 💜💜.
الدعوة لأهلنا فى غزة والسودان💜
"بتنتقموا منا بالاولاد …..معلش"
"دارنا راحت وين بدنا نقعد؟!"
"ماضلش مكان نشـ. ـرد.. وين بدنا نشـ. ـرد؟ ماضلش مكان نسكن فيه".
-" ولا مرة
كان أي منهم رقماً ،
كان
لكلٍّ منهم بيتٌ
وقصة
وعائلة
وحلمٌ
وذاكرة
..وقَلب".
تذكرتم هذه الاصوات ..
جيد ..
حتى لا ننسى.
_____________________
فى بيت شفاء:
_هقوم اشوف مين واجيلك تانى يا حيفا اكملك الى حصل من قُصَى ام..
قطعت كلامها بشهقة وهى ترى قُصَى أمام الباب ينظر لها بإبتسامة.
_ تتجوزينى.
فغرت شفاء فاهاَ وهى تنظر له كأنه يملك رأسين على جسده.
اقتربت حيفا بحذر وعندما رأته تحدثت بشجاعة.
_ايش في استاذ قُصَى جاى تزعجا فى البيت كمان.
نظر لها قُصَى يحاول الابتسام والهدوء.
_استاذة حيفا كويس جدا ان حضرتك موجودة انا طالب ايد شفاء من حضرتك.
تلجمت حيفا وهى تناظر شفاء الصامتة مما جعل حيفا تشير الى الداخل بهدوء وتبعها قُصَى بسعادة.
_ تصدقى بالله انا طول عمرى بقول اهل غزة دول مش سهل نقابلهم مهما حصل..يلا يا شفاء يلا عشان نتفق بسرعة.
مرت سبعة دقائق بأكملها تتناقل النظرات بين ثلاثتهما حتى نطق قُصَى بمرح.
_كده بقى العجائب السبع هنشوفها بعد السبع دقايق دول مش كده..فى ايه يا جدعان هى القطة كلت لسانكم.
تحدثت حيفا اخيرا بنبرة جادة.
_ها يازلمة ليش بدك تتزوج شفاء.
_بصى انا مش هلف وادور انا عايز اتجوز شفاء من اول ما سابت غيث عندى ومشيت.
_اه ده طبعا بعد ما اتفقت مع جوزى الله يرحمه مش كده.
حاول قٌصَى التحدث بهدوء لكن هاله منظر شفاء الغاضبة وهى تتحدث بعنف ملحوظ.
_لا وايه عامل فيها الشخص المثالى وهو بيهتم بيه احسن اهتمام وعمل فيها شخص متفاهم لما روحت اخدته من البيت وهو مش موجود..لا ياقُصَى بيه انا مش هسكت على الاساليب المخادعة بتاعتك دى.
_ياستى انا مخدعتكيش اقسم بالله ما خدعتك انا اصلا عرفت عاطف بعد ما انتى اتكلمتى عنه بعد ما قولتى لا يمكن ابنى يكون شبهه وصدقينى انا نفسى اتفاجأت باللى حصل معاه وتفاجأت كمان ب اسلوبه المحترم وملامح الندم والتوبة عليه هى اللى خلتنى عايز اساعده لكن والله ما كنت بخدعك ولا حتى كنت ناوي اخدعك فى يوم من الايام يا شفاء.
_ياسلام والمفروض بقا ان انا اصدقك..طب تفسر ب ايه التمثلية الى انت عملتها انت وحسناء عليا لما دخلت الشركة لاول مرة..انا اساسا غبية لما صدقت انكم مش عارفين بعض وانتوا مطبخينها سوا..وبعدين مجبتهاش معاك ليه والا كنت متوقع تلاقينى هنا لوحدى ف قولت يحلالك الجو.
زفر قُصَى وهو يحاول تمالك اعصابه تحت نظرات حيفا السعيدة بتلك المواجهة التى تأخرت برأيها.
_انا وحسناء اخوات فى الرضاعة هى اكبر منى بسنة وشوية وفى الوقت ده كانت عايشة فى السعودية مع ابوها وامها بس امها عملت حادثة واتوفت ساعتها نزلت مع خالى على مصر وكانت ماما فى الوقت ده فى المستشفى بعد ولادتى ب اسبوع تقريبا وساعتها خالى اداها حسناء وقالها انها بقمام امها التانية..وبعدها نشأت علاقة اخوة ومحبة بينى وبين حسناء واحنا بنكبر سوا بس انا لما حبيت اتجه لمجال معين من الوظائف رفضت شركات خالى وحبيت اشتغل مدرس زى ما انا بس ماما كانت مصرة ان انا اكون جنب حسناء فى شغلها وده اللى خلانى اشتغل اى حاجة معاها وخلاص
ثانيا مجبتهاش معايا لانها مشيت مع هارون..ومتسالنيش مين هارون خلينا فى موضوعنا دلوقتى..ثالثا بقا انا مكنتش قاصد انى اجى الاقيكى لوحدك والكلام الفارغ ده بالعكس انا كنت جاى عشان اديكى دى.
