انت العوض عن كل مره قلت خيره

........

اليوم الثاني
الساعه ٨الصباح صحصحت وديان واخذت لها شور وبدلت وقامت تسوي لها فطور وبدت تفطرر وتشرب قهوتها وبعد ماخلصت حركت على دوامها وصلت دوامها وكانت منشغله بدوامها وماحست ب الوقت مالاحظت الا اتصال من امها ولما رفعت الجوال شهقت بصدمه كانت الساعه سبعه المساء
ردت على امها
ام عساف السلام عليكم
وديان وعليكم السلام الحمدلله على سلامتكم
ام عساف الله يسلمك
وديان امي عساف وصلو ولا
ام عساف ايوا من من زمان
وديان الحمدلله
ام عساف وانتي كيفك وش مسويه
وديان والله بخير في الدوام توي خلصت اشغالي
ام عساف الله يعينك يابنتي ويكتب اجرك
وديان امين امين
ام عساف يلا ياجل في امان الله ما ابغى ازعجك بس دقيت اتطمن عليك
وديان مافي اي زعاج معسلامه
وقفلو الخط
ورجعت وديان البيت وفتحت جوالها ولكن مشعل م ارسل شي
وعساف ارسل لها انهم وصلو قفلت جوالها وبعدين تذكرت شي واخذته وشافت حساب يارا ولكن ماكانت منزله شي وهي ماتبي تضيفها

وراحت لدولاب تبي تبدل ملابسها وسحبت التيشيرت اللي كانت مخبياه واخذته وقربته لوجها واستنشقت ريحته بكل حب وتذكرت  لما خبت التيشيرت عن مشعل لانها تبيه ولبست التيشيرت كان لونه اسود وبنطلون كاروهات احمر ووقفت عند المرايا ورفعت شعرها الكيرلي بشكل عشوائي وعدلت التيشيرت واخذت لها لقطه فيه وارسلتها لمشعل

وحطت راسها ونامت
عند مشعل وكان توه صاحي بسبب الشمس اللي كانت بوجهه فتح عيونه بتعب ومسك جواله وانصدم انه كان نايم من وصل الى الان
وبدون اي تفكير راح يشيك على حساب وديان وكان مرسله له سنابه فتحتها بكل لهفه وكان شكلها وهي لابسه تشيرته تبسم بضحك وارسل لها فويس وصوته كله نوم
مشعل: وانا اقول وينه تيشيرتي اثاريه معك ومخبيته عني والله انه يفداك التيشيرت وراعيه  ياعيون مشعل
وترك جواله وراح ياخذ له شور ونزل يبي ياكل بيموت جوع لان طول اليوم نايم نزل تحت وكان ابوه وفرح وام عساف في الصاله
مشعل: السلام عليكم
الكل :وعليكم السلام
فرح : ياولدي وش ذا النوم الله يهديك
مشعل :حتى انا مدري وش ذا نوم ماحسيت
فرح : جوعان تبي اكل!!
مشعل:جدا جوعان
فرح :تمام اللحين اجيب لك الاكل
مشعل: لا تتعبين نفسك بمر اخذ اي شي
فرح :الاكل جاهز تو اكلنا حنا
مشعل :ياجل تم
وكان مشعل ياكل في الصاله ويسولف معهم
مشعل وهو ياكل : تسلم يدك يايمه لذيذه
فرح :بالعافيه عليك
مشعل:  فروحه كانك محلوه ويغمز لها
فرح : من يومي حلوه ماشاءالله علي
سلطان: ولد تبي تتغزل انقلع تغزل بحبيبتك خل حبيبتي
وحضن فرح
مشعل: خير عشان حبيبتي مو فيه تبي تقهرني بحبيبتك
سلطان : لو انك تحبها كان ماخليتها
مشعل : زيك تارك حبيبتك شهر
سلطان : ولد استحي على وجههك تراني ابوك

نجمه وكومنت حلو يسعدني⭐️🌷