انت العوض عن كل مره قلت خيره

.....

بعد ساعه
يارا : وديان وش رايك ادق عليك
وديان : تم
ودقت يارا على وديان كام عشان يتعرفون
وديان: هاي كيفك
يارا: بخير ياعيوني مالوم مشعل لما مقدر ياخذ غيرك صدق ملاك
مشاءالله
وديان انحرجت وبخجل : بعد قلبي وانتي تهبلين بعد
يارا: الله يجبر بخاطرك
ضحكت وديان
يارا:وديان ليه ماجيتي
وديان: احس ماني مستعده وبرضو ماجا الوقت المناسب
يارا :وديان الوقت المناسب عمره مارح يجي لازم انتي تتحركين يعني الى متى بقعدين متخبيه  انا ادري انك مريتي بشي صعب مو سهل فاهمه وضعك ومتفهمتك ولكن فكري وش الفايده لو مات جدي بعيد الشر عنه وانتي ماجربتي ولا حسيتي بحنانه ولا جربت حبه وش الفايده لو نجلاء اخذت غيرك لمشعل وش الفايده لو تزوج مشعل وانتي متخبيه ولا قدرتي تعيشي معاه وتبين الصدق  نجلاء ناويه تخطب لمشعل
وديان : والله انك صادقه في كل كلامك لكن
يارا قاطعتها : مافي لكن اللي يحب يضحي ويحاول عشان اللي يحبه مشعل اربع سنين يحاول عشانك بس انتي ماحاولتي عشانه وديان انا اول مره اشوف مشعل مستانس تكفين تعالي وخليه فرحته دايمه ترى نجلاء ناويه تخطب لمشعل بعد زواج اسماء رح تخسرينه ياوديان تعالي وحاربي عشان اللي تحبينه ولااجلسي وراقبيه  من بعيد ولكن لا تزعلين اذا شفته بين احضان رتيل
لا تردين علي اللحين فكري ب كلامي زين ياوديان وبعدها ردي لي
وقفلت بدون تسمع كلام وديان
هنا وديان جلست تفكر بكلام يارا اللي كان مثل الكف اللي صحاها
هنا من غير ماتحس وديان لقت نفسها تدور اقرب رحله لرياض
وبعد ماحجزت جلست تفكر
وديان:  منجد وش الفايده لو جدي صار له شي وانا ماجربت حبه ولا حنانه وش الفايده من قعدتي هنا وكل اقاربي واهلي مجتمعين وسوى الى متى ياوديان تخيلي لو فعلا مشعل اخذ غيرك وديان لا يارب مقدر اتحمل اشوفه مع غيري

وقامت ونطقت بحزم : اانا راجعه وبقوه وبكون كابوسك يانجلاء ورح انتقم منك على كل شي سويتيه فيني
وبدت تجهز ملابسها لان رحلتها بكره وكان في فستان مشعل جايبه لها هديه وديان باخذه معي واحضر في الزواج

بعد يوم ونص
يوم الزواج:

والكل كان متواجد بالقاعه وبدو الحضور يزيد
عند وديان كانت تتجهز في الفندق رايحه تحضر الزواج وكانت بكامل اناقتها لابسه فستانها الوردي عاري اليدين وفيه ورده بالكتف الايسر والفستان كان ماسك عليه وكان بارز تفاصيل جسدها الفاتن
بخت وديان من عطرها الخاص
ولبست عبايتها اللي كان لونها بني غامق مع طرحه بيج ونزلت تركب مع السواق وحركت على الموقع القاعه اللي ارسلته لها يارا امس في حال غيرت رايها وقررت تحضر
وصلت وديان متاخر وكانت قاصده هالشي لانها ماتبي الكل يشوفها ودخلت وكانت ويارا واقفه عند صاله العشا تكلم سيف وديان نزلت عبايتها وراحت متوجهه ليارا اللي ماكنت ملاحظه وجود وديان
بعد لحظات وديان : يارا بنت
يارا التفت لصوت : وماقدرت تمنع صرختها بنتتت وتوجهت لها وحضنتها بقوه : وربي توقعت معد رح تجييي بنت وش المفاجأة الحلوه
وديان :عيوني انتي الحلوه يارا اسمعي ما ابغى امي تدري اني جيت ترى ماقلت ل احد
يارا :معليك
ودخلو القاعد واشتغلت اغنيه وديان تعشقها كانت ترقص عليها هي وبنت خالها الللي توفت
يارا وديان الاغنيه تجنن خلينا نرقص تكفين
وديان تمام بس نرقص ورى الناس عشان محد يشوفني
يارا ترى امك فوق عند اسماء يعني عادي
وديان تمام
وبدت الاغنيه بالبارت المحبوبه لهم
بحر الهوى والحب محتاج بحار
بدري عليك درب الهوى يامسيكن
ولا تحب لك صحيح حب المجانين
وهي هي ياللي وهي هي يالي
وبدت وديان تتمايل بجسدها متقنه الرقصه فاتنه وملفته لنظر
هنا
يارا بحماس عاشووو
وصورت وديان وهي ترقص

طولت البارت لعيونكككم
نجمه وكومنت🌷⭐️